Breaking News
Home / ਕੈਨੇਡਾ / ਟੋਰਾਂਟੋ ਕਰੀ ਫੀਵਰ 3 ਜੂਨ ਨੂੰ ਕਰੇਗਾ ਵਾਪਸੀ

ਟੋਰਾਂਟੋ ਕਰੀ ਫੀਵਰ 3 ਜੂਨ ਨੂੰ ਕਰੇਗਾ ਵਾਪਸੀ

ਟੋਰਾਂਟੋ : ਟੋਰਾਂਟੋ ਕਰੀ ਫੀਵਰ 3 ਜੂਨ ਨੂੰ ਵਾਪਸੀ ਕਰ ਰਿਹਾ ਹੈ। ਟੋਰਾਂਟੋ ਕਰੀ ਐਵਾਰਡਜ਼ ਦਾ ਆਯੋਜਨ ਲਗਾਤਾਰ ਦੂਜੇ ਸਾਲ ਕੀਤਾ ਜਾ ਰਿਹਾ ਹੈ ਅਤੇ ਰੋਮੇਲ ਗੁਲਜ਼ਾਰ ਇਕ ਵਾਰ ਫਿਰ ਤੋਂ ਟੋਰਾਂਟੋ ਏਰੀਏ ਦੇ ਲੋਕਾਂ ਨੂੰ ਇਕ ਨਵਾਂ ਅਨੁਭਵ ਦੇਣ ਲਈ ਤਿਆਰ ਹੈ। ਇਹ ਸ਼ਾਨਦਾਰ ਐਵਾਰਡ ਸ਼ੋਅ ਬੈਸਟ ਸਾਊਥ ਏਸ਼ੀਅਨ ਫੂਡ ਦੇ ਉਤਸਵ ਦੇ ਤੌਰ ‘ਤੇ 3 ਜੂਨ ਨੂੰ ਹੌਲੀਡੇ ਇਨ, ਟੋਰਾਂਟੋ ਏਅਰਪੋਰਟ ਵਿਚ ਆਯੋਜਿਤ ਕੀਤਾ ਜਾਵੇਗਾ। ਲੀਸੈਸਟਰ, ਇੰਗਲੈਂਡ ਨਾਲ ਸਬੰਧਤ ਰੋਮੇਲ ਕਰੀ ਐਵਾਰਡਜ਼ ਦੇ ਫਾਊਂਡਰ ਹਨ। ਇਹ ਫੂਡ ਐਵਾਰਡ ਲੀਸੈਸਟਰ, ਇੰਗਲੈਂਡ ਵਿਚ ਸ਼ੁਰੂ ਹੋਏ ਸਨ ਅਤੇ ਉਸ ਤੋਂ ਬਾਅਦ ਉਹ ਇਨ੍ਹਾਂ ਨੂੰ ਕੈਨੇਡਾ ਲੈ ਆਏ ਹਨ। ਇਨ੍ਹਾਂ ਐਵਾਰਡਾਂ ਨੂੰ ਕਈ ਕੈਟਾਗਰੀਆਂ ਵਿਚ ਪ੍ਰਦਾਨ ਕੀਤਾ ਜਾਵੇਗਾ, ਜਿਨ੍ਹਾਂ ਵਿਚ ਬੈਸਟ ਰੈਸਟ੍ਰੋ ਬਾਰ, ਬੈਸਟ ਟੇਕਬੇ, ਬੈਸਟ ਵੈਜੀਟੇਰਿਅਨ ਰੈਸਟੋਰੈਂਟ, ਬੈਸਟ ਨਿਊ ਰੈਸਟੋਰੈਂਟ, ਬੈਸਟ ਫਾਈਨ ਡਾਈਨਿੰਗ ਰੈਸਟੋਰੈਂਟ ਅਤੇ ਰੈਸਟੋਰੈਂਟ ਆਫ ਦਾ ਈਅਰ। ਰੋਮੇਲ ਗੁਲਜ਼ਾਰ ਨੇ ਇਸ ਮੌਕੇ ‘ਤੇ ਕਿਹਾ ਕਿ ਕਰੀ ਐਵਾਰਜ਼ ਸਾਰੇ ਸ਼ਾਨਦਾਰ ਸਾਊਥ ਏਸ਼ੀਅਨ ਰੈਸਟੋਰੈਂਟਾਂ ਬਾਰੇ ਦੱਸਦੇ ਹਨ ਕਿ ਜੋ ਸ਼ਹਿਰ ਵਿਚ ਮਸ਼ਹੂਰ ਹਨ।

Check Also

ਵੈਕਸੀਨੇਸ਼ਨ ਨਾ ਕਰਵਾਉਣ ਵਾਲੇ ਲੋਕਾਂ ਉੱਤੇ ਅਸੀਂ ਟੈਕਸ ਨਹੀਂ ਲਾਵਾਂਗੇ : ਫੋਰਡ

Parvasi News, Ontario  ਪ੍ਰੀਮੀਅਰ ਡੱਗ ਫੋਰਡ ਦਾ ਕਹਿਣਾ ਹੈ ਕਿ ਓਨਟਾਰੀਓ ਕਿਊਬਿਕ ਦੀ ਤਰਜ਼ ਉੱਤੇ ਕੋਵਿਡ-19 ਵੈਕਸੀਨੇਸ਼ਨ ਨਾ ਕਰਵਾਉਣ ਵਾਲੇ ਲੋਕਾਂ ਖਿਲਾਫ ਟੈਕਸ ਨਹੀਂ ਲਾਵੇਗਾ। ਟੋਰਾਂਟੋ ਜ਼ੂ ਵਿੱਚ ਖੋਲ੍ਹੇ ਗਏ ਵੈਕਸੀਨੇਸ਼ਨ ਕਲੀਨਿਕ ਦਾ ਜਾਇਜ਼ਾ ਲੈਣ ਗਏ ਫੋਰਡ ਨੇ ਇਹ ਟਿੱਪਣੀ ਕੀਤੀ। ਉਨ੍ਹਾਂ ਆਖਿਆ ਕਿ ਅਸੀਂ ਵੱਖਰੀ ਤਰ੍ਹਾਂ ਦੀ ਪਹੁੰਚ ਅਪਣਾ ਰਹੇ ਹਾਂ। ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਹੀ ਓਨਟਾਰੀਓ ਦੇ ਚੀਫ ਮੈਡੀਕਲ ਆਫੀਸਰ ਆਫ ਹੈਲਥ ਡਾ· ਕੀਰਨ ਮੂਰ ਨੇ ਆਖਿਆ ਕਿ ਕਿਊਬਿਕ ਦੀ ਯੋਜਨਾ ਉਨ੍ਹਾਂ ਨੂੰ ਦੰਡ ਦੇਣ ਵਰਗੀ ਲੱਗ ਰਹੀ ਹੈ ਤੇ ਉਨ੍ਹਾਂ ਦੇ ਪ੍ਰੋਵਿੰਸ ਵੱਲੋਂ ਇਸ ਤਰ੍ਹਾਂ ਦੇ ਮਾਪਦੰਡ ਲਿਆਉਣ ਬਾਰੇ ਵਿਚਾਰ ਨਹੀਂ ਕੀਤਾ ਜਾ ਰਿਹਾ। ਡਾ· ਕੀਰਨ ਮੂਰ ਨੇ ਆਖਿਆ ਕਿ ਸਾਡੇ ਵੱਲੋਂ ਮਹਾਂਮਾਰੀ ਦੌਰਾਨ ਇਸ ਤਰ੍ਹਾਂ ਦੀ ਕੋਈ ਵੀ ਸਿਫਾਰਿਸ਼ ਸਰਕਾਰ ਨੂੰ ਨਹੀਂ ਕੀਤੀ ਗਈ ਹੈ। ਉਨ੍ਹਾਂ ਆਖਿਆ ਕਿ ਅਸੀਂ ਬਾਲਗਾਂ ਨੂੰ ਹਮੇਸ਼ਾਂ ਵੈਕਸੀਨੇਸ਼ਨ ਦੇ ਫਾਇਦੇ ਦੱਸ ਕੇ ਹੀ ਉਨ੍ਹਾਂ ਨੂੰ ਪ੍ਰੇਰਿਤ ਕਰਨਾ ਚਾਹੁੰਦੇ ਹਾਂ ਤੇ ਇਸੇ ਤਰ੍ਹਾਂ ਹੀ ਅਸੀਂ ਉਪਲਬਧਤਾ ਤੇ ਪਹੁੰਚ ਨੂੰ ਵਧਾਉਣਾ ਚਾਹੁੰਦੇ ਹਾਂ। ਗੌਰਤਲਬ ਹੈ ਕਿ ਸਤੰਬਰ ਵਿੱਚ ਓਨਟਾਰੀਓ ਵਿੱਚ ਵੈਕਸੀਨੇਸ਼ਨ ਦੇ ਸਬੂਤ ਸਬੰਧੀ ਸਿਸਟਮ ਸੁ਼ਰੂ ਕੀਤਾ ਗਿਆ ਸੀ, ਇਸ ਤਹਿਤ ਉਨ੍ਹਾਂ ਓਨਟਾਰੀਓ ਵਾਸੀਆਂ ਨੂੰ ਵੈਕਸੀਨੇਸ਼ਨ ਤੋਂ ਛੋਟ ਦਿੱਤੀ ਗਈ ਸੀ ਜਿਹੜੇ ਮੈਡੀਕਲ ਕਾਰਨਾਂ ਕਰਕੇ ਸ਼ੌਟਸ ਨਹੀਂ ਸਨ ਲਵਾ ਸਕਦੇ।