ਵੱਖ-ਵੱਖ ਉਮਰ ਵਰਗਾਂ ਵਿਚ ਜੇਤੂ ਮਰਦਾਂ ਤੇ ਔਰਤਾਂ ਨੂੰ ਸਨਮਾਨਿਤ ਕੀਤਾ ਗਿਆ
ਬਰੈਂਪਟਨ/ਡਾ. ਝੰਡ : ਲੰਘੇ ਐਤਵਾਰ 19 ਮਈ ਨੂੰ ਹੋਈ ઑਸੱਤਵੀਂ ਇੰਸਪੀਰੇਸ਼ਨਲ ਸਟੈੱਪਸ਼ ਵਿਚ ਵੱਖ-ਵੱਖ ਦੌੜਾਂ ਵਿਚ ਦੌੜਨ ਵਾਲਿਆਂ ਤੇ ਪੈਦਲ ਚੱਲਣ ਵਾਲਿਆਂ ਵਿਚ ਇਕ ਹਜ਼ਾਰ ਤੋਂ ਵਧੇਰੇ ਲੋਕਾਂ ਨੇ ਭਾਗ ਲਿਆ ਜਿਨ੍ਹਾਂ ਵਿਚ ਟੀ.ਪੀ.ਏ.ਆਰ.ਕਲੱਬ ਦੇ 200 ਤੋਂ ਵਧੇਰੇ ਮੈਂਬਰਾਂ ਨੇ ਬੜੇ ਉਤਸ਼ਾਹ ਤੇ ਜੋਸ਼ ਨਾਲ ਭਾਗ ਲਿਆ।
ਸਵੇਰੇ ਸਾਢੇ ਪੰਜ ਵਜੇ ਸਕਾਰਬਰੋ ਗੁਰਦੁਆਰਾ ਸਾਹਿਬ ਤੋਂ ਸ਼ੁਰੂ ਹੋਈ 42 ਕਿਲੋਮੀਟਰ ਫੁੱਲ ਮੈਰਾਥਨ ਲਈ 11 ਦੌੜਾਕ ਸਨ, ਜਦ ਕਿ ਰਾਮਗੜ੍ਹੀਆ ਗੁਰੂਘਰ ਤੋਂ ਪੌਣੇ ਅੱਠ ਵਜੇ 21 ਕਿਲੋਮੀਟਰ ਹਾਫ਼ ਮੈਰਾਥਨ ਦੌੜਨ ਵਾਲਿਆਂ ਦੀ ਗਿਣਤੀ 46 ਸੀ। ਬਾਰਾਂ ਕਿਲੋਮੀਟਰ ਤੇ ਪੰਜ ਕਿਲੋਮੀਟਰ ਲਈ ਰਜਿਸਟਰ ਹੋਏ ਦੌੜਾਕਾਂ ਦੀ ਇਹ ਗਿਣਤੀ ਵੱਧਦੀ ਵੱਧਦੀ 185 ਅਤੇ 429 ਤੱਕ ਪਹੁੰਚ ਗਈ। ਪੰਜ ਕਿਲੋਮੀਟਰ ਦੌੜਨ ਵਾਲਿਆਂ ਦੀ ਵਡੇਰੀ ਗਿਣਤੀ ਨੂੰ ਮੁੱਖ ਰੱਖਦਿਆਂ ਹੋਇਆਂ ਉਨ੍ਹਾਂ ਨੂੰ ਚਾਰ ਵੱਖ-ਵੱਖ ਗਰੁੱਪਾਂ ਵਿਚ ਦੌੜਨ ਲਈ ਹਰੀ ਝੰਡੀ ਦਿੱਤੀ ਗਈ। ਵੱਖ-ਵੱਖ ਦੌੜਾਂ ਲਈ ਬਾਕਾਇਦਾ ਰਜਿਸਟਰ ਹੋਏ ਇਨ੍ਹਾਂ ਦੌੜਾਕਾਂ ਤੇ ਪੈਦਲ ਚੱਲਣ ਵਾਲਿਆਂ ਤੋਂ ਇਲਾਵਾ ਹੋਰ ਬਹੁਤ ਸਾਰੇ ਅਜਿਹੇ ਵਿਅੱਕਤੀ ਵੀ ਸਨ ਜੋ ਆਪਣੇ ਨਾਂ ਸਮੇਂ-ਸਿਰ ਰਜਿਸਟਰ ਨਹੀਂ ਕਰਵਾ ਸਕੇ ਅਤੇ ਸ਼ੁਗਲੀਆ ਤੌਰ ‘ઑਤੇ ਇਸ ਮਹਾਨ ਈਵੈਂਟ ਵਿਚ ਸ਼ਾਮਲ ਹੋਏ। ਇਨ੍ਹਾਂ ਤੋਂ ਇਲਾਵਾ ਛੇ ਸਾਲ ਤੋਂ ਛੋਟੇ ਬੱਚਿਆਂ ਲਈ ਇਕ ਕਿਲੋਮੀਟਰ ਦੌੜ ਦਾ ਵੀ ਆਯੋਜਨ ਕੀਤਾ ਗਿਆ।
ਡਿਕਸੀ ਗੁਰਘਰ ਦੇ ਸਾਹਮਣੇ ਬਣਾਈ ਗਈ ઑਫ਼ਿਨਿਸ਼-ਲਾਈਨ਼ ਉੱਪਰ ਪਹੁੰਚਣ ઑਤੇ ਦੌੜਾਕਾਂ ਤੇ ਪੈਦਲ ਚੱਲਣ ਵਾਲਿਆਂ ਦਾ ਤਾੜੀਆਂ ਦੀ ਗੂੰਜ ਨਾਲ ਸੁਆਗ਼ਤ ਕੀਤਾ ਜਾ ਰਿਹਾ ਸੀ। ਚਾਰੇ ਪਾਸੇ ਪੀਲੇ ਰੰਗ ਦੀਆਂ ਟੀ-ਸ਼ਰਟਾਂ ਵਾਲਿਆਂ ਦਾ ਸਮੁੰਦਰ ਨਜ਼ਰ ਆ ਰਿਹਾ ਸੀ। ਇਹ ਟੀ-ਸ਼ਰਟਾਂ ਸਿੱਖ ਸਪਿਰਿਚੂਅਲ ਸੈਂਟਰ ਗੁਰੂਘਰ ਵੱਲੋਂ ਸਪਾਂਸਰ ਕੀਤੀਆਂ ਗਈਆਂ ਸਨ। ਦੌੜਾਕਾਂ ਲਈ ਵੱਖ-ਵੱਖ ਫ਼ਲਾਂ, ਸਪਰਾਊਟਿਡ ਮੂੰਗੀ ਤੇ ਹੋਰ ਪੌਸ਼ਟਿਕ ਪਦਾਰਥਾਂ ਦਾ ਸੁਯੋਗ ਪ੍ਰਬੰਧ ਸੀ। ਇਕ ਵੱਡੇ ਟੈਂਟ ਵਿਚ ਕੜੀ-ਚਾਵਲ ਦਾ ਲੰਗਰ ਵੀ ਚੱਲ ਰਿਹਾ ਸੀ। ਵੱਖ-ਵੱਖ ਉਮਰ-ਵਰਗਾਂ ਵਿਚ ਜੇਤੂ ਦੌੜਾਕ ਮਰਦ ਤੇ ਔਰਤਾਂ ਨੂੰ ਵਿਸ਼ੇਸ਼ ਸਨਮਾਨ ਦੇ ਕੇ ਸਨਮਾਨਿਤ ਕੀਤਾ ਜਾ ਰਿਹਾ ਸੀ। ਇਨ੍ਹਾਂ ਜੇਤੂਆਂ ਵਿਚ ਫੁੱਲ ਮੈਰਾਥਨ ਕੈਟਗਰੀ ਵਿਚ ਬਹਾਦਰ ਸਿੰਘ ਸ਼ੋਕਰ (ਸਮਾਂ 3 ਘੰਟੇ 39 ਮਿੰਟ 57 ਸਕਿੰਟ) ਪਹਿਲੇ ਨੰਬਰ ઑਤੇ ਅਤੇ ਕਮਲਜੀਤ ਸਿੰਘ (ਸਮਾਂ 4 ਘੰਟੇ 29 ਮਿੰਟ 56 ਸਕਿੰਟ) ਤੇ ਦੂਸਰੇ ਨੰਬਰ ઑਤੇ ਰਹੇ। ਫੁੱਲ ਮੈਰਾਥਨ ਦੀ ਵਾਕਰ ਕੈਟਾਗਰੀ ਵਿਚ ਟੀ.ਪੀ.ਏ.ਆਰ. ਕਲੱਬ ਦੇ ਮੈਂਬਰ ਸੰਜੂ ਗੁਪਤਾ ਨੂੰ 6 ਘੰਟੇ 3 ਮਿੰਟ 12 ਸਕਿੰਟ ਦੇ ਸਮੇਂ ਨਾਲ ਪਹਿਲਾ ਅਤੇ ਰਾਜਨ ਸੱਭਰਵਾਲ ਨੂੰ 8 ਘੰਟੇ 27 ਮਿੰਟ ਨਾਲ ਦੂਸਰਾ ਸਥਾਨ ਪ੍ਰਾਪਤ ਹੋਇਆ। ਇੰਜ ਹੀ, ਹਾਫ਼ ਮੈਰਾਥਨ ਵਿਚ ਹਰਜੋਤ ਬੈਂਸ 1 ਘੰਟਾ 50 ਮਿੰਟ ਨਾਲ ਪਹਿਲੇ ਤੇ ਸਤਿੰਦਰ ਸਿਵੀਆ 1 ਘੰਟਾ 51 ਮਿੰਟ ਨਾਲ ਪਹਿਲੇ ਤੇ ਦੂਸਰੇ ਨੰਬਰ ઑਤੇ ਰਹੇ। 12 ਕਿਲੋਮੀਟਰ ਕੈਟਾਗਰੀ ਵਿਚ ਜਤਿੰਦਰ ਜਸਵਾਲ 50 ਮਿੰਟ 41 ਸਕਿੰਟ ਅਤੇ ਦਲਵੀਰ ਬਹਿਲ 55 ਮਿੰਟ 10 ਸਕਿੰਟ ਨਾਲ ਪਹਿਲੇ ਤੇ ਦੂਸਰੇ ਸਥਾਨ ઑਤੇ ਰਹੇ। 5 ਕਿਲੋਮੀਟਰ ਦੌੜ ਵਿਚ ਜੈਵੀਰ ਸੰਧਰ 20 ਮਿੰਟ 35 ਸਕਿੰਟ ਅਤੇ ਈਥਨ ਬੈਨਿੰਗ 21 ਮਿੰਟ 11 ਸਕਿੰਟ ਨਾਲ ਪਹਿਲੇ ਤੇ ਦੂਸਰੇ ਨੰਬਰ ઑਤੇ ਰਹੇ।
ਔਰਤਾਂ ਦੀ ਕੈਟਾਗਰੀ ਵਿਚ ਫੁੱਲ ਮੈਰਾਥਨ ਵਾਕਰ ਤਰਨਜੀਤ ਕੌਰ (9:23:06) ਤੇ ਖ਼ੁਸ਼ਵਿਨ ਧਾਲੀਵਾਲ ਨੇ ਏਨੇ ਹੀ ਸਮੇਂ (9:23:06) ਨਾਲ ਪਹਿਲਾ ਤੇ ਸਥਾਨ ਪ੍ਰਾਪਤ ਕੀਤਾ ਅਤੇ ਹਾਫ਼ ਮੈਰਾਥਨ ਵਿਚ ਰੁਪਿੰਦਰ ਢਿੱਲੋਂ (2:21:29) ਤੇ ਗੁਰਜੌਤ ਥਾਂਦੀ (3:01:31) ਪਹਿਲੇ ਤੇ ਦੂਸਰੇ ਨੰਬਰ ઑਤੇ ਰਹੀਆਂ। 12 ਕਿਲੋਮੀਟਰ ਦੌੜ ਵਿਚ ਕਿਰਨ ਬੱਟੂ (1:05:04) ਤੇ ਜਸਵਿੰਦਰ ਮਾਹੀ (1:17:18) ਨਾਲ ਪਹਿਲਾ ਤੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ। 5 ਕਿਲੋਮੀਟਰ ਦੌੜ ਵਿਚ ਅਮੀਤ ਕਲੇਰ 27 ਮਿੰਟ 32 ਸਕਿੰਟ ਤੇ ਅਨੁਰੀਤ ਬੇਦੀ 28 ਮਿੰਟ 44 ਸਕਿੰਟ ਸਮੇਂ ਨਾਲ ਪਹਿਲੇ ਤੇ ਦੂਸਰੇ ਨੰਬਰ ઑ’ਤੇ ਰਹੀਆਂ।
ਟੀ.ਪੀ. ਏ.ਆਰ. ਕਲੱਬ ਦਾ ਮੈਂਬਰ ਸੰਜੂ ਗੁਪਤਾ ਜਿੱਥੇ 42 ਕਿਲੋਮੀਟਰ ਵਾਕਰ ਕੈਟਾਗਰੀ ਵਿਚ 6 ਘੰਟੇ 3 ਮਿੰਟ 12 ਸਕਿੰਟ ਦੇ ਸਮੇਂ ਨਾਲ ਪਹਿਲੇ ਨੰਬਰ ‘ઑਤੇ ਰਿਹਾ, ਉੱਥੇ ਇਸ ਕਲੱਬ ਦੇ ਧਿਆਨ ਸਿੰਘ ਸੋਹਲ ਹਾਫ਼ ਮੈਰਾਥਨ 1 ਘੰਟਾ 52 ਮਿੰਟ 12 ਸਕਿੰਟ ਸਮੇਂ ਨਾਲ ਤੀਸਰੇ ਨੰਬਰ ‘ઑਤੇ ਅਤੇ ਸਵਰਨ ਸਿੰਘ 1 ਘੰਟਾ 52 ਮਿੰਟ 47 ਸਕਿੰਟ ਨਾਲ ਚੌਥੇ ਨੰਬਰ ઑ’ਤੇ ਰਹੇ। ਕਲੱਬ ਦੇ ਹੋਰ ਮੈਂਬਰਾਂ ਸੋਢੀ ਕੰਗ ਨੇ ਇਹ ਦੌੜ 2 ਘੰਟੇ 11 ਮਿੰਟ 9 ਸਕਿੰਟ, ਰੈਮੀ ਪੁਨੀਆ ਨੇ 2 ਘੰਮੇ 11 ਮਿੰਟ 32 ਸਕਿੰਟ ਅਤੇ ਸੁਖਦੇਵ ਸੰਧੂ ਨੇ 2 ਘੰਟੇ 29 ਮਿੰਟ 29 ਸਕਿੰਟ ਵਿਚ ਸਮਾਪਤ ਕੀਤੀ। ਇੱਥੇ ਇਹ ਜ਼ਿਕਰਯੋਗ ਹੈ ਕਿ ਸੰਜੂ ਗੁਪਤਾ ਨੇ ਇੰਸਪੀਰੇਸ਼ਨਲ ਸਟੈੱਪਸ ਈਵੈਂਟ ਦੀਆਂ ਹੁਣ ਤੀਕ ਹੋਈਆਂ ਸੱਤ ਦੌੜਾਂ ਵਿੱਚੋਂ ਛੇਆਂ ਵਿਚ ਹਿੱਸਾ ਲਿਆ ਹੈ। ਪਹਿਲੀ ਵਾਰ ਉਹ ਹਾਫ਼ ਮੈਰਾਥਨ ਦੌੜਿਆਂ ਅਤੇ ਫਿਰ ਪੰਜ ਵਾਰ ਲਗਾਤਾਰ ਫੁੱਲ-ਮੈਰਾਥਨ ਵਿਚ ਭਾਗ ਲੈਂਦਾ ਰਿਹਾ। ਇਸ ਤਰ੍ਹਾਂ ઑਇੰਸਪੀਰੇਸ਼ਨਲ ਸਟੈੱਪਸ਼ ਵਿਚ ਇਹ ਉਸ ਦੀ ਲਗਾਤਾਰ ਪੰਜਵੀ ਫੁੱਲ-ਮੈਰਾਥਨ ਦੌੜ ਹੈ।
ਇਸ ਕਲੱਬ ਦੇ ਸੱਭ ਤੋਂ ਸੀਨੀਅਰ ਮੈਂਬਰ ਈਸ਼ਰ ਸਿੰਘ ਚਾਹਲ (75 ਸਾਲ) ਨੇ 12 ਕਿਲੋਮੀਟਰ ਦੌੜ 2 ਘੰਟੇ 8 ਮਿੰਟ 8 ਸਕਿੰਟ ਵਿਚ ਪੂਰੀ ਕੀਤੀ। ਇੱਥੇ ਇਹ ਵਰਨਣਯੋਗ ਹੈ ਕਿ ਉਨ੍ਹਾਂ ਦਾ ਛੋਟਾ ਬੇਟਾ ਜੋਤ ਚਾਹਲ, ਨੂੰਹ ਜਸਕੀਰਤ ਚਾਹਲ ਅਤੇ ਪੋਤਰੀਆਂ ਮੇਹਰ (13 ਸਾਲ) ਤੇ ਮੌਜ (4 ਸਾਲ) ਅਮਰੀਕਾ ਦੇ ਸ਼ਹਿਰ ਫੇਅਟਵਿਲ ਤੋਂ ਉਚੇਚੇ ਤੌਰ ઑ’ਤੇ ਇਸ ਈਵੈਂਟ ਵਿਚ ਭਾਗ ਲੈਣ ਲਈ ਇਕ ਦਿਨ ਪਹਿਲਾਂ ਇੱਥੇ ਪਹੁੰਚੇ ਅਤੇ ਈਵੈਂਟ ਦੀ ਸਮਾਪਤੀ ਤੋਂ ਬਾਅਦ ਓਸੇ ਦਿਨ ਹੀ ਵਾਪਸ ਚਲੇ ਗਏ। ਉਨ੍ਹਾਂ ਦੀ ਨੂੰਹ ਜਸਕੀਰਤ ਚਾਹਲ ਨੇ 12 ਕਿਲੋਮੀਟਰ ਦੌੜ 1 ਘੰਟਾ 26 ਮਿੰਟ 41 ਸਕਿੰਟ ਵਿਚ ਪੂਰੀ ਕੀਤੀ ਅਤੇ ਛੇਵੇਂ ਸਥਾਨ ઑ’ਤੇ ਰਹੀ।
ਟੀ.ਪੀ.ਏ.ਆਰ. ਕਲੱਬ ਦਾ ਇਕ ਹੋਰ ਹਾਸਲ ਇਸ ਦੇ ਚੇਅਰਪਰਸਨ ਸੰਧੂਰਾ ਸਿੰਘ ਬਰਾੜ ਦੇ ਵੱਡੇ ਭਰਾ ਹਜ਼ੂਰਾ ਸਿੰਘ ਬਰਾੜ ਦਾ 11 ਸਾਲਾ ਪੋਤਰਾ ਰਣਬੀਰ ਬਰਾੜ ਹੈ ਜਿਸ ਨੇ 12 ਕਿਲੋਮੀਟਰ ਦੌੜ 1 ਘੰਟਾ 20 ਮਿੰਟ 8 ਸਕਿੰਟ ਵਿਚ ਸਮਾਪਤ ਕਰਕੇ 10-12 ਸਾਲ ਦੀ ਆਪਣੀ ਕੈਟਾਗਰੀ ਵਿਚ ਪਹਿਲੇ ਨੰਬਰ ‘ઑਤੇ ਆਇਆ। ਉਹ ਇਸ ਕਲੱਬ ਦਾ ਸੱਭ ਤੋਂ ਛੋਟੀ ਉਮਰ ਵਾਲਾ ਮੈਂਬਰ ਹੈ ਅਤੇ ਉਸ ਦੀ ਇਸ ਪ੍ਰਾਪਤੀ ਨਾਲ ਪੰਜਾਬੀ ਕਮਿਊਨਿਟੀ ਦੇ ਹੋਰ ਬੱਚਿਆਂ ਤੇ ਨੌਜਵਾਨਾਂ ਨੂੰ ਭਾਰੀ ਉਤਸ਼ਾਹ ਮਿਲੇਗਾ।
Home / ਕੈਨੇਡਾ / ਸੱਤਵੀ ਇੰਸਪੀਰੇਸ਼ਨਲ ਸਟੈੱਪਸ਼ ਵਿਚ ਟੀ.ਪੀ.ਏ.ਆਰ. ਕਲੱਬ ਦੇ 200 ਤੋਂ ਵੱਧ ਮੈਂਬਰਾਂ ਸਮੇਤ ਹਜ਼ਾਰ ਤੋਂ ਵਧੇਰੇ ਦੌੜਾਕਾਂ ਤੇ ਵਾਕਰਾਂ ਨੇ ਲਿਆ ਹਿੱਸਾ
Check Also
ਬਰੈਂਪਟਨ ਦੇ ਡੇਅਰੀ ਮੇਡ ਪਾਰਕ ‘ਚ ਜਨਮ ਅਸ਼ਟਮੀ ਦਾ ਤਿਉਹਾਰ ਸ਼ਰਧਾ ਨਾਲ ਮਨਾਇਆ ਗਿਆ
ਬਰੈਂਪਟਨ/ਬਿਊਰੋ ਨਿਊਜ਼ : ਬਰੈਂਪਟਨ ਦੇ ਡੇਅਰੀ ਮੇਡ ਪਾਰਕ ਵਿਚ ਲੰਘੀ 24 ਅਗਸਤ ਨੂੰ ਜਨਮ ਅਸ਼ਟਮੀ …