ਬਰੈਂਪਟਨ : ਯੂਨਾਈਟਿਡ ਬਰੈਂਪਟਨ ਕਬੱਡੀ ਕਲੱਬ ਨੂੰ ਇਹ ਐਲਾਨ ਕਰਨ ‘ਤੇ ਮਾਣ ਹੈ ਕਿ ਅਸੀਂ ਕੈਨੇਡਾ ਕਬੱਡੀ ਕੱਪ 2023 ਦੀ ਮੇਜ਼ਬਾਨੀ ਕਰਾਂਗੇ। ਸਰਕਲ ਸਟਾਈਲ ਕਬੱਡੀ ਦੀ ਖੇਡ ਲਈ ਇਹ ਸਲਾਨਾ ਵਿਸ਼ਵ ਚੈਂਪੀਅਨਸ਼ਿਪ ਟੂਰਨਾਮੈਂਟ ਸ਼ਨੀਵਾਰ 12 ਅਗਸਤ 2023 ਨੂੰ ਹੈਮਿਲਟਨ ਦੇ ਫਸਟ ਉਨਟਾਰੀਓ ਸੈਂਟਰ (101 ਯਾਰਕ ਬਲਵੀਡ) ਵਿਖੇ ਆਯੋਜਿਤ ਕੀਤਾ ਜਾਵੇਗਾ। ਇਹ ਟੂਰਨਾਮੈਂਟ ਕਬੱਡੀ ਫੈਡਰੇਸ਼ਨ ਆਫ ਉਨਟਾਰੀਓ ਦੇ ਨਿਯਮਾਂ ਤਹਿਤ ਕਰਵਾਇਆ ਜਾਵੇਗਾ। ਸਾਨੂੰ ਇਹ ਐਲਾਨ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਸਾਡੇ ਕੋਲ ਨਿਮਨਲਿਖਤ ਟੀਮਾਂ ਨੇ ਪੁਸ਼ਟੀ ਕੀਤੀ ਹੈ : ਕੈਨੇਡਾ ਈਸਟ, ਕੈਨੇਡਾ ਵੈਸਟ, ਇੰਗਲੈਂਡ, ਭਾਰਤ, ਅਮਰੀਕਾ ਅਤੇ ਪਾਕਿਸਤਾਨ। ਅਸੀਂ ਜਲਦੀ ਹੀ ਵਾਧੂ ਟੀਮਾਂ ਦਾ ਐਲਾਨ ਕਰਨ ਦੀ ਉਮੀਦ ਕਰਦੇ ਹਾਂ। ਕਲੱਬ ਦੇ ਪ੍ਰਧਾਨ ਜੁਝਾਰ ਸਿੰਘ ਸ਼ੋਕਰ ਨੇ ਕਿਹਾ ਕਿ ਅਸੀਂ ਇਸ ਨੂੰ ਉਨਟਾਰੀਓ ਵਿਚ ਹੁਣ ਤੱਕ ਦੇ ਸਭ ਤੋਂ ਯਾਦਗਾਰੀ ਖੇਡ ਸਮਾਗਮਾਂ ਵਿਚੋਂ ਇਕ ਬਣਾਉਣ ਦੀ ਪੂਰੀ ਕੋਸ਼ਿਸ਼ ਕਰਨ ਜਾ ਰਹੇ ਹਾਂ। ਸ਼ੋਕਰ ਨੇ ਕਿਹਾ ਕਿ ਅਸੀਂ ਜਲਦ ਹੀ ਇਕ ਪ੍ਰੈਸ ਕਾਨਫਰੰਸ ਕਰਾਂਗੇ ਅਤੇ ਉਸ ਪ੍ਰੈਸ ਕਾਨਫਰੰਸ ਦੇ ਵੇਰਵੇ ਸਾਰੇ ਮੀਡੀਆ ਆਊਟਲੈਟਾਂ ਨਾਲ ਸਾਂਝੇ ਕੀਤੇ ਜਾਣਗੇ। ਹੋਰ ਜਾਣਕਾਰੀ ਲਈ ਜੁਝਾਰ ਸਿੰਘ ਸ਼ੋਕਰ ਨਾਲ ਫੋਨ ਨੰਬਰ (647) 400-6948 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।