ਢਾਡੀ ਹਰਦੀਪ ਸਿੰਘ ਸਾਧੜਾ ਦਾ ਜਥਾ ਸਨਮਾਨਿਤ

ਟੋਰਾਂਟੋ : ਪੰਜਾਬ ਤੋਂ ਆਏ ਢਾਡੀ ਹਰਦੀਪ ਸਿੰਘ ਸਾਧੜਾ ਦੇ ਜਥੇ ਵਲੋਂ ਟੋਰਾਂਟੋ ਅਤੇ ਨੇੜਲੇ ਸ਼ਹਿਰਾਂ ਵਿਚ ਸਥਿਤ ਗੁਰਦੁਆਰਾ ਸਾਹਿਬਾਨ ਵਿਚ ਰੋਜ਼ਾਨਾ ਧਾਰਮਿਕ ਦੀਵਾਨਾਂ ਵਿਚ ਹਾਜ਼ਰ ਸੰਗਤਾਂ ਨੂੰ ਢਾਡੀ ਵਾਰਾਂ ਦੇ ਗਾਇਨ ਦੁਆਰਾ ਸਿੱਖ ਇਤਿਹਾਸ ਨਾਲ ਜੋੜਿਆ ਗਿਆ।
ਲੰਘੇ ਦਿਨੀਂ ਗੁਰਦੁਆਰਾ ਸਿੱਖ ਸੰਗਤ ਬਰੈਂਪਟਨ ਦੇ ਪ੍ਰਬੰਧਕਾਂ ਅਤੇ ਇੱਥੇ ਵਸੇ ਪਿੰਡ ਸਾਧੜਾ ਨਿਵਾਸੀਆਂ ਵਲੋਂ ਢਾਡੀ ਹਰਦੀਪ ਸਿੰਘ ਸਾਧੜਾ ਦੇ ਜਥੇ ਨੂੰ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਭਾਈ ਅਵਤਾਰ ਸਿੰਘ ਸਾਧੜਾ, ਜਗਤਾਰ ਸਿੰਘ ਸਾਧੜਾ, ਗੁਰਦੀਪ ਸਿੰਘ ਸਾਧੜਾ, ਰੇਸ਼ਮ ਸਿੰਘ ਸਾਧੜਾ, ਸੰਤੋਖ ਸਿੰਘ ਸਾਧੜਾ, ਮੇਜਰ ਸਿੰਘ ਸਾਧੜਾ, ਜਸਬੀਰ ਸਿੰਘ ਸਾਧੜਾ, ਦਿਲਾਵਰ ਸਿੰਘ ਸਾਧੜਾ, ਜਸਵੀਰ ਸਿੰਘ ਮਾਂਟਰੀਆਲ, ਜਸਵਿੰਦਰ ਸਿੰਘ, ਧਿਆਨ ਸਿੰਘ, ਅਮਰਜੀਤ ਸਿੰਘ, ਬਹਾਦਰ ਸਿੰਘ ਅਤੇ ਝਲਮਣ ਸਿੰਘ ਆਦਿ ਹਾਜ਼ਰ ਸਨ।