Novo Nordisk Canada ਤੇ ਮੇਅਰ ਕ੍ਰੋਮਬੀ ਦੀ ਮਿਸੀਸੌਗਾ ਮੈਰਾਥਨ ਲਈ ਤਿਆਰੀ

ਕੋਵਿਡ-19 ਮਹਾਂਮਾਰੀ ਦੇ ਕਾਰਨ ਦੋ-ਸਾਲ ਦੇ ਵਕਫ਼ੇ ਤੋਂ ਬਾਅਦ ਮਿਸੀਸੌਗਾ ਮੈਰਾਥਨ ਤੇ ਵਿਅਕਤੀਗਤ ਦੌੜ-ਮੁਕਾਬਲਾ ਫੇਰ ਤੋਂ ਹੋਣ ਵਾਲਾ ਹੈ, ਜੋ ਸਥਾਨਕ ਰਿਹਾਇਸ਼ੀਆਂ ਨੂੰ ਬਰਾਦਰੀ ਦੀਆਂ ਸਿਹਤ ਸਬੰਧੀ ਪਹਿਲਕਦਮੀਆਂ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣ ਲਈ ਪ੍ਰੇਰਿਤ ਕਰ ਰਿਹਾ ਹੈ
ਮਿਸੀਸੌਗਾ, ਓਨਟਾਰੀਓ – ਮਿਸੀਸੌਗਾ ਦੇ ਮੇਅਰ ਬੌਨੀ ਕ੍ਰੋਮਬੀ ਮਿਸੀਸੌਗਾ ਮੈਰਾਥਨ ਦੇ ਹਿੱਸੇ ਵਜੋਂ Ek ਹੇਜ਼ਲ ਵਾਕ/ਰਨ ਵਿੱਚ ਆਪਣੇ ਦੌੜਾਕਾਂ ਨੂੰ ਸਿਖਰਲੇ ਸਥਾਨਕ ਖੋਜੀਆਂ ਅਤੇ ਨਿਵਾਸੀਆਂ ਦੇ ਨਾਲ ਜੁੜਨ ਲਈ ਤਿਆਰ ਕਰੇਗੀ, ਜੋ ਸਿਹਤਮੰਦ ਜੀਵਨ ਜੀਉਣ ਨੂੰ ਵਧਾਵਾ ਦੇਣ ਅਤੇ ਟਾਈਪ 2 ਡਾਇਬੀਟੀਜ਼ ਨਾਲ ਲੜਣ ਲਈ ”ਡਾਇਬੀਟੀਜ਼ ਪ੍ਰਿਵੇਂਸ਼ਨ ਡ੍ਰੀਮ ਟੀਮ” ਨਾਲ ਸ਼ਾਮਲ ਹੋਣਗੇ।
ਸਾਲਾਨਾ ਮਿਸੀਸੌਗਾ ਮੈਰਾਥਨ ਲਈ ਪ੍ਰੋਗਰਾਮ ਸ਼ਨੀਵਾਰ 30 ਅਪ੍ਰੈਲ ਤੋਂ ਐਤਵਾਰ 1 ਮਈ ਤਕ ਵਿਅਕਤੀਗਤ ਤੌਰ ‘ਤੇ ਹੋਣਗੇ। Novo Nordisk ਨੂੰ Ek ਹੇਜ਼ਲ ਵਾਕ/ਰਨ ਦੀ ਪੇਸ਼ਕਾਰੀ ਕਰਕੇ ਮਾਣ ਹੁੰਦਾ ਹੈ ਜੋ ਆਈਕੋਨਿਕ ਲਾਈਟਹਾਊਸ ਵਿਖੇ ਪੋਰਟ ਕ੍ਰੈਡਿਟ ਤੋਂ ਸ਼ੁਰੂ ਹੋ ਕੇ ਲੇਕਫ੍ਰੰਟ ਪ੍ਰੋਮੇਨੈਡ ਪਾਰਕ ‘ਤੇ ਖਤਮ ਹੋਵੇਗੀ। ਮੈਰਾਥਨ ਦੀ ਵਾਪਸੀ ਸਿਹਤਮੰਦ ਜੀਵਨ ਜੀਉਣ ਅਤੇ ਜ਼ਿਆਦਾ ਸਿਹਤਮੰਦ ਸ਼ਹਿਰਾਂ ਨੂੰ ਪ੍ਰੇਰਿਤ ਕਰਨ ਲਈ ਮਿਸੀਸੌਗਾ ਨੂੰ ਇੱਕ ਖੁੱਲ੍ਹੇ, ਸੁਰੱਖਿਅਤ ਮਾਹੌਲ ਵਿੱਚ ਇਕੱਠਿਆਂ ਲਿਆਉਂਦੀ ਹੈ।
ਪੀਲ ਰੀਜਨ – ਜਿਸ ਵਿੱਚ ਮਿਸੀਸੌਗਾ ਸ਼ਾਮਲ ਹੈ – ਓਨਟਾਰੀਓ ਵਿਚਲੀ ਟਾਈਪ 2 ਡਾਇਬੀਟੀਜ਼ ਦੀਆਂ ਉੱਚਤਮ ਘਟਨਾ ਦਰਾਂ ਵਿੱਚੋਂ ਇੱਕ ਹੈ। ਪੀਲ ਵਿੱਚ ਵਰਤਮਾਨ ਸਮੇਂ ‘ਤੇ 10 ਬਾਲਗ਼ਾਂ ਵਿੱਚੋਂ ਤਕਰੀਬਨ 1 ਡਾਇਬੀਟੀਜ਼ ਜਾਂ ਪ੍ਰੀਡਾਇਬੀਟੀਜ਼ ਨਾਲ ਜ਼ਿੰਦਗੀ ਬਿਤਾ ਰਿਹਾ ਹੈ ਅਤੇ ਇਹ ਸੰਖਿਆ 2025 ਤਕ 6 ਵਿੱਚੋਂ 1 ਤਕ ਵਧਣ ਦਾ ਅਨੁਮਾਨ ਹੈ। ਸਾਡੇ ਗਰਮੀ ਦੇ ਮੌਸਮ ਅਤੇ ਵਿਅਕਤੀਗਤ ਮਿਸੀਸੌਗਾ ਮੈਰਾਥਨ ਦੀ ਵਾਪਸੀ ਦੇ ਨਾਲ, ਰਿਹਾਇਸ਼ੀਆਂ ਨੂੰ ਕ੍ਰਿਆਸ਼ੀਲ ਹੋਣ ਅਤੇ ਇੱਕ ਸਮੇਂ ‘ਤੇ ਇੱਕ ਕਦਮ ਪੁੱਟ ਕੇ, ਡਾਇਬੀਟੀਜ਼ ਦੀ ਦਰ ਨੂੰ ਘਟਾਉਣ ਵਿੱਚ ਮਦਦ ਕਰਨ ਲਈ ਪ੍ਰੇਰਿਤ ਕੀਤਾ ਜਾਂਦਾ ਹੈ।
”ਅਸੀਂ ਇਸ ਵੀਕੈਂਡ ਨੂੰ ਸਾਡੇ ਸਾਲਾਨਾ ਮਿਸੀਸੌਗਾ ਮੈਰਾਥਨ ਵਿਖੇ ਦੌੜਾਕਾਂ ਦਾ ਸਵਾਗਤ ਕਰਨ ਲਈ ਬਹੁਤ ਉਤਸ਼ਾਹਿਤ ਹਾਂ, ਕਿਉਂਕਿ ਇਹ ਇੱਕ ਵੱਡੇ ਉਦੇਸ਼ ਲਈ ਬਰਾਦਰੀ ਨੂੰ ਇਕੱਠੇ ਕਰਕੇ ਵਾਪਸ ਲਿਆਉਣ ਦਾ ਸ਼ਾਨਦਾਰ ਮੌਕਾ ਹੈ, ਜਦਕਿ ਸਿਹਤਮੰਦ, ਕ੍ਰਿਆਸ਼ੀਲ ਜੀਵਨਸ਼ੈਲੀ ਨੂੰ ਪ੍ਰੇਰਿਤ ਕਰਨ ਦਾ ਵੀ”, ਮਿਸੀਸੌਗਾ ਦੀ ਮੇਅਰ ਬੌਨੀ ਕ੍ਰੋਮਬੀ ਨੇ ਕਿਹਾ। ”ਪਿਛਲੇ ਸਾਲ ਹੀ, ਮਿਸੀਸੌਗਾ ਦਾ ਸ਼ਹਿਰ Cities Changing Diabetes ਦੇ ਨਾਲ ਜੁੜਿਆ, ਜੋ ਸ਼ਹਿਰਾਂ ਵਿੱਚ ਟਾਈਪ 2 ਡਾਇਬੀਟੀਜ਼ ਦੇ ਵਾਧੇ ਨਾਲ ਨਿਪਟਣ ਲਈ ਇੱਕ ਵਿਸ਼ਵਵਿਆਪੀ ਪ੍ਰੋਗਰਾਮ ਹੈ, ਅਤੇ ਮਿਸੀਸੌਗਾ ਮੈਰਾਥਨ ਇਸ ਦੀ ਇੱਕ ਮਹਾਨ ਉਦਾਹਰਨ ਹੈ ਕਿ ਅਸੀਂ ਬਰਾਦਰੀ ਵਿੱਚ ਸਿਹਤਮੰਦ ਜੀਵਨ ਨੂੰ ਵਧਾਵਾ ਦੇਣ ਲਈ ਅਤੇ ਡਾਇਬੀਟੀਜ਼ ਦੇ ਜੋਖਮ ਨੂੰ ਘਟਾਉਣ ਲਈ ਮਿਲ ਕੇ ਕਿਵੇਂ ਕੰਮ ਕਰ ਸਕਦੇ ਹਾਂ। ਮੈਂ ਹਰ ਉਮਰ ਅਤੇ ਯੋਗਤਾ ਵਾਲੇ ਮਿਸੀਸੌਗਾ ਦੇ ਰਿਹਾਇਸ਼ੀਆਂ ਨੂੰ ਕ੍ਰਿਆਸ਼ੀਲ ਹੋ ਕੇ ਮਿਸੀਸੌਗਾ ਮੈਰਾਥਨ ਵਿਖੇ ਸਾਡੇ ਨਾਲ ਸ਼ਾਮਲ ਹੋਣ ਦੀ ਹੱਲਾਸ਼ੇਰੀ ਦਿੰਦੀ ਹਾਂ।”
ਜਦਕਿ ਡਾਇਬੀਟੀਜ਼ 11 ਲੱਖ ਦੇ ਕਰੀਬ ਕੈਨੇਡਾ ਵਾਸੀਆਂ ‘ਤੇ ਮਾੜਾ ਅਸਰ ਪਾਉਂਦੀ ਹੈ, ਟਾਈਪ 2 ਡਾਇਬੀਟੀਜ਼ ਮਿਸੀਸੌਗਾ ਵਿੱਚ ਇੱਕ ਜਨਤਕ ਸਿਹਤ ਚਿੰਤਾ ਬਣ ਗਈ ਹੈ ਜੋ ਜੀਵਨ ਦੀ ਗੁਣਵੱਤਾ ਅਤੇ ਸਿਹਤ-ਸੰਭਾਲ ਪ੍ਰਣਾਲੀ ਉੱਤੇ ਵੱਡਾ ਬੋਝ ਪਾਉਂਦੀ ਹੈ। ਪੀਲ ਰੀਜਨ ਵਿੱਚ ਡਾਇਬੀਟੀਜ਼ ਦੀ ਅਨੁਮਾਨਿਤ ਸਿਹਤ-ਸੰਭਾਲ ਲਾਗਤ 2024 ਵਿੱਚ $689 ਮਿਲੀਅਨ ਹੋਣ ਦਾ ਅਨੁਮਾਨ ਲਗਾਇਆ ਜਾਂਦਾ ਹੈ।
”ਮਿਸੀਸੌਗਾ ਵਿੱਚ ਸਾਡੇ ਮੁੱਖ ਦਫਤਰ, ਅਤੇ ਕੈਨੇਡਾ ਦੇ ਸੱਤਵੇਂ ਵੱਡੇ ਸ਼ਹਿਰ ਵਿੱਚ ਰਹਿ ਰਹੇ ਕਈ ਸਾਥੀਆਂ ਦੇ ਨਾਲ; Novo Nordisk Canada ਨੂੰ ਮਿਸੀਸੌਗਾ ਮੈਰਾਥਨ ਦੇ 5ਾ ਹੇਜ਼ਲ ਰਨ/ਵਾਕ ਦੀ ਪੇਸ਼ਕਾਰੀ ਕਰਕੇ ਮਾਣ ਮਹਿਸੂਸ ਹੁੰਦਾ ਹੈ। ਇਹ ਭਾਈਵਾਲੀ ਬਦਲਾਵ ਲਿਆਉਣ ਅਤੇ ਡਾਇਬੀਟੀਜ਼ ਨੂੰ ਹਰਾਉਣ ਵਿੱਚ ਸਾਡੀ ਲਗਾਤਾਰ ਵਚਨਬੱਧਤਾ ਦੇ ਨਾਲ ਮੇਲ ਖਾਂਦੀ ਹੈ, ਐਡਮ ਮਾਰਸੇਲਾ, ਵਿਦੇਸ਼ੀ ਮਾਮਲਿਆਂ ਦੇ ਡਾਇਰੈਕਟਰ Novo Nordisk Canada ਨੇ ਕਿਹਾ। ”ਮਿਸੀਸੌਗਾ ਸ਼ਹਿਰ ਅਤੇ ਮਿਸੀਸੌਗਾ ਮੈਰਾਥਨ ਦੇ ਨਾਲ ਸਾਡੀ ਭਾਈਵਾਲੀ ਡਾਇਬੀਟੀਜ਼ ਅਤੇ ਦੂਜੀਆਂ ਪੁਰਾਣੀਆਂ ਬਿਮਾਰੀਆਂ ਦੀ ਰੋਕਥਾਮ ਕਰਨ ਅਤੇ ਇਸਦਾ ਵਾਪਰਨਾ ਘਟਾਉਣ ਵਿੱਚ ਮਦਦ ਲਈ ਇੱਕ ਮਹੱਤਵਪੂਰਨ ਕਦਮ ਹੈ।”
ਮਿਸੀਸੌਗਾ ਮੈਰਾਥਨ ਬਾਰੇ ਵਧੇਰੀ ਜਾਣਕਾਰੀ ਲਈ ਜਾਂ ਰਜਿਸਟਰ ਕਰਨ ਲਈ, https://www.mississaugamarathon.com/ ‘ਤੇ ਜਾਓ।
Cities Changing Diabetes Mississauga ਪ੍ਰੋਗਰਾਮ ਬਾਰੇ ਜ਼ਿਆਦਾ ਜਾਣਕਾਰੀ ਲਈ https://www.mississauga.ca/projects-and-strategies/city-projects/cities-changing-diabetes-programme/ ‘ਤੇ ਜਾਓ।