ਡਾ. ਰਮਨੀਕ ਦਾ ਡਾਕਟਰੀ ਲਾਇਸੰਸ ਰੱਦ

ਮਾਮਲਾ : ਬੱਚਿਆਂ ਨਾਲ ਜਿਣਸੀ ਸ਼ੋਸ਼ਣ ਦਾ
ਬਰੈਂਪਟਨ : ਡਾ. ਰਮਨੀਕ ਕੁਮਾਰ ਦੇ ਡਾਕਟਰੀ ਪੇਸ਼ੇ ਨਾਲ ਸਬੰਧਤ ਲਾਇਸੰਸ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਕਾਲਜ ਆਫ਼ ਫਿਜੀਸ਼ੀਅਨ ਅਤੇ ਸਰਜਨਸ ਆਫ਼ ਐਲਬਰਟਾ ਨੇ ਜਾਰੀ ਪ੍ਰੈਸ ਬਿਆਨ ਵਿਚ ਦੱਸਿਆ ਕਿ ਹੁਣ ਡਾ. ਰਮਨੀਕ ਕੁਮਾਰ ਆਪਣੀ ਡਾਕਟਰੀ ਦੀ ਪ੍ਰੈਕਟਿਸ ਨੂੰ ਜਾਰੀ ਨਹੀਂ ਰੱਖ ਸਕਦੇ। ਹਾਂ ਉਨ੍ਹਾਂ ਨੂੰ ਐਲਬਰਟਾ ਕੋਰਟ ਵਿਚ ਅਪੀਲ ਕਰਨ ਦਾ ਹੱਕ ਹੈ। ਜ਼ਿਕਰਯੋਗ ਹੈ ਕਿ ਡਾ. ਰਮਨੀਕ ਕੁਮਾਰ ਬੱਚੀਆਂ ਨਾਲ ਜਿਣਸੀ ਸ਼ੋਸ਼ਣ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਹਨ। ਹੁਣ ਉਨ੍ਹਾਂ ਦਾ ਡਾਕਟਰੀ ਪ੍ਰੈਕਟਿਸ ਲਾਇਸੰਸ ਹੈਲਥ ਪ੍ਰੋਟੈਕਸ਼ਨਜ਼ ਐਕਟ ਦੀ ਧਾਰਾ 65 ਦੇ ਤਹਿਤ ਫਿਲਹਾਲ ਰੱਦ ਕਰ ਦਿੱਤਾ ਗਿਆ ਹੈ।