ਸੇਵਾਦਲ ਦਾ ਵਫਦ ਸੋਨੀਆ ਸਿੱਧੂ ਨੂੰ ਮਿਲਿਆ

ਬਰੈਂਪਟਨ/ਬਿਊਰੋ ਨਿਊਜ਼ : ਲੰਘੇ ਵੀਰਵਾਰ 25 ਮਈ, 2017 ਨੂੰ ਸੇਵਾਦਲ ਦਾ ਇਕ ਵਫਦ ਐਮਪੀ ਸੋਨੀਆ ਸਿੱਧੂ ਨੂੰ ਉਨ੍ਹਾਂ ਦੇ ਦਫਤਰ ਵਿਚ ਮਿਲਿਆ। ਮਕਸਦ ਸੀ ਸੀਨੀਅਰਜ਼ ਦੀ ਬੜੀ ਦੇਰ ਤੋਂ ਚਲਦੀ ਆ ਰਹੀ ਫਾਰਿਨ ਇਨਕਮ ਉਪਰ ਡੀਮਾਂਡ ਬਾਰੇ ਜਾਣਕਾਰੀ ਦੇਣਾ ਅਤੇ ਉਪਾਅ ਲੱਭਣਾ। ਮੈਡਮ ਨੇ ਸਾਰੀ ਗੱਲ ਬੜੇ ਧਿਆਨ ਨਾਲ ਸੁਣੀ ਅਤੇ ਦੱਸਿਆ ਕਿ ਇਸ ਬਾਰੇ ਥੋੜ੍ਹਾ ਬਹੁਤ ਸੁਣਿਆ ਜਰੂਰ ਸੀ ਪਰ ਜੋ ਤਫਸੀਲ ਤੁਸਾਂ ਦੱਸੀ ਹੈ, ਗਲ ਮੈਨੂੰ ਪੂਰੀ ਤਰ੍ਹਾਂ ਸਮਝ ਲਗ ਗਈ ਹੈ। ਸੇਵਾਦਲ ਦੀ ਡੀਮਾਂਡ ਹੈ ਕਿ ਫਾਰਿਨ ਇਨਕਮ ਦੀ ਰਾਸ਼ੀ ਤੈਅ ਕੀਤੀ ਜਾਵੇ ਜਿਸ ਤੋਂ ਬਾਅਦ ਇਕ ਸ਼ਹਿਰੀ ਨੂੰ ਇਨਕਮ ਟੈਕਸ ਰੀਟਰਨ ਵਿਚ ਦੱਸਣ ਦੀ ਪਾਬੰਦੀ ਹੋਵੇ।  ਮੌਜੂਦਾ ਲੈਜਿਸਲੇਸ਼ਨ ਇਸ ਬਾਰੇ ਸਾਫ ਨਹੀਂ ਹੈ। ਕਾਨੂੰਨ ਕਹਿੰਦਾ ਹੈ ਕਿ ਜੇ ਕਿਸੇ ਕੋਲ ਇਕ ਲੱਖ ਡਾਲਰ ਤੋਂ ਉਪਰ ਕੀਮਤ ਦੀ ਪਰਾਪਰਟੀ ਹੈ ਤਾਂ ਉਸ ਤੋਂ ਮਿਲਣ ਵਾਲੀ ਆਮਦਨ ਦੱਸੀ ਜਾਵੇ। ਡੀਮਾਂਡ ਹੈ ਕਿ ਪ੍ਰਾਪਰਟੀ ਦੀ ਕੀਮਤ ਨੂੰ ਅਧਾਰ ਮੰਨਣ ਦੀ ਜਗ੍ਹਾ ਕੇਵਲ ਆਮਦਨ ਨੂੰ ਅਧਾਰ ਮੰਨਿਆ ਜਾਵੇ ਅਤੇ ਉਸ ਅਧਾਰ ਰਾਸ਼ੀ ਬਾਰੇ ਅੰਕੜਾ ਦੱਸਿਆ ਜਾਵੇ। ਮੈਡਮ ਨੂੰ ਇਹ ਵੀ ਦੱਸਿਆ ਗਿਆ ਕਿ ਇਹ ਗੱਲ ਤਕਰੀਬਨ ਸਭ ਸਿਟਿੰਗ ਐਮਪੀਜ਼ ਦੀ ਜਾਣਕਾਰੀ ਵਿਚ ਹੈ, ਪਰ ਇਸ ਵਿਸ਼ੇ ਉਪਰ ਹੋਇਆ ਹਾਲਾਂ ਕੁਝ ਨਹੀਂ। ਜਿਹੜਾ ਵੀ ਐਮਪੀ ਇਸ ਉਪਰ ਜ਼ਿਕਰਯੋਗ ਯੋਗਦਾਨ ਪਾਵੇਗਾ ਕੁਲ ਭਾਈਚਾਰਾ, ਉਸ ਨੂੰ ਪੂਰੀ ਤਰ੍ਹਾਂ ਸਪੋਰਟ ਦੇਵੇਗਾ। ਮੈਡਮ ਸਿੱਧੂ ਨੇ ਆਪਣੀਆਂ ਕਾਕਸ ਮੀਟਿੰਗਾਂ ਵਿਚ ਇਸ ਬਾਰੇ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਲਾਬੀ ਕਰਨ ਦਾ ਵਾਇਦਾ ਕੀਤਾ ਹੈ। ਹੋਰ ਜਾਣਕਾਰੀ ਲਈ ਫੋਨ ਹਨ 905 794 7882 ਜਾਂ 647 993 0330