ਕੈਨੇਡਾ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਦੁਨੀਆ ਦੇ ਸਭ ਤੋਂ ਸੁਰੱਖਿਅਤ ਸਥਾਨਾਂ ਵਿੱਚੋਂ ਇੱਕ : ਗੁਰਫਤਹਿ ਸਿੰਘ ਗਿੱਲ

ਚੰਡੀਗੜ੍ਹ : ਕੈਨੇਡਾ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਦੁਨੀਆ ਦੇ ਸਭ ਤੋਂ ਸੁਰੱਖਿਅਤ ਸਥਾਨਾਂ ਵਿੱਚੋਂ ਇੱਕ ਹੈ। ਇੱਥੇ ਅਣਗਿਣਤ ਇਮੀਗ੍ਰੇਸ਼ਨ ਪ੍ਰੋਗਰਾਮ ਹਨ ਜੋ ਸਥਾਈ ਨਿਵਾਸ ਦੀ ਸਹੂਲਤ ਲਈ ਤਿਆਰ ਕੀਤੇ ਗਏ ਹਨ ਅਤੇ ਇੱਕ ਹੋਰ ਚੀਜ਼ ਜੋ ਸਭ ਤੋਂ ਵੱਧ ਬਿਨੈਕਾਰਾਂ ਨੂੰ ਆਕਰਸ਼ਿਤ ਕਰਦੀ ਹੈ ਉਹ ਹੈ ਵਿਦਿਅਕ ਉੱਤਮਤਾ। ਇਹ ਗੱਲ ਕਾਲਜ ਦੇ ਇੰਜੀਨੀਅਰ ਗੁਰਫਤਿਹ ਸਿੰਘ ਗਿੱਲ, ਡਾ. ਸੀਰਤ ਕੌਰ ਗਿੱਲ, ਗੁਨਤਾਸ ਸਿੰਘ ਗਿੱਲ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਹੀ।
ਇੰਜੀਨੀਅਰ ਗੁਰਫਤਹਿ ਸਿੰਘ ਗਿੱਲ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਆਦੇਸ਼ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਵਰਤਮਾਨ ਵਿੱਚ 3 ਹਸਪਤਾਲ, 18 ਉੱਚ ਸਿੱਖਿਆ ਸੰਸਥਾਵਾਂ ਅਤੇ 1 ਯੂਨੀਵਰਸਿਟੀ ਚਲਾ ਰਿਹਾ ਹੈ। ਜਿਸਦੀ ਅਗਵਾਈ ਹੇਠ ਡਾ: ਐਚ.ਐਸ. ਗਿੱਲ, ਚੇਅਰਮੈਨ ਆਦੇਸ਼ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼, ਚਾਂਸਲਰ ਆਦੇਸ਼ ਯੂਨੀਵਰਸਿਟੀ ਬਠਿੰਡਾ, ਗ੍ਰੇਟਰ ਟੋਰਾਂਟੋ ਏਰੀਆ ਵਿਖੇ ਆਪਣੇ ਉੱਦਮ ਨਾਲ ਆਦੇਸ਼ ਕੈਨੇਡਾ ਕੈਂਪਸ ਦਾ ਵਿਸਥਾਰ ਕਰ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ ਸਾਡੇ ਕੋਲ ਪ੍ਰਾਹੁਣਚਾਰੀ, ਵਪਾਰ, ਆਈਟੀ ਅਤੇ ਮੈਡੀਕਲ ਦੇ ਖੇਤਰ ਵਿੱਚ 14 ਕੋਰਸ ਹਨ ਜੋ ਡਿਪਲੋਮਾ ਅਤੇ ਸਰਟੀਫਿਕੇਟ ਕੋਰਸ ਹਨ।