ਪਰਵਾਸੀ ਨਾਮਾ

ਪੰਜਾਬ ਅਸੈਂਬਲੀ ਚੋਣਾਂ
ਸਾਰੇ ਪੰਜਾਬ ਅੰਦਰ ਵੋਟਾਂ ਦਾ ਪਵੇ ਰੌਲਾ,
ਗਿਆ ਮੈਦਾਨ ਵਿੱਚ ਹਰ ਕੋਈ ਡਟ ਹੈ ਜੀ।
ਕਈਆਂ ਨੂੰ ਪਿੰਡਾਂ ਵਿੱਚ ਵੜ੍ਹਨ ਨਹੀਂ ਲੋਕ ਦਿੰਦੇ,
ਮਿਹਣੇ ਸੁਣ-ਸੁਣ ਕਲੇਜ਼ੇ ਪੈਂਦੀ ਸੱਟ ਹੈ ਜੀ।
ਹੱਥ ਜੋੜ ਕੇ ਨੇਤਾ ਕਹਿਣ ਵੋਟ ਪਾਇਓ,
ਉਲਾਂਭੇ ਸੁਨਣ ਲਈ ਟਾਇਮ ਪਰ ਘੱਟ ਹੈ ਜੀ।
ਪਾਰਟੀ ਮਾਂ ਜਾਈ ਕਈਆਂ ਤਿਆਗ ਦਿੱਤੀ,
ਜਿਨਾਂ-ਜਿਨਾਂ ਦਾ ਟਿੱਕਟ ਗਿਆ ਕੱਟ ਹੈ ਜੀ।
ਕੰਮਾਂ ਦੀ ਥਾਂ ‘ਤੇ ਲੀਡਰ ਨੇ ਗਿਣੀ ਜਾਂਦੇ,
ਕਿੰਨਾਂ ਬ੍ਰਾਹਮਣ ਤੇ ਹਲਕੇ ‘ਚੋ ਕਿੰਨਾਂ ਜੱਟ ਹੈ ਜੀ।
ਰਲਕੇ ਕਿਸੇ ਦੇ ਨਾਲ ਨਾ ਕੋਈ ਤੁਰਿਆ,
”ਮੈਂ ਨਾ ਮਾਨੂੰ” ਦੀ ਲਾਈ ਹੋਈ ਰੱਟ ਹੈ ਜੀ।
ਵਕਤ ਬੀਤੇ ਤੋਂ ਕਹਿਣਾ ਪਊ ਸਾਰਿਆਂ ਨੂੰ,
ਲੜ ਕੇ ਅੱਡੋ-ਅੱਡ ਕਿਹੜੀ ਖੱਟੀ ਲਈ ਖੱਟ ਹੈ ਜੀ।
‘ਗਿੱਲ ਬਲਵਿੰਦਰਾ’ ਮਾਰਚ ਹੁਣ 10 ਦੱਸੂ,
ਆਪਣਿਆਂ ਨੇ ਆਪਣਿਆਂ ਦੀ ਕਬਰ ਦਿੱਤੀ ਪੱਟ ਹੈ ਜੀ।
ਗਿੱਲ ਬਲਵਿੰਦਰ
CANADA +1.416.558.5530 (gillbs1@hotmail.com )