ਚੀਮਾ ਪਰਿਵਾਰ ਵੱਲੋਂ ਪੁੱਤਰ ਰਾਜੇ ਦੇ ਵਿਛੋੜੇ ਦਾ 6ਵਾਂ ਸਾਲ

ਬਰੈਂਪਟਨ/ਬਲਬੀਰ ਮੋਮੀ : ਭੁਪਿੰਦਰ ਸਿੰਘ ਚੀਮਾ ਦਾ ਇਕਲੌਤਾ ਲੜਕਾ ਰਾਜਾ 6 ਸਾਲ ਪਹਿਲਾਂ ਇਕ ਮੋਟਰ ਸਾਈਕਲ ਹਾਦਸੇ ਵਿਚ ਮੌਤ ਨੂੰ ਪਿਆਰਾ ਹੋ ਗਿਆ। ਪਰਵਾਰ ਲਈ ਇਹ ਦੁਖ ਤੇ ਸਦਮਾ ਬਰਦਾਸ਼ਤ ਤੋਂ ਬਾਹਰ ਸੀ। ਰਾਜਾ ਪਿਛੇ ਆਪਣੀ ਜਵਾਨ ਪਤਨੀ ਤੇ ਦੋ ਬੇਟੇ ਛਡ ਗਿਆ ਸੀ ਜੋ ਹੁਣ ਜਵਾਨ ਹੋ ਰਹੇ ਹਨ ਤੇ ਮਾਤਾ ਅਤੇ ਦਾਦਾ ਦਾਦੀ ਤੇ ਭੂਆ ਵਲੋਂ ਬੜੇ ਪਿਆਰ ਨਾਲ ਪਾਲੇ ਤੇ ਵਡੇ ਕੀਤੇ ਜਾ ਰਹੇ ਹਨ ਅਤੇ ਦਾਦਾ ਦਾਦੀ ਨੂੰ ਉਹਨਾਂ ਵਿਚੋਂ ਰਾਜਾ ਦੀ ਝਲਕ ਹੀ ਦਿਸਦੀ ਹੈ। ਇਸ ਮੌਕੇ ਤੇ ਹਾਜਰ ਹੋਣ ਵਾਲਿਆਂ ਵਿਚ ਨਵੇਂ ਚੁਣੇ ਗਏ ਐਮ. ਪੀ. ਪੀ. ਭੁਪਿੰਦਰਮੀਤ ਸਿੰਘ, ਅੰਕਲ ਦੁੱਗਲ ਤੇ ਉਹਨਾਂ ਦਾ ਬੇਟਾ, ਆਰਟਿਸਟ ਜਸਵੰਤ, ਜਿਨ੍ਹਾਂ ਪ੍ਰੋਗਰਾਮ ਦੀ ਵੀਡੀਓ ਬਣਾਈ, ਵੀ ਪਹੁੰਚੇ।