ਭੰਗੜਾ ਪ੍ਰਮੋਟਰ ਦੀ ਗੋਲੀ ਮਾਰ ਕੇ ਹੱਤਿਆ

ਬਰੈਂਪਟਨ/ਬਿਊਰੋ ਨਿਊਜ਼ : ਉੱਘੇ ਭੰਗੜਾ ਪ੍ਰਮੋਟਰ ਨੂੰ ਸਰੀ ਵਿੱਚ ਗੋਲੀਆਂ ਮਾਰ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ। ਹੋਮੀਸਾਈਡ ਜਾਂਚ ਕਰਤਾਵਾਂ ਨੇ ਦੱਸਿਆ ਕਿ ਰੰਜੀਵ ਰਾਜ ਸੰਘਾ (41) ਦਾ ਕਿਸੇ ਵੀ ਗੈਂਗ ਨਾਲ ਕੋਈ ਸਬੰਧ ਨਹੀਂ ਸੀ, ਪਰ ਕਿਸੇ ਰੰਜ਼ਿਸ਼ ਕਾਰਨ ਉਸਨੂੰ ਗੋਲੀ ਮਾਰਕੇ ਮਾਰ ਦਿੱਤਾ। ਉਸਦੀ ਘਟਨਾ ਸਥਾਨ ‘ਤੇ ਹੀ ਮੌਤ ਹੋ ਗਈ। ਜਾਂਚਕਰਤਾ ਟੀਮ ਅਨੁਸਾਰ ਉਸ ਨੂੰ ਕਿਸੇ ਮੰਤਵ ਕਾਰਨ ਨਿਸ਼ਾਨਾ ਬਣਾਇਆ ਗਿਆ। ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਸ਼ੂਟਰ ਉੱਥੋਂ ਕਾਲੇ ਰੰਗ ਦੀ ਸੇਡਾਨ ਕਾਰ ਵਿੱਚ ਫਰਾਰ ਹੋਏ ਜੋ ਬਾਅਦ ਵਿੱਚ ਰਿਚਮੰਡ ਖੇਤਰ ਵਿੱਚ ਕੈਂਮਬੀ ਰੋਡ ‘ਤੇ ਜਲੀ ਹੋਈ ਹਾਲਤ ਵਿੱਚ ਮਿਲੀ।