Breaking News
Home / ਜੀ.ਟੀ.ਏ. ਨਿਊਜ਼ / ਓਨਟਾਰੀਓ ਨੇ ਨਵੇਂ ਡਰਾਈਵ ਟੈਸਟ ਸੈਂਟਰ ਖੋਲ੍ਹੇ, ਸਰਵਿਸ ਦਾ ਸਮਾਂ ਵੀ ਵਧਾਇਆ

ਓਨਟਾਰੀਓ ਨੇ ਨਵੇਂ ਡਰਾਈਵ ਟੈਸਟ ਸੈਂਟਰ ਖੋਲ੍ਹੇ, ਸਰਵਿਸ ਦਾ ਸਮਾਂ ਵੀ ਵਧਾਇਆ

ਟੋਰਾਂਟੋ/ ਬਿਊਰੋ ਨਿਊਜ਼ : ਓਨਟਾਰੀਓ ਸੂਬੇ ਵਿਚ ਨਵੇਂ ਡਰਾਈਵ ਟੈਸਟ ਸੈਂਟਰਾਂ ਨੂੰ ਖੋਲ੍ਹ ਰਿਹਾ ਹੈ ਅਤੇ ਵਧੇਰੇ ਮੰਗ ਵਾਲੇ ਸੈਂਟਰਾਂ ‘ਚ ਸਰਵਿਸ ਦਾ ਸਮਾਂ ਵੀ ਵਧਾ ਰਿਹਾ ਹੈ। ਇਸ ਨਾਲ ਉਥੇ ਉਡੀਕ ਦੇ ਘੰਟਿਆਂ ਨੂੰ ਘੱਟ ਕਰਨ ‘ਚ ਮਦਦ ਮਿਲੇਗੀ ਅਤੇ ਲੋਕਾਂ ਨੂੰ ਡਰਾਈਵ ਪ੍ਰੀਖਿਆ ਸੇਵਾਵਾਂ ਲਈ ਵਧੇਰੇ ਸਹੂਲਤ ਅਤੇ ਆਸਾਨੀ ਹੋਵੇਗੀ।
ਰਾਜ ਸਰਕਾਰ ਮਿਸੀਸਾਗਾ ਅਤੇ ਮਰਖਮ ‘ਚ ਦੋ ਨਵੇਂ ਡਰਾਈਵ ਟੈਸਟ ਕੇਂਦਰ ਖੋਲ੍ਹ ਰਹੀ ਹੈ। ਮਿਸੀਸਾਗਾ ਸੈਂਟਰ ਅਨੁਮਾਨਤ ਤਿੰਨ ਲੱਖ ਗਾਹਕਾਂ ਦੀ ਸੇਵਾ ਕਰੇਗਾ ਅਤੇ 2018 ਦੇ ਗਰਮੀਆਂ ਤੱਕ ਆਸਪਾਸ ਦੇ 7 ਸੈਂਟਰਾਂ ‘ਚ ਸੇਵਾਵਾਂ ਲਈ ਉਡੀਕ ਦੇ ਸਮੇਂ ਨੂੰ ਘੱਟ ਕਰਨ ‘ਚ ਮਦਦ ਕਰੇਗਾ। ਮਰਖਮ ਸੈਂਟਰ ਅਨੁਮਾਨਤ ਇਕ ਲੱਖ ਗਾਹਕਾਂ ਦੀ ਸੇਵਾ ਕਰੇਗਾ ਅਤੇ 2019 ਤੱਕ ਆਸਪਾਸ ਦੇ 8 ਸੈਂਟਰਾਂ ‘ਤੇ ਗਾਹਕਾਂ ਦੀ ਉਡੀਕ ਦੇ ਸਮੇਂ ਨੂੰ ਘੱਟ ਕਰੇਗਾ।
ਅਗਲੇ ਹਫ਼ਤੇ ਤੋਂ 13 ਹਾਈ ਡਿਮਾਂਡ ਵਾਲੇ ਡਰਾਈਵ ਟੈਸਟ ਸੈਂਟਰਾਂ ‘ਤੇ ਵਧੇਰੇ ਸਟਾਫ ਅਤੇ ਕੰਮ ਦੇ ਘੰਟਿਆਂ ਨੂੰ ਵੀ ਵਧਾਇਆ ਜਾਵੇਗਾ। ਇਸ ਨਾਲ ਲੋਕਾਂ ਨੂੰ ਵਧੇਰੇ ਸਹੂਲਤ ਮਿਲੇਗੀ। ਇਨ੍ਹਾਂ ਵਿਚ ਬਰੈਂਪਟਨ, ਏਟੋਬਿਕੋਕ, ਨਿਊਮਾਰਕਿਟ, ਡਾਊਂਸਵਿਊ, ਹੈਮਿਲਟਨ, ਟੋਰਾਂਟੋ ਮੈਟਰੋ ਈਸਟ, ਓਟਾਵਾ ਵਾਕਲੇਵ, ਕਿਚਨਰ ਅਤੇ ਪੋਰਟ ਯੂਨੀਅਨ ਸੈਂਟਰ ਹੁਣ ਸਵੇਰੇ 7 ਵਜੇ ਤੋਂ ਰਾਤ 7 ਵਜੇ ਤੱਕ ਖੁੱਲ੍ਹਣਗੇ। ਹਫ਼ਤੇ ਦੇ ਦਿਨਾਂ ‘ਚ, ਇਹ ਨਵੀਂ ਸ਼ੁਰੂਆਤ 18 ਦਸੰਬਰ 2017 ਦੇ ਹਫ਼ਤੇ ‘ਚ ਸ਼ੁਰੂ ਹੋ ਰਹੀ ਹੈ।
ਓਕਵਿਲੇ, ਵਿੰਡਸਰ ਅਤੇ ਆਰੇਂਜਵਿਲ ਸਥਾਨਾਂ 7 ਵਜੇ ਤੋਂ 7 ਵਜੇ ਤੱਕ ਖੁੱਲ੍ਹੇ ਹੋਣਗੇ। ਹਫ਼ਤੇ ਦੇ ਦਿਨਾਂ ਵਿਚ ਜਨਵਰੀ 2018 ਦੇ ਅੰਤ ਤੱਕ, ਅਤੇ ਸ਼ਨਿੱਚਰਵਾਰ ਨੂੰ 3 ਫਰਵਰੀ 2018 ਤੋਂ ਸ਼ੁਰੂ ਹੋਵੇਗਾ।
ਲੰਡਨ ਸੈਂਟਰ ਵੀ ਸਵੇਰੇ 7 ਵਜੇ ਤੋਂ ਰਾਤ 7 ਵਜੇ ਤੱਕ ਖੁੱਲ੍ਹਾ ਹੋਵੇਗਾ। ਜਨਵਰੀ 2018 ਦੇ ਅੰਤ ਤੱਕ ਹਫ਼ਤੇ ਦੇ ਦਿਨਾਂ ‘ਚ ਇਸ ਦੀ ਸ਼ੁਰੂਆਤ ਹੋ ਜਾਵੇਗੀ।
ਕਈ ਹੋਰ ਗਾਹਕ ਸੇਵਾ ਸੁਧਾਰਾਂ ਨੂੰ ਵੀ ਲਾਗੂ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਸੇਵਾਵਾਂ ਲਈ ਲਾਈਨ ‘ਚ ਉਡੀਕ ਕਰਨ ਤੋਂ ਬਚਣ ਲਈ, ਪੂਰੇ ਸੂਬੇ ਦੇ 25 ਡਰਾਈਵ ਟੈਸਟ ਸੈਂਟਰਾਂ ‘ਤੇ ਕੁਝ ਮੈਡੀਕਲ ਰਿਪੋਰਟਿੰਗ ਲੈਣ-ਦੇਣ ਲਈ ਕੋਈ ਉਡੀਕ ਸੂਚੀ ਡਰਾਪ ਬਾਕਸ ਸੇਵਾ ਪ੍ਰਦਾਨ ਕੀਤੀ ਜਾਵੇਗੀ।
ਨਵੇਂ ਜੀਓ ਲਿਖਤੀ ਪ੍ਰੀਖਿਆ ਲਈ ਨਵੇਂ ਡਰਾਈਵਰ ਤਿਆਰ ਕਰਨ ‘ਚ ਮਦਦ ਕਰਨ ਲਈ ਨਵੀਂ ਓਨਟਾਰੀਓ ਡਰਾਈਵ ਐਪ ਦੀ ਆਰੰਭਤਾ ਕੀਤੀ ਜਾਵੇਗੀ।
ਉਡੀਕ ਦਾ ਸਮਾਂ ਘੱਟ ਕਰਨ ਲਈ ਵਿਕਲਪਾਂ ਨੂੰ ਲੱਭਣ ਅਤੇ ਸੰਪੂਰਨ ਓਨਟਾਰੀਓ ਦੇ ਗਾਹਕਾਂ ਨੂੰ ਬਿਹਤਰ ਸੇਵਾ ਦੇਣ ਲਈ ਜਾਰੀ ਵਿਸ਼ਲੇਸ਼ਣ ਅੱਗੇ ਵੀ ਚੱਲਦਾ ਰਹੇਗਾ।
ਤੇਜ਼ੀ ਨਾਲ ਆਰਥਿਕ ਤਬਦੀਲੀਆਂ ਦੇ ਇਸ ਮੌਕੇ ਦੌਰਾਨ ਨਿਰਪੱਖਤਾ ਅਤੇ ਅਵਸਰ ਬਣਾਉਣ ਲਈ, ਡਰਾਈਵ ਟੈਸਟ ਕੇਂਦਰਾਂ ‘ਤੇ ਗਾਹਕ ਸੇਵਾ ‘ਚ ਸੁਧਾਰ ਕਰਨਾ ਓਨਟਾਰੀਓ ਦੀ ਯੋਜਨਾ ਦਾ ਹਿੱਸਾ ਹੈ। ਇਸ ਯੋਜਨਾਂ ‘ਚ ਇਕ ਪੀੜ੍ਹੀ ਦੇ ਸਭ ਤੋਂ ਵੱਡੇ ਫ਼ੈਸਲੇ ਰਾਹੀਂ 25 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਸਸਤੀ ਬੱਚਿਆਂ ਦੀ ਦੇਖਭਾਲ ਲਈ ਆਸਾਨ ਕੰਮ ਅਤੇ ਪਹੁੰਚ, ਬਿਹਤਰ ਤਨਖ਼ਾਹ ਅਤੇ ਬਿਹਤਰ ਕੰਮ ਕਰਨ ਦੀ ਸਥਿਤੀ, ਸੈਂਕੜੇ ਹਜ਼ਾਰ ਵਿਦਿਆਰਥੀਆਂ ਲਈ ਮੁਫ਼ਤ ਟਿਊਸ਼ਨ ਆਦਿ ਕਦਮ ਵੀ ਉਠਾਏ ਜਾ ਰਹੇ ਹਨ।

Check Also

ਅਲਬਰਟਾ ਵੱਲੋਂ ਸਕਿੱਲਡ ਟਰੇਡ ਵਰਕਰਜ਼ ਰਕਰੂਟ ਕਰਨ ਲਈ ਸ਼ੁਰੂ ਕੀਤੇ ਪ੍ਰੋਗਰਾਮ ਤੋਂ ਚਿੰਤਤ ਨਹੀਂ ਡਗ ਫੋਰਡ

ਓਨਟਾਰੀਓ/ਬਿਊਰੋ ਨਿਊਜ਼ : ਅਲਬਰਟਾ ਵੱਲੋਂ ਹੁਨਰਮੰਦ ਟਰੇਡ ਵਰਕਰਜ਼ ਨੂੰ ਰਕਰੂਟ ਕਰਨ ਲਈ ਸ਼ੁਰੂ ਕੀਤੇ ਗਏ …