ਟੀਟੀਸੀ ਬੱਸ ‘ਚ ਚਾਕੂ ਲਹਿਰਾਉਣ ਵਾਲੇ ਵਿਅਕਤੀ ਦੀ ਪੁਲਿਸ ਕਰ ਰਹੀ ਹੈ ਭਾਲ

ਟੋਰਾਂਟੋ/ਬਿਊਰੋ ਨਿਊਜ਼ : ਟੋਰਾਂਟੋ ਪੁਲਿਸ ਨੇ ਇੱਕ ਸ਼ੱਕੀ ਵਿਅਕਤੀ ਦੀ ਤਸਵੀਰ ਜਾਰੀ ਕੀਤੀ ਹੈ, ਜਿਸ ‘ਤੇ ਪਿਛਲੇ ਮਹੀਨੇ ਸਕਾਰਬੋਰੋ ਵਿੱਚ ਟੀਟੀਸੀ ਬਸ ਵਿੱਚ ਗਲਤੀ ਨਾਲ ਟਕਰਾਉਣ ਤੋਂ ਬਾਅਦ ਚਾਕੂ ਲੈ ਕੇ ਇੱਕ ਵਿਅਕਤੀ ਦਾ ਪਿੱਛਾ ਕਰਨ ਦਾ ਚਾਰਜਿਜ਼ ਹੈ। ਪੁਲਿਸ ਨੇ ਕਿਹਾ ਕਿ ਇਹ ਘਟਨਾ 15 ਜੂਨ ਦੀ ਦੁਪਹਿਰ ਨੂੰ ਬਿਰਚਮਾਉਂਟ ਅਤੇ ਏਲੇਸਮੇਰੇ ਰੋਡ ਦੇ ਇਲਾਕੇ ਵਿੱਚ ਹੋਈ।
ਟੀਟੀਸੀ ਵਿੱਚ ਸਵਾਰ ਇੱਕ ਵਿਅਕਤੀ ਗਲਤੀ ਨਾਲ ਇੱਕ ਵਿਅਕਤੀ ਨਾਲ ਟਕਰਾਅ ਗਿਆ। ਪੁਲਿਸ ਨੇ ਕਿਹਾ ਕਿ ਇਸ ਕਾਰਨ ਉਹ ਵਿਅਕਤੀ ਪੀੜਤ ਨਾਲ ਭਿੜ ਗਿਆ ਅਤੇ ਚਾਕੂ ਲਹਿਰਾਉਣ ਲੱਗਾ। ਆਪਣੀ ਸੁਰੱਖਿਆ ਦੇ ਡਰ ਤੋਂ ਪੀੜਤ ਬਸ ਵਿਚੋਂ ਬਾਹਰ ਨਿਕਲ ਗਿਆ, ਪਰ ਉਸ ਵਿਅਕਤੀ ਨੇ ਉਸਦਾ ਪਿੱਛਾ ਕੀਤਾ।
ਪੁਲਿਸ ਨੇ ਕਿਹਾ ਕਿ ਪੀੜਤ ਥੋੜ੍ਹੀ ਦੇਰ ਬਾਅਦ ਸੁਰੱਖਿਆ ਲਈ ਬਸ ਵਿੱਚ ਵਾਪਿਸ ਆ ਗਿਆ, ਜਦੋਂਕਿ ਉਹ ਵਿਅਕਤੀ ਇਲਾਕੇ ਵਿਚੋ ਭੱਜ ਗਿਆ ।
ਸ਼ੱਕੀ ਦੀ ਦਿਖ 45 ਸਾਲਾ ਵਿਅਕਤੀ ਦੇ ਰੂਪ ਵਿੱਚ ਦੱਸੀ ਗਈ ਹੈ, ਜਿਸਦਗ ਕੱਦ ਛੇ ਫੁੱਟ ਹੈ, ਜਿਸਨੂੰ ਆਖਰੀ ਵਾਰ ਭੂਰੇ ਰੰਗ ਦੀ ਜੈਕੇਟ, ਚਸ਼ਮਾ, ਲਾਲ ਪੈਂਟ ਅਤੇ ਕਾਲੇ ਜੁੱਤੇ ਪਹਿਨੇ ਵੇਖਿਆ ਗਿਆ ਸੀ। ਪੁਲਿਸ ਨੇ ਕਿਹਾ ਕਿ ਉਹ ਕਾਲੇ ਅਤੇ ਸਫੇਦ ਰੰਗ ਦਾ ਬੈਗ ਲੈ ਕੇ ਜਾ ਰਿਹਾ ਸੀ।