Parvasi Newspaper Punjabi Newspaper
ਰੱਖੜੀ 2023
ਰੱਖੜੀ ਦੀ ਹੋਏ ਵਧਾਈਆਂ,
ਭੈਣਾਂ ਅਤੇ ਭਾਈਆਂ ਨੂੰ ।
ਪੇਕਿਆਂ ਨੂੰ ਰਹਿਣ ਆਉਂਦੀਆਂ,
ਲੈ-ਲੈ ਮਠਿਆਈਆਂ ਨੂੰ ।
ਦੇਵੀਂ ਨਾ ਦੁੱਖ ਦਾਤਿਆ,
ਕੂੰਝਾਂ ਮੁਰਗ਼ਾਈਆਂ ਨੂੰ ।
ਕੰਜ਼ਕਾਂ ਤਾਂ ਰਹਿਣ ਜਰਦੀਆਂ,
ਲੇਖ਼ਾਂ ਦੀਆਂ ਵਾਹੀਆਂ ਨੂੰ ।
ਪੂੰਝਣ ਕਈ ਅੱਜ ਦੇ ਦਿਨ ਵੀ,
ਅੱਖੀਆਂ ਭਰ ਆਈਆਂ ਨੂੰ ।
ਔਸੀਆਂ ਪਾ ਵੇਖੀ ਜਾਵਣ,
ਕੋਠੇ ਚੜ੍ਹ ਰਾਹੀਆਂ ਨੂੰ ।
ਹੰਝੂਆਂ ਨਾਲ ਰਹਿਣ ਭਰਦੀਆਂ,
ਦਰਦਾਂ ਦੀਆਂ ਖਾਈਆਂ ਨੂੰ ।
‘ਬਲਵਿੰਦਰਾ’ ਕਰ ਹੱਥੀਂ ਛਾਂਵਾਂ,
ਮਾਂ-ਪਿਓ ਦੀਆਂ ਜਾਈਆਂ ਨੂੰ ।
ਗਿੱਲ ਬਲਵਿੰਦਰ
CANADA +1.416.558.5530
([email protected])