Parvasi Newspaper Punjabi Newspaper
ਘੜੀਆਂ ਦਾ TIME CHANGE
ਟਾਇਮ ਘੜੀਆਂ ਦਾ ਬਦਲੇਗਾ ਏਸ ਹਫ਼ਤੇ,
ਪਰ ਆਮ ਲੋਕਾਂ ਦਾ ਬਦਲਣਾਂ ਵੱਕਤ ਹੈ ਨਹੀਂ ।
ਸਾਰੇ ਬ੍ਰਹਿਮੰਡ ਤੇ ਸਮੇਂ ਦਾ ਹੀ ਰਾਜ ਚੱਲੇ,
ਸਮੇਂ ਤੋਂ ਡਰੇ ਨਾ ਐਸਾ ਕੋਈ ਜਗ਼ਤ ਹੈ ਨਹੀਂ ।
ਸਮਾਂ ਹੀ ਪਰਖ਼ਦਾ ਆਪਣੇ ਬੇਗਾਨਿਆਂ ਨੂੰ,
ਇਮਤਿਹਾਨ ਸਮੇਂ ਜੈਸਾ ਕੋਈ ਸਖ਼ਤ ਹੈ ਨਹੀਂ ।
ਲੰਘੇ ਸਮਾਂ ਚੰਗਾ, ਦੁਆਵਾਂ ਕਰਨ ਸਾਰੇ,
ਮਾੜੇ ਸਮੇਂ ਵਰਗਾ ਕੋਈ ਹੋਰ ਵੱਖ਼ਤ ਹੈ ਨਹੀਂ ।
ਪਾਬੰਦ ਸਮੇਂ ਦੇ ਧਰਤੀ ਤੇ ਚੰਦ, ਸੂਰਜ,
ਸਮੇਂ ਤੋਂ ਬਾਹਰ ਤਾਂ ਟੁਰਦਾ ਕੋਈ ਭਗ਼ਤ ਹੈ ਨਹੀਂ ।
‘ਗਿੱਲ ਬਲਵਿੰਦਰਾ’ ਸਮੇਂ ਨੂੰ ਮਾਤ ਦੇਵੇ,
ਅਜੇ ਤਕ ਤਾਂ ਬਣਿਆ ਉਹ ਰਕਤ ਹੈ ਨਹੀਂ ।
ਗਿੱਲ ਬਲਵਿੰਦਰ
CANADA +1.416.558.5530
([email protected] )
ਫ਼ੋਨ: 94635-72150