ਨਵਾਂ ਬਿਜਨਸ ਸ਼ੁਰੂ ਕਰਨ ਸਮੇਂ ਕੰਪਨੀ ਬਣਾਉਣੀ ਠੀਕ ਹੈ ਕਿ ਨਹੀਂ?

ਰੁਪਿੰਦਰ (ਰੀਆ) ਦਿਓਲ
ਸੀਜੀਏ, ਸੀਪੀਏ 2130 ਨਾਰਥ ਪਾਰਕ ਡਰਾਈਵ ਯੂਨਿਟ 245 ਬਰੈਂਪਟਨ, ਨਾਰਥ ਪਾਰਕ
ਅਤੇ ਟਾਰਬਰਾਮ ਰੋਡ ਨਾਰਥ ਪਾਰਕ416-300-2359
ਕੈਨੇਡਾ ਵਿਚ ਆਮ ਤੌਰ ‘ਤੇ ਤਿੰਨ ਤਰੀਕੇ ਨਾਲ ਬਿਜਨਸ ਕਰ ਸਕਦੇ ਹਾਂ, ਜਿਵੇਂ ਸੋਲ-ਪਰਪਰਾਈਟਰ, ਪਾਰਟਨਰਸਿਪ ਜਾਂ ਆਪਣੀ ਕੰਪਨੀ ਬਣਾਕੇ।
ਜਦੋਂ ਵੀ ਕੰਮ ਸ਼ੁਰੂ ਕਰਨਾ ਹੈ ਤਾਂ ਇਹ ਫੈਸਲਾ ਕਰਨਾ ਬਹੁਤ ਹੀ ਮਹੱਤਵਪੂਰਨ ਹੁੰਦਾ ਹੈ ਕਿ ਸਾਡੇ ਬਿਜਨਸ ਦੀ ਕਿਸਮ ਅਨੁਸਾਰ ਸਾਨੂੰ ਸੋਲ-ਪਰਪਰਾਈਟਰ, ਪਾਰਟਨਰਸਿਪ ਜਾਂ ਆਪਣੀ ਕੰਪਨੀ ਰਜਿਸਟਰ ਕਰਵਾਉਣੀ ਚਾਹੀਦੀ ਹੈ ਕਿਉਕਿ ਹਰ ਇਕ ਫਰਮ ਦੇ ਆਪਣੇ ਆਪਣੇ ਫਾਇਦੇ, ਨੁਕਸਾਨ, ਦੇਣਦਾਰੀਆਂ ਅਤੇ ਜ਼ਿੰਮੇਵਾਰੀਆਂ ਹੁੰਦੀਆਂ ਹਨ ਅਤੇ ਬਿਜਨਸ ਨੂੰ ਰਜਿਸਟਰ ਕਰਨ ਦੇ ਅਤੇ ਟੈਕਸ ਫਾਈਲ ਕਰਨ ਦੇ ਤਰੀਕੇ ਵੀ ਵੱਖੋ-ਵੱਖ ਹਨ ।
ਜੇ ਤੁਸੀਂ ਆਪਣੀ ਕੰਪਨੀ ਬਣਾਕੇ ਬਿਜਨਸ ਸ਼ੁਰੂ ਕੀਤਾ ਹੈ ਤਾਂ ਸਾਰਿਆਂ ਨਾਲੋਂ ਵੱਡਾ ਫਾਇਦਾ ਲਿਮਟਿਡ ਲਾਇਬਿਲਟੀ ਦਾ ਹੈ। ਸੋਲ-ਪਰਪਰਾਈਟਰ ਅਤੇ ਪਾਰਟਨਰਸਿਪ ਫਰਮ ਵਿਚ ਤੁਹਾਡੀ ਦੇਣਦਾਰੀ 100% ਹੀ ਹੁੰਦੀ ਹੈ ਹਮੇਸ਼ਾ, ਭਾਵੇਂ ਤੁਹਾਡਾ ਹਿਸਾ ਘੱਟ ਵੀ ਹੋਵੇ ਅਤੇ ਆਪਣੀ ਫਰਮ ਦੇ ਲੈਣ-ਦੇਣ ਦਾ ਹਰ ਇਕ ਪਾਰਟਨਰ ਪੂਰਾ ਪੂਰਾ ਜ਼ਿੰਮੇਵਾਰ ਹੁੰਦਾ ਹੈ ਅਤੇ ਤੁਹਾਡੀ ਪਰਸਨਲ ਪਰਾਪਰਟੀ ਜਿਵੇਂ ਘਰ, ਕਾਰ ਜਾਂ ਹੋਰ ਜਾਇਦਾਦ ਜ਼ਬਤ ਹੋ ਸਕਦੀ ਹੈ ਤੁਹਾਡੇ ਬਿਜਨਸ ਦਾ ਕਰਜ਼ਾ ਵਾਪਸ ਕਰਨ ਵਾਸਤੇ। ਪਰ ਜਦ ਕੰਪਨੀ ਬਣ ਜਾਂਦੀ ਹੈ ਤਾਂ ਹਰ ਇਕ ਸ਼ੇਅਰ-ਹੋਲਡਰ ਦੀ ਜ਼ਿੰਮੇਵਾਰੀ ਉਨੀਂ ਹੀ ਹੁੰਦੀ ਹੈ ਜਿੰਨਾ ਉਸਦਾ ਉਸ ਕੰਪਨੀ ਵਿਚ ਹਿੱਸਾ ਹੁੰਦਾ ਹੈ ਜਾਂ ਜਿੰਨੇ ਪੈਸੇ ਕੰਪਨੀ ਵਿਚ ਲਗਾਏ ਹੁੰਦੇ ਹਨ ਅਤੇ ਕੰਪਨੀ ਦੇ ਸਾਰੇ ਕਰਜ਼ੇ ਦੀ ਵਾਪਸੀ ਦੇ ਤੁਸੀਂ ਜ਼ਿੰਮੇਵਾਰ ਨਹੀਂ ਹੁੰਦੇ। ਇਹ ਗੱਲ ਸਮਝਣੀ ਬਹੁਤ ਹੀ ਜ਼ਰੂਰੀ ਹੈ ਕਿ ਜੇ ਤੁਸੀਂ ਆਪਣੀ ਕੰਪਨੀ ਵਾਸਤੇ ਲੋਨ ਲੈਣ ਸਮੇਂ ਆਪਣੀ ਪਰਸਨਲ ਗਰੰਟੀ ਵੀ ਦੇ ਦਿੱਤੀ ਹੈ ਤਾਂ ਤੁਸੀਂ ਉਸ ਕਰਜ਼ੇ ਦੀ ਵਾਪਸੀ ਦੇ ਪੂਰੇ ਪੂਰੇ ਜ਼ਿੰਮੇਵਾਰ ਬਣ ਜਾਂਦੇ ਹੋ।
ਕੰਪਨੀ ਦੇ ਅਧਿਕਾਰ ਉਸ ਤਰਾਂ ਦੇ ਹੀ ਹੁੰਦੇ ਹਨ ਜਿਸ ਤਰ੍ਹਾਂ ਇਕ ਵਿਅੱਕਤੀ ਦੇ ਹੁੰਦੇ ਹਨ ਜਿਵੇਂ ਕੰਪਨੀ ਆਪਣੇ ਨਾਮ ਤੇ ਜਾਇਦਾਦ ਖਰੀਦ ਸਕਦੀ ਹੈ, ਬਿਜਨਸ ਕਰ ਸਕਦੀ ਹੈ, ਕਰਜ਼ਾ ਚੁੱਕ ਸਕਦੀ ਹੈ, ਕਿਸੇ ਤੇ ਮੁਕੱਦਮਾ ਕਰ ਸਕਦੀ ਹੈ ਅਤੇ ਕੋਈ ਹੋਰ ਕੰਪਨੀ ਦੇ ਨਾਮ ਤੇ ਮੁਕੱਦਮਾ ਕਰ ਵੀ ਸਕਦਾ ਹੈ ਪਰ ਸੋਲ-ਪਰਪਰਾਈਟਰ, ਪਾਰਟਨਰਸਿਪ ਵਿਚ ਇਹ ਸਹੂਲਤਾਂ ਨਹੀਂ ਹੁੰਦੀਆਂ। ਕੰਪਨੀ ਵਿਚ ਆਪਣਾ ਬਿਜਨਸ ਵਧਾਉਣ ਵਾਸਤੇ ਕਰਜਾ ਲੈਣਾ ਸੌਖਾ ਹੁੰਦਾ ਹੈ, ਕਿਉਂਕਿ ਕੰਪਨੀ ਉਧਾਰ ਲੈ ਸਕਦੀ ਹੈ, ਕਰਜ਼ਾ ਚੁੱਕ ਸਕਦੀ ਹੈ ਅਤੇ ਆਪਣੇ ਸ਼ੇਅਰ ਵੇਚ ਕੇ ਇਕੁਇਟੀ ਕੈਪੀਟਲ ਵਿਚ ਫੰਡ ਇਕੱਠਾ ਕਰ ਸਕਦੀ ਹੈ ਅਤੇ ਸਾਰਿਆਂ ਨਾਲੋਂ ਵੱਡਾ ਫਾਇਦਾ ਇਹ ਹੈ ਕਿ ਇਕੁਇਟੀ ਕੈਪੀਟਲ ਆਮ ਤੌਰ ‘ਤੇ ਵਾਪਸ ਨਹੀਂ ਕਰਨੀ ਪੈਂਦੀ ਅਤੇ ਨਾਂ ਹੀ ਵਿਆਜ਼ ਦੇਣਾ ਪੈਂਦਾ ਹੈ ਕਿਉਂਕਿ ਸ਼ੇਅਰ ਖਰੀਦਣ ਵਾਲੇ ਕੰਪਨੀ ਵਿਚ ਹਿੱਸੇਦਾਰ ਬਣ ਜਾਂਦੇ ਹਨ। ਜੇ ਕਿਸੇ ਸ਼ੇਅਰ ਹੋਲਡਰ ਦੀ ਮੌਤ ਹੋ ਜਾਵੇ, ਬਿਜਨਸ ਛੱਡ ਜਾਵੇ ਤਾਂ ਵੀ ਕੰਪਨੀ ਚਲਦੀ ਰਹਿੰਦੀ ਹੈ ਅਤੇ ਕੰਪਨੀ ਦੀ ਮਾਲਕੀ ਵੀ ਬਦਲ ਜਾਵੇ ਤਾਂ ਵੀ ਕੰਪਨੀ ਦਾ ਨਾਮ ਚੱਲਦਾ ਰਹਿੰਦਾ ਹੈ।
ਕੰਪਨੀ ਵਿਚੋਂ ਆਪਣੀ ਤਨਖਾਹ ਆਪਣੀ ਮਰਜ਼ੀ ਦੇ ਸਮੇਂ ਵਿਚ ਉਸ ਸਮੇਂ ਲੈ ਸਕਦੇ ਹੋ ਜਦੋਂ ਟੈਕਸ ਘੱਟ ਦੇਣਾ ਪਵੇ, ਟੈਕਸ ਦੇਣਾ ਕੁਝ ਸਮੇਂ ਵਾਸਤੇ ਅੱਗੇ ਪਾ ਸਕਦੇ ਹੋ ਅਤੇ ਟੈਕਸ ਬਰੈਕਟ ਅਨਸਾਰ ਟੈਕਸ ਦਾ ਫਾਇਦਾ ਲੈ ਸਕਦੇ ਹੋ।
ਕੰਪਨੀ ਆਪਣੇ ਹਿੱਸੇਦਾਰਾਂ ਨੂੰ ਡਿਵੀਡੈਂਟ ਪੇ ਕਰਦੀ ਹੈ ਆਪਣੀ ਆਮਦਨ ਵਿਚੋਂ ਅਤੇ ਸ਼ੇਅਰ ਹੋਲਡਰ ਨੂੰ ਕੰਪਨੀ ਦੇ ਕੰਮਾਂ ਵਿਚ ਹਰ ਸਮੇਂ ਪੂਰਾ ਪੂਰਾ ਹਿੱਸਾ ਲੈਣਾ ਜ਼ਰੂਰੀ ਨਹੀਂ ਹੁੰਦਾ। ਇਸ ਕਰਕੇ ਤੁਸੀਂ ਆਪਣੀ ਪਤਨੀ ਜਾਂ ਪਤੀ ਅਤੇ ਬੱਚਿਆਂ ਨੂੰ ਵੀ ਸ਼ੇਅਰ ਹੋਲਡਰ ਬਣਾ ਸਕਦੇ ਹੋ ਅਤੇ ਇਸ ਤਰ੍ਹਾਂ ਕਰਕੇ ਵੱਧ ਆਮਦਨ ਵਾਲੇ ਫੈਮਲੀ ਮੈਂਬਰ ਤੋਂ ਘੱਟ ਆਮਦਨ ਵਾਲੇ ਨਾਲ ਸ਼ੇਅਰ ਕਰਕੇ ਬਹੁਤ ਟੈਕਸ ਬਚਾ ਸਕਦੇ ਹੋ। ਜੇ ਤੁਹਾਡੀ ਕੰਪਨੀ ਹੈ ਤਾਂ ਫੈਡਰਲ ਸਰਕਾਰ ਵਲੋਂ ਸਮਾਲ ਬਿਜਨਸ ਨੂੰ ਦਿਤੀਆਂ ਟੈਕਸ ਸਹੂਲਤਾਂ ਦਾ ਫਾਇਦਾ ਲਿਆ ਜਾ ਸਕਦਾ ਹੈ ਅਤੇ ਕੰਪਨੀ ਦੀ ਪਹਿਲੀ 500000 ਤੱਕ ਦੀ ਟੈਕਸਏਬਲ ਆਮਦਨ ‘ਤੇ ਬਹੁਤ ਘੱਟ ਟੈਕਸ ਦੇਣਾ ਪੈਂਦਾ ਹੈ ਜੋਕਿ ਪਰਸਨਲ ਟੈਕਸ ਬਹੁਤ ਹੀ ਜ਼ਿਆਦਾ ਹੁੰਦਾ ਹੈ। ਤੁਹਾਡੇ ਬਿਜਨਸ ਨਾਲ ਕੰਪਨੀ ਦਾ ਨਾਮ ਜੁੜਨ ਨਾਲ ਬਿਜਨਸ ਵੀ ਵਧਦਾ ਹੈ ਕਿਉਂਕਿ ਕਾਰਪੋਰੇਸ਼ਨ ਦਾ ਸਟੇਟਸ ਸੋਲ-ਪਰਪਰਾਈਟਰ ਜਾਂ ਪਾਰਟਨਰਸਿਪ ਨਾਲੋਂ ਹਮੇਸਾ ਹੀ ਵੱਡਾ ਸਮਝਿਆ ਜਾਂਦਾ ਹੈ। ਜੇ ਤੁਸੀਂ ਕਨਟਰੈਕਟਰ ਹੋ ਤਾਂ ਵੱਡੀਆਂ ਕੰਪਨੀਆਂ ਲਾਇਬਿਲਿਟੀ ਇਸੂ ਕਰਕੇ ਇਨਕਾਰਪੋਰੇਟਡ ਕੰਪਨੀ ਨਾਲ ਹੀ ਬਿਜਨਸ ਕਰਨਾ ਚੰਗਾ ਸਮਝਦੀਆਂ ਹਨ ।ਕੰਪਨੀ ਬਣਾਉਣ ਤੋਂ ਪਹਿਲਾਂ ਆਪਣੇ ਅਕਾਊਂਟੈਂਟ ਦੀ ਸਲਾਹ ਲੈਣੀ ਲਾਜਮੀ ਹੈ ਕਿ ਇਹ ਤੁਹਾਡੇ ਬਿਜਨਸ ਦੀ ਕਿਸਮ ਕਰਕੇ ਠੀਕ ਵੀ ਹੈ ਕਿ ਨਹੀਂ ਕਿਉਕਿ ਕੰਪਨੀ ਬਣਾਉਣ ਦੇ ਜਿਥੇ ਫਾਇਦੇ ਹਨ ਉਥੇ ਕਈ ਨੁਕਸਾਨ ਵੀ ਹਨ ਜਿਵੇਂ
ਜੇ ਕੰਪਨੀ ਘਾਟੇ ਵਿਚ ਜਾਂਦੀ ਹੈ ਤਾਂ ਕੰਪਨੀ ਦੇ ਘਾਟੇ ਮਾਲਕ ਦੀ ਪਰਸਨਲ ਆਮਦਨ ਵਿਚੋਂ ਘੱਟ ਨਹੀਂ ਹੋ ਸਕਦੇ, ਭਾਵ ਟੈਕਸ ਘੱਟ ਨਹੀਂ ਕੀਤਾ ਜਾ ਸਕਦਾ, ਪਰ ਇਹ ਘਾਟੇ ਕੈਰੀ ਫਾਰਵਰਡ ਜਾਂ ਪਿਛੇ ਕਰਕੇ ਉਨਾਂ ਸਾਲਾਂ ਦੀ ਆਮਦਨ ਘੱਟ ਕੀਤੀ ਜਾ ਸਕਦੀ ਹੈ। ਪਰ ਸੋਲ-ਪਰਪਰਾਈਟਰ ਵਿਚ ਜੇ ਬਿਜਨਸ ਘਾਟੇ ਵਿਚ ਜਾਂਦਾ ਹੈ ਤਾਂ ਆਪਣੀ ਪਰਸਨਲ ਆਮਦਨ ਘੱਟ ਕਰ ਸਕਦੇ ਹਾਂ।ਕੰਪਨੀ ਪਰਸਨਲ ਟੈਕਸ ਕਰੈਡਿਟ ਦਾ ਫਾਇਦਾ ਨਹੀਂ ਲੈ ਸਕਦੀ ਅਤੇ ਹਰ ਇਕ ਡਾਲਰ ਤੇ ਟੈਕਸ ਦੇਣਾ ਪੈਂਦਾ ਹੈ। ਸੋਲ-ਪਰਪਰਾਈਟਰ ਕਈ ਕਿਸਮ ਦੇ ਟੈਕਸ ਕਰੈਡਿਟ ਕਲੇਮ ਕਰ ਸਕਦਾ ਹੈ ਜੋਕਿ ਇਕ ਕੰਪਨੀ ਨਹੀਂ ਕਰ ਸਕਦੀ। ਲਿਮਟਿਡ ਲਾਇਬਿਲਟੀ ਕਈ ਕੇਸਾਂ ਵਿਚ ਕੰਮ ਨਹੀਂ ਕਰਦੀ ਜੇ ਤੁਸੀਂ ਕੰਪਨੀ ਦੇ ਨਾਮ ਤੇ ਕਰਜਾ ਲੈਣ ਸਮੇਂ ਆਪਣੀ ਪਰਸਨਲ ਗਰੰਟੀ ਦੇ ਦਿੱਤੀ ਹੈ ਤਾਂ ਕੰਪਨੀ ਦੇ ਕਰਜੇ ਦੀ ਵਾਪਸੀ ਦੇ ਤੁਸੀਂ ਪੂਰੇ ਪੂਰੇ ਜ਼ਿੰਮੇਵਾਰ ਬਣ ਜਾਂਦੇ ਹੋ। ਕੰਪਨੀ ਰਜਿਸਟਰ ਕਰਨ ਸਮੇਂ ਖਰਚੇ ਵੀ ਆਉਂਦੇ ਹਨ ਅਤੇ ਅਕਾਊਂਟ ਦਾ ਕੰਮ ਵੀ ਵੱਧ ਜ਼ਿੰਮੇਵਾਰੀ ਨਾਲ ਕਰਕੇ ਕਨੂੰਨੀ ਸ਼ਰਤਾਂ ਨੂੰ ਪੂਰਾ ਕਰਨਾ ਪੈਂਦਾ ਹੈ। ਇਨ੍ਹਾਂ ਸਾਰੀਆਂ ਗੱਲਾਂ ਦਾ ਬੈਲੈਸ ਬਣਾਕੇ ਇਕ ਚੰਗਾ ਅਕਾਊਟੈਂਟ ਤੁਹਾਨੂੰ ਦੱਸ ਸਕਦਾ ਹੈ ਕਿ ਤੁਹਾਨੂੰ ਕੰਪਨੀ ਬਣਾਉਣੀ ਚਾਹੀਦੀ ਹੈ, ਸੋਲ-ਪਰਪਰਾਈਟਰ ਜਾਂ ਪਾਰਟਨਰਸ਼ਿਪ ਬਣਾ ਕੇ ਕੰਮ ਸ਼ੁਰੂ ਕਰਨਾ ਚਾਹੀਦਾ ਹੈ। ਜਿਹੜੇ ਵਿਅੱਕਤੀ ਪਾਰਟ ਟਾਈਮ ਕੰਮ ਕਰਦੇ ਹਨ, ਨਵਾਂ ਕੰਮ ਹੈ, ਡਾਇਰੈਕਟ ਸੇਲ ਦਾ ਕੰਮ ਹੈ ਤਾਂ ਇਹ ਕੰਮ ਕੰਪਨੀ ਤੋਂ ਬਿਨਾਂ, ਲਿਮਟਿਡ ਲਾਇਬਿਲਟੀ ਤੋਂ ਬਿਨਾਂ, ਇਕ ਇਕੱਲਾ ਵਿਅੱਕਤੀ ਵੀ ਕਰ ਸਕਦਾ ਹੈ ਅਤੇ ਇਸਦੇ ਕਈ ਫਾਇਦੇ ਵੀ ਹਨ ਜਿਵੇਂ ਟੈਕਸ ਰਿਟਰਨ ਭਰਨਾ ਬਹੁਤ ਸੌਖਾ ਹੁੰਦਾ ਹੈ, ਘੱਟ ਪੈਸੇ ਨਾਲ ਕੰਮ ਸ਼ੁਰੂ ਹੋ ਸਕਦਾ ਹੈ, ਬਾਅਦ ਵਿਚ ਬਿਜਨਸ ਵੱਧਣ ਕਰਕੇ ਤੁਸੀਂ ਆਪਣਾ ਬਿਜਨਸ ਇਨਕਾਰਪੋਰੇਟ ਕਰ ਸਕਦੇ ਹੋ। ਇਹ ਲੇਖ ਇਕ ਆਮ ਮੁੱਢਲੀ ਜਾਣਕਾਰੀ ਲਈ ਲਿਖਿਆ ਗਿਆ ਹੈ, ਕਿੳੋਕਿ ਹਰ ਇਕ ਬਿਜਨਸ ਵਾਸਤੇ ਚਾਹੇ ਉਹ ਸੋਲ-ਪਰਪਰਾਈਟਰ, ਪਾਰਟਨਰਸਿਪ ਜਾਂ ਇਕ ਇਨਕਾਰਪੋਰੇਟਡ ਕੰਪਨੀ ਹੈ, ਬਹੁਤ ਸਾਰੀਆਂ ਕਨੂੰਨੀ ਸ਼ਰਤਾਂ ਪੂਰੀਆਂ ਕਰਨੀਆਂ ਪੈਂਦੀਆਂ ਹਨ ਇਸ ਕਰਕੇ ਇਕ ਕੁਆਲੀਫਾਈਡ ਅਕਾਊਟੈਂਟ ਦੀ ਲੋੜ ਪੈਂਦੀ ਹੈ। ਜੇ ਤੁਹਾਡਾ ਪਰਸਨਲ ਟੈਕਸ ਇਸ ਸਾਲ ਦਾ ਜਾਂ ਪਿਛਲੇ ਸਾਲਾਂ ਦਾ ਹੁਣ ਵੀ ਭਰਨ ਤੋਂ ਪਿਆ ਹੈ, ਪਨੈਲਿਟੀ ਲੱਗ ਗਈ ਹੈ, ਜਾਂ ਸੀ ਆਰ ਏ ਤੋਂ ਕੋਈ ਲੈਟਰ ਆਇਆ ਹੈ ਅਤੇ ਜੇ ਬਿਜਨਸ ਟੈਕਸ ਫਾਈਲ ਕਰਨਾ ਹੈ, ਕੋਈ ਕੰਪਨੀ ਖੋਲ੍ਹਣੀ ਹੈ ਤਾਂ ਤੁਸੀ ਮੈਨੂੰ ਕਾਲ ਕਰ ਸਕਦੇ ਹੋ-416-300-2359 ‘ਤੇ।