ਚੰਡੀਗੜ੍ਹ/ਬਿਊਰੋ ਨਿਊਜ਼ : ਰੀਓ ਓਲੰਪਿਕਸ ਵਿਚ ਭਾਰਤੀ ਦਲ ਦੀ ਅਗਵਾਈ ਕਰਨ ਵਾਲੇ ਨਿਸ਼ਾਨੇਬਾਜ਼ ਅਭਿਨਵ ਬਿੰਦਰਾ ਪੰਜਾਬ ਵਿਧਾਨ ਸਭਾ ਦੀਆਂ ਆਉਂਦੀਆਂ ਚੋਣਾਂ ਵਿਚ ਚੋਣ ਕਮਿਸ਼ਨ ਦੇ ਆਇਕਨ ਬਣਨ ਜਾ ਰਹੇ ਹਨ। ਪੰਜਾਬ ਦੇ ਮੁੱਖ ਚੋਣ ਅਧਿਕਾਰੀ ਨੇ ਉਨ੍ਹਾਂ ਨੂੰ ਪੱਤਰ ਲਿਖ ਕੇ ਰਜ਼ਾਮੰਦੀ ਲਈ ਸਹਿਮਤੀ ਮੰਗੀ ਹੈ ਜਿਸ ਦਾ ਹਾਂ-ਪੱਖੀ ਹੁੰਗਾਰਾ ਮਿਲਿਆ ਹੈ। ਬਿੰਦਰਾ ਕਾਮੇਡੀਅਨ ਗੁਰਪ੍ਰੀਤ ਘੁੱਗੀ ਦੀ ਥਾਂ ਲੈਣਗੇ ਜੋ ਆਮ ਆਦਮੀ ਪਾਰਟੀ ਵਿਚ ਸ਼ਾਮਲ ਹੋ ਚੁੱਕੇ ਹਨ। ਸੂਤਰਾਂ ਨੇ ਕਿਹਾ ਕਿ ਹਾਕੀ ਖਿਡਾਰੀ ਰੁਪਿੰਦਰ ਪਾਲ ਸਿੰਘ ਅਤੇ ਐਥਲੀਟ ਖੁਸ਼ਬੀਰ ਕੌਰ ਦੇ ਨਾਮ ਵੀ ਵਿਚਾਰੇ ਗਏ ਸਨ ਪਰ ਅਭਿਨਵ ਦਾ ਨਾਮ ਉਭਰ ਕੇ ਸਾਹਮਣੇ ਆਇਆ। ਉੱਘੇ ਗਾਇਕ ਗੁਰਦਾਸ ਮਾਨ ਚੋਣ ਕਮਿਸ਼ਨ ਦੇ ਪੰਜਾਬ ‘ਚ ਦੂਜੇ ਆਇਕਨ ਹਨ ਪਰ ਰੁਝੇਵਿਆਂ ਕਾਰਨ ਉਹ ਪ੍ਰਚਾਰ ਲਈ ਘੱਟ ਹੀ ਸਮਾਂ ਕੱਢਦੇ ਹਨ।
ਅਭਿਨਵ ਬਿੰਦਰਾ ਬਣ ਸਕਦੇ ਹਨ ਚੋਣ ਕਮਿਸ਼ਨ ਦੇ ਸਫ਼ੀਰ
