Breaking News
Home / ਹਫ਼ਤਾਵਾਰੀ ਫੇਰੀ / ਭਾਰਤ ਤੇ ਚੀਨ ਪੂਰਬੀ ਲੱਦਾਖ ‘ਚ ਆਹਮੋ -ਸਾਹਮਣੇ

ਭਾਰਤ ਤੇ ਚੀਨ ਪੂਰਬੀ ਲੱਦਾਖ ‘ਚ ਆਹਮੋ -ਸਾਹਮਣੇ

Image Courtesy :jagbani(punjabkesar)

ਨਵੀਂ ਦਿੱਲੀ : ਪੂਰਬੀ ਲੱਦਾਖ ਵਿਚ ਅਜੇ ਵੀ ਤਣਾਅ ਵਾਲਾ ਮਾਹੌਲ ਬਣਿਆ ਹੋਇਆ ਹੈ ਅਤੇ ਚੀਨ ਦੀ ਪੀਪਲਜ਼ ਆਰਮੀ (ਪੀ.ਐਲ.ਏ.) ਦੇ 30-40 ਦੇ ਕਰੀਬ ਸੈਨਿਕ ਅਜੇ ਵੀ ਪੂਰਬੀ ਲੱਦਾਖ ਵਿਚ ਭਾਰਤੀ ਚੌਕੀ ਰੇਜ਼ਾਂਗ-ਲਾ ਰਿਜਲਾਈਨ ਨੇੜੇ ਡਟੇ ਹੋਏ ਹਨ। ਦੋਵਾਂ ਧਿਰਾਂ ਨੇ ਹਮਲਾਵਰ ਰੁਖ ਅਪਣਾਇਆ ਹੋਇਆ ਹੈ। ਭਾਰਤ ਨੇ ਪੈਂਗੌਂਗ ਝੀਲ ਦੇ ਦੱਖਣੀ ਕਿਨਾਰੇ ਨਾਲ ਲੱਗਦੀਆਂ ਉੱਪਰੀ ਚੋਟੀਆਂ ‘ਤੇ ਸਥਿਤੀ ਮਜ਼ਬੂਤ ਬਣਾਈ ਹੋਈ ਹੈ, ਜਿੱਥੋ ਉਹ ਚੀਨ ਦੀ ਕਿਸੇ ਵੀ ਹਰਕਤ ‘ਤੇ ਨਜ਼ਰ ਰੱਖ ਰਹੇ ਹਨ। ਇਸ ਤੋਂ ਇਲਾਵਾ ਭਾਰਤ ਨੇ ਇੱਥੇ ਵਾਧੂ ਸੈਨਿਕਾਂ ਅਤੇ ਹਥਿਆਰਾਂ ਦੀ ਤਾਇਨਾਤੀ ਕੀਤੀ ਹੋਈ ਹੈ। ਭਾਰਤੀ ਸੈਨਾ ਦੇ ਫੀਲਡ ਕਮਾਂਡਰਾਂ ਨੂੰ ਸਖ਼ਤ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਕਿਸੇ ਵੀ ਕੀਮਤ ‘ਤੇ ਚੀਨੀ ਸੈਨਿਕ ਸਰਹੱਦ ਪਾਰ ਨਾ ਕਰ ਸਕਣ। ਨਾਲ ਇਹ ਵੀ ਕਿਹਾ ਗਿਆ ਹੈ ਕਿ ਭਾਰਤੀ ਸੀਮਾ ਦੀ ਸੁਰੱਖਿਆ ਕਰਨ ਦੌਰਾਨ ਸੈਨਿਕਾਂ ਨੂੰ ਸਖ਼ਤ ਅਨੁਸ਼ਾਸਨ ਦੀ ਵੀ ਪਾਲਣਾ ਕਰਨੀ ਹੈ। ਫੀਲਡ ਕਮਾਂਡਰਾਂ ਨੂੰ ਇਹ ਕਿਹਾ ਗਿਆ ਹੈ ਕਿ ਜਦ ਉਹ ਆਪਣੇ ਇਲਾਕਿਆਂ ਵਿਚ ਗਸ਼ਤ ਕਰਨ ਤਾਂ ਇਸ ਦੌਰਾਨ ਆਪਣੀ ਤਾਕਤ ਦੀ ਨੁਮਾਇਸ਼ ਨਾ ਕਰਨ। ਉਧਰ ਚੀਨ ਨੇ ਸਰਹੱਦ ‘ਤੇ ਕਰੀਬ 50 ਹਜ਼ਾਰ ਜਵਾਨ ਭਾਰੀ ਟੈਂਕ ਅਤੇ ਹਥਿਆਰ ਤਾਇਨਾਤ ਕਰ ਲਏ ਹਨ।

Check Also

ਇਕੋ ਦਿਨ ਜਲੰਧਰ ‘ਚੋਂ ਉਡ ਗਈਆਂ ‘ਆਪ’ ਦੀਆਂ ਦੋ ਤਿਤਲੀਆਂ

ਚੰਦ ਦਿਨਾਂ ‘ਚ ਚੁਣੇ ਹੋਏ ਤਿੰਨ ਸੰਸਦ ਮੈਂਬਰਾਂ ਨੇ ਦਲ ਬਦਲ ਕੇ ਭਾਜਪਾ ‘ਚ ਕੀਤੀ …