ਨਵੀਂ ਦਿੱਲੀ/ਬਿਊਰੋ ਨਿਊਜ਼ : ਜੇ ਤੁਸੀਂ ਇਸ ਸਾਲ iPhone 18 Pro Max ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਹਾਨੂੰ ਪਹਿਲਾਂ ਨਾਲੋਂ ਵੱਧ ਪੈਸੇ ਖਰਚਣੇ ਪੈ ਸਕਦੇ ਹਨ। Counterpoint Research ਦੀ ਰਿਪੋਰਟ ਮੁਤਾਬਕ, ਵੱਧ ਰਹੀ ਮੈਨਿਊਫੈਕਚਰਿੰਗ ਲਾਗਤ ਅਤੇ ਮਹਿੰਗੇ ਹੋ ਰਹੇ ਕੰਪੋਨੈਂਟਾਂ ਕਾਰਨ Apple ਆਪਣੇ ਅਗਲੇ ਫਲੈਗਸ਼ਿਪ ਸਮਾਰਟਫੋਨ ਦੀ ਕੀਮਤ ਵਿੱਚ ਵਾਧਾ ਕਰ ਸਕਦੀ ਹੈ।
ਇਸ ਦਾ ਸਭ ਤੋਂ ਵੱਧ ਅਸਰ 1TB ਸਟੋਰੇਜ ਵਾਲੇ ਵੇਰੀਐਂਟ ਦੀ ਕੀਮਤ ‘ਤੇ ਪੈ ਸਕਦਾ ਹੈ, ਕਿਉਂਕਿ ਇਸ ਵਿੱਚ ਵਰਤੇ ਜਾਣ ਵਾਲੇ ਉੱਚ-ਪੱਧਰੀ ਕੰਪੋਨੈਂਟਾਂ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ।
ਰਿਪੋਰਟ ਅਨੁਸਾਰ, iPhone 18 Pro Max ਦੀ ਉਤਪਾਦਨ ਲਾਗਤ ਵਿੱਚ ਵਾਧੇ ਦਾ ਮੁੱਖ ਕਾਰਨ NAND ਫਲੈਸ਼ ਸਟੋਰੇਜ ਅਤੇ DRAM ਮੈਮੋਰੀ ਦੀਆਂ ਕੀਮਤਾਂ ਵਿੱਚ ਹੋਇਆ ਇਜ਼ਾਫ਼ਾ ਹੈ। ਸੈਮੀਕੰਡਕਟਰ ਉਦਯੋਗ ਵਿੱਚ ਸਪਲਾਈ ਨਾਲ ਜੁੜੀਆਂ ਚੁਣੌਤੀਆਂ ਕਾਰਨ ਇਨ੍ਹਾਂ ਕੰਪੋਨੈਂਟਾਂ ਦੀਆਂ ਕੀਮਤਾਂ ਲਗਾਤਾਰ ਵੱਧ ਰਹੀਆਂ ਹਨ।
ਇਸ ਤੋਂ ਇਲਾਵਾ, Apple ਆਪਣੇ ਆਉਣ ਵਾਲੇ ਫਲੈਗਸ਼ਿਪ ਸਮਾਰਟਫੋਨ ਵਿੱਚ 2nm ਪ੍ਰੋਸੈਸਰ ਦੇ ਸਕਦੀ ਹੈ। ਇਹ ਚਿਪ ਨਾ ਸਿਰਫ਼ ਹੋਰ ਜ਼ਿਆਦਾ ਅਧੁਨਿਕ ਹੋਵੇਗੀ, ਸਗੋਂ ਇਸ ਨੂੰ ਤਿਆਰ ਕਰਨ ਦੀ ਲਾਗਤ ਵੀ ਮੌਜੂਦਾ ਚਿਪਾਂ ਦੇ ਮੁਕਾਬਲੇ ਵੱਧ ਹੋਵੇਗੀ। ਇਸ ਦੇ ਨਾਲ ਹੀ ਇਸ ਦੀ ਐਡਵਾਂਸਡ ਪੈਕੇਜਿੰਗ ਤਕਨਾਲੋਜੀ ਵੀ ਕੁੱਲ ਉਤਪਾਦਨ ਲਾਗਤ ਵਿੱਚ ਹੋਰ ਵਾਧਾ ਕਰੇਗੀ।