ਓਟਵਾ/ਬਿਊਰੋ ਨਿਊਜ਼
ਬੈਂਕ ਆਫ ਕੈਨੇਡਾ ਨੇ ਇੱਕ ਵਾਰ ਫਿਰ ਆਪਣੀਆਂ ਵਿਆਜ਼ ਦਰਾਂ 2.25 ਫੀਸਦੀ ਹੀ ਰਹਿਣ ਦਿੱਤੀਆਂ ਹਨ। ਬੈਂਕ ਆਫ ਕੈਨੇਡਾ ਦੇ ਗਵਰਨਰ ਟਿੱਫ ਮੈਕਲੈਮ ਨੇ ਆਖਿਆ ਕਿ ਪਾਲਿਸੀ ਰੇਟ ਇਸ ਸਮੇਂ ਮਹਿੰਗਾਈ ਦੇ ਸਹੀ ਪੱਧਰ ਭਾਵ 2 ਫੀਸਦੀ ਉੱਤੇ ਹੈ ਤੇ ਇਸ ਨਾਲ ਅਰਥਚਾਰੇ ਨੂੰ ਵੀ ਢਾਂਚਾਗਤ ਐਡਜਸਟਮੈਂਟ ਕਰਨ ਵਿੱਚ ਮਦਦ ਮਿਲ ਰਹੀ ਹੈ।
ਪ੍ਰਾਈਵੇਟ ਸੈਕਟਰ ਦੇ ਅਰਥਸ਼ਾਸਤਰੀਆਂ ਵੱਲੋਂ ਇਹੋ ਉਮੀਦ ਕੀਤੀ ਜਾ ਰਹੀ ਸੀ ਕਿ ਬੈਂਕ ਆਪਣੀਆਂ ਮੌਜੂਦਾ ਵਿਆਜ਼ ਦਰਾਂ ਬਰਕਰਾਰ ਰੱਖੇਗਾ ਤੇ ਅਗਲੇ ਸਾਲ ਦੇ ਕੁੱਝ ਮਹੀਨਿਆਂ ਤੱਕ ਵੀ ਇਹ ਸਿਲਸਿਲਾ ਜਾਰੀ ਰਹੇਗਾ।