ਓਟਵਾ ਤੇ ਲਾਸ ਵੇਗਾਸ ਲਈ ਪੋਰਟਰ ਏਅਰਲਾਈਨ ਨਵੰਬਰ ਤੋਂ ਨਾਨਸਟਾਪ ਸੇਵਾ ਕਰੇਗੀ ਸ਼ੁਰੂ

ਓਟਵਾ/ਬਿਊਰੋ ਨਿਊਜ਼ : ਓਟਵਾ ਦੇ ਯਾਤਰੀ ਇਸ ਪਤਝੜ ਵਿੱਚ ਪੋਰਟਰ ਏਅਰਲਾਈਨਜ ‘ਤੇ ਕੈਨੇਡਾ ਦੀ ਰਾਜਧਾਨੀ ਤੋਂ ਦੁਨੀਆ ਦੀ ਮਨੋਰੰਜਨ ਰਾਜਧਾਨੀ ਤੱਕ ਸਿੱਧੇ ਉਡਾਨ ਭਰ ਸਕਣਗੇ। ਪੋਰਟਰ ਨੇ 1 ਨਵੰਬਰ ਤੋਂ ਓਟਵਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਅਤੇ ਲਾਸ ਵੇਗਾਸ ਵਿੱਚ ਲਾਸ ਵੇਗਾਸ ਹੈਰੀ ਰੀਡ ਅੰਤਰਰਾਸ਼ਟਰੀ ਹਵਾਈ ਅੱਡੇ ਵਿਚਕਾਰ ਨਾਨਸਟਾਪ ਸੇਵਾ ਦਾ ਐਲਾਨ ਕੀਤਾ ਹੈ।
ਏਅਰਲਾਈਨ ਓਟਵਾ ਅਤੇ ਲਾਸ ਵੇਗਾਸ ਵਿਚਕਾਰ ਸੋਮਵਾਰ, ਬੁੱਧਵਾਰ, ਸ਼ੁੱਕਰਵਾਰ ਅਤੇ ਐਤਵਾਰ ਨੂੰ ਹਫ਼ਤੇ ਵਿੱਚ ਚਾਰ ਸਿੱਧੀਆਂ ਉਡਾਨਾਂ ਪ੍ਰਦਾਨ ਕਰੇਗੀ। ਓਟਵਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਕਾਰੋਬਾਰੀ ਵਿਕਾਸ ਅਤੇ ਮਾਰਕੀਟਿੰਗ ਦੇ ਉਪ-ਪ੍ਰਧਾਨ ਜੋਏਲ ਟਕਾਚ ਨੇ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਓਟਵਾ-ਗੈਟਿਨੋ ਦੇ ਯਾਤਰੀ ਲਾਸ ਵੇਗਾਸ ਵਿੱਚ ਪੂਰੀ ਤਰ੍ਹਾਂ ਨਾਲ ਸ਼ਾਮਿਲ ਹੋਣਗੇ।
ਇਹ ਲਈ ਇੱਕ ਜੈਕਪਾਟ ਹੈ ਕਿ ਪੋਰਟਰ ਇੱਕ ਵਾਰ ਫਿਰ ਓਟਵਾ ਤੋਂ ਆਪਣੇ ਨੈੱਟਵਰਕ ਦਾ ਵਿਸਥਾਰ ਕਰ ਰਿਹਾ ਹੈ। ਜੋ ਹੁਣ ਪੱਛਮੀ ਯੂਐੱਸ ਤੱਕ ਫੈਲ ਰਿਹਾ ਹੈ। ਉਡਾਨ ਲਈ ਜ਼ਿਆਦਾ ਵਿਕਲਪ ਸਾਡੇ ਸਮੁਦਾਏ ਲਈ ਅਤੇ ਚੰਗੀ ਖਬਰ ਹੈ। ਪੋਰਟਰ ਏਅਰਲਾਈਨਜ਼ ਦੀ ਵੈੱਬਸਾਈਟ ‘ਤੇ ਓਟਵਾ ਤੋਂ ਲਾਸ ਵੇਗਾਸ ਲਈ ਨਾਨ-ਸਟਾਪ ਉਡਾਨ ਸ਼ਾਮ 6 ਵਜੇ ਰਵਾਨਾ ਹੋਵੇਗੀ ਅਤੇ 8:20 ਵਜੇ ਲਾਸ ਵੇਗਾਸ ਪੁੱਜੇਗੀ। ਲਾਸ ਵੇਗਾਸ ਤੋਂ ਓਟਵਾ ਦੀ ਉਡਾਨ ਸਵੇਰੇ 9:35 ਵਜੇ ਰਵਾਨਾ ਹੋਵੇਗੀ ਅਤੇ ਸ਼ਾਮ 5 ਵਜੇ ਓਟਵਾ ਪੁੱਜੇਗੀ।
ਚੰਡੀਗੜ੍ਹ : ਰਾਜਸਥਾਨ ਨਾਲ ਸਬੰਧਤ ਭਾਜਪਾ ਦੇ ਸੀਨੀਅਰ ਆਗੂ ਗੁਲਾਬ ਚੰਦ ਕਟਾਰੀਆ ਨੇ ਚੰਡੀਗੜ੍ਹ ਸਥਿਤ ਪੰਜਾਬ ਰਾਜ ਭਵਨ ‘ਚ ਪੰਜਾਬ ਦੇ 37ਵੇਂ ਰਾਜਪਾਲ ਵਜੋਂ ਸਹੁੰ ਚੁੱਕ ਲਈ ਹੈ। ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਨਵੇਂ ਰਾਜਪਾਲ ਦਾ ਖੁੱਲ੍ਹੇ ਦਿਲ ਨਾਲ ਸਵਾਗਤ ਕੀਤਾ। ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਚੀਫ਼ ਜਸਟਿਸ ਸ਼ੀਲ ਨਾਗੂ ਨੇ ਕਟਾਰੀਆ ਨੂੰ ਅਹੁਦੇ ਦਾ ਹਲਫ਼ ਦਿਵਾਇਆ। ਹਲਫ਼ਦਾਰੀ ਸਮਾਗਮ ਵਿਚ ਮੁੱਖ ਮੰਤਰੀ ਤੋਂ ਇਲਾਵਾ ਕਈ ਕੈਬਨਿਟ ਮੰਤਰੀ ਅਤੇ ਕਟਾਰੀਆ ਦੇ ਰਿਸ਼ਤੇਦਾਰ ਸ਼ਾਮਲ ਸਨ।
ਪੰਜਾਬ ਨੂੰ ਨਵਾਂ ਰਾਜਪਾਲ ਮਿਲਣ ਮਗਰੋਂ ਮੁੱਖ ਮੰਤਰੀ ਅਤੇ ਰਾਜਪਾਲ ਦਰਮਿਆਨ ਪਿਛਲੇ ਸਮੇਂ ਦੌਰਾਨ ਬਣਿਆ ਤਲਖ਼ੀ ਤੇ ਟਕਰਾਅ ਵਾਲਾ ਦੌਰ ਵੀ ਖਤਮ ਹੋ ਗਿਆ ਜਾਪਦਾ ਹੈ। ਨਵੇਂ ਰਾਜਪਾਲ ਕਟਾਰੀਆ ਦੀ ਆਮਦ ਨਾਲ ਪੰਜਾਬ ਦੀ ਸਿਆਸੀ ਅਤੇ ਪ੍ਰਸ਼ਾਸਕੀ ਫਿਜ਼ਾ ‘ਚ ਨਵੀਂ ਤਰੰਗ ਆਈ ਹੈ। ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨੇ ਸੁਖਾਵੇਂ ਸਬੰਧਾਂ ਵਾਲੇ ਸੰਕੇਤ ਦਿੱਤੇ ਤੇ ਦੋਵਾਂ ਨੇ ਇੱਕ ਦੂਸਰੇ ਪ੍ਰਤੀ ਨਿੱਘ ਦਿਖਾਇਆ। ਹਲਫ਼ਦਾਰੀ ਸਮਾਗਮ ਕਰੀਬ ਅੱਠ ਮਿੰਟ ਚੱਲਿਆ ਅਤੇ ਪੰਜਾਬ ਦੇ ਮੁੱਖ ਸਕੱਤਰ ਅਨੁਰਾਗ ਵਰਮਾ ਨੇ ਸਟੇਜ ‘ਤੇ ਆਪਣੀ ਜ਼ਿੰਮੇਵਾਰੀ ਨਿਭਾਈ। ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਹਰਿਆਣਾ ਦੇ ਰਾਜਪਾਲ ਬੰਡਾਰੂ ਦੱਤਾਤ੍ਰੇਅ ਵੀ ਇਸ ਮੌਕੇ ਉਨ੍ਹਾਂ ਨਾਲ ਬੈਠੇ ਹੋਏ ਸਨ। ਰਾਜਪਾਲ ਦੇ ਸ਼ੁਰੂਆਤੀ ਰੌਂਅ ਨੇ ਰਾਜ ਭਵਨ ਤੇ ਮੁੱਖ ਮੰਤਰੀ ਦਫ਼ਤਰ ਦਰਮਿਆਨ ਸਬੰਧਾਂ ਨੂੰ ਲੈ ਕੇ ਚੰਗਾ ਸੁਨੇਹਾ ਦਿੱਤਾ ਹੈ। ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਪਤਨੀ ਡਾ. ਗੁਰਪ੍ਰੀਤ ਕੌਰ ਨੇ ਨਵੇਂ ਰਾਜਪਾਲ ਕਟਾਰੀਆ ਦੇ ਪੈਰੀਂ ਹੱਥ ਲਾ ਕੇ ਉਨ੍ਹਾਂ ਤੋਂ ਅਸ਼ੀਰਵਾਦ ਲਿਆ। ਸਮਾਗਮ ਵਿਚ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ, ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ, ਗੁਰਮੀਤ ਸਿੰਘ ਖੁੱਡੀਆਂ, ਡਾ. ਬਲਵੀਰ ਸਿੰਘ, ਬ੍ਰਹਮ ਸ਼ੰਕਰ ਜਿੰਪਾ, ਹਰਭਜਨ ਸਿੰਘ ਈਟੀਓ ਅਤੇ ਲਾਲ ਚੰਦ ਕਟਾਰੂਚੱਕ ਵੀ ਹਾਜ਼ਰ ਸਨ।