ਹਿੰਦੁਸਤਾਨ ਜ਼ਿੰਦਾਬਾਦ ਹੈ …ਜ਼ਿੰਦਾਬਾਦ ਸੀ ਅਤੇ ਜ਼ਿੰਦਾਬਾਦ ਰਹੇਗਾ

11 ਅਗਸਤ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ ਫ਼ਿਲਮ ਗਦਰ-2
ਕਰੀਬ 2 ਦਹਾਕੇ ਪਹਿਲਾਂ ਆਈ ਫਿਲਮ ਗਦਰ ਇਕ ਪ੍ਰੇਮ ਕਥਾ ਨੇ ਲੋਕ ਦੇ ਦਿਲਾਂ ਦੇ ਵਿਚ ਪਿਆਰ ਦੀ ਅਨੋਖੀ ਮਿਸਾਲ ਪੈਦਾ ਕੀਤੀ ਸੀ। ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦਾ ਕਿਰਦਾਰ ਹਰ ਇਕ ਦੇ ਦਿਲ ਨੂੰ ਛੂਹਿਆ ਸੀ। ਗੱਲ ਕਰੀਏ ਅਗਰ ਦੇਸ਼ਾਂ ਦੀ ਤਾਂ ਭਾਰਤ ਅਤੇ ਪਾਕਿਸਤਾਨ ਦੇ ਲੋਕਾਂ ਵਿਚ ਵੀ ਆਪਸੀ ਪਿਆਰ ਵਿਚ ਨੇੜਤਾ ਵਧੀ ਸੀ ਅਤੇ ਹੁਣ ਦੁਬਾਰਾ ਗਦਰ-2 ਫ਼ਿਲਮ ਰਿਲੀਜ਼ ਹੋਣ ਜਾ ਰਹੀ ਹੈ ਅਤੇ ਜਿਸਦਾ ਲੋਕਾਂ ਵਿੱਚ ਬੜਾ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।
(ਗਦਰ-2 ਦਾ ਟੀਜ਼ਰ) : ‘ਦਮਾਦ ਹੈ ਯੇ ਪਾਕਿਸਤਾਨ ਕਾ,’ ਗਦਰ-2 ਦੇ ਟ੍ਰੇਲਰ ਦੀ ਸ਼ੁਰੂਆਤ ਵਿੱਚ ਇੱਕ ਔਰਤ ਦੀ ਆਵਾਜ਼ ਸੁਣੀ ਜਾ ਸਕਦੀ ਹੈ। ‘ਇਸਕੋ ਨਰਿਆਲ ਦੋ, ਟਿੱਕਾ ਲਗਾ, ਵਰਨਾ ਲਾਹੌਰ ਲੈ ਜਾਏਗਾ।’ ਇਸ ਪ੍ਰਵਚਨ ਨਾਲ, ਇਹ ਵਾਪਰਦਾ ਹੈ। ਇਸ ਤੋਂ ਇਲਾਵਾ, ਸੰਨੀ ਦਿਓਲ ਹੈਂਡ ਪੰਪ ਦੀ ਬਜਾਏ ਇਸ ਵਾਰ ਕਾਰ ਦੇ ਪਹੀਏ ਨਾਲ ਲੜ ਰਹੇ ਹਨ। ਅਨਿਲ ਸ਼ਰਮਾ ਕਥਿਤ ਤੌਰ ‘ਤੇ 2001 ਦੀ ਫਿਲਮ ਗਦਰ ਏਕ ਪ੍ਰੇਮ ਕਥਾ ਵਿੱਚ ਇਸ ਸੰਵਾਦ ਨੂੰ ਸ਼ਾਮਲ ਕਰਨਾ ਚਾਹੁੰਦਾ ਸੀ, ਪਰ ਕਿਸੇ ਕਾਰਨ ਕਰਕੇ, ਉਸਨੇ ਉਸ ਸਮੇਂ, ਨਾ ਤਾਂ ਫਿਲਮ ਵਿੱਚ ਜਾਂ ਇਸਦੇ ਵਿਗਿਆਪਨ ਵਿੱਚ ਇਸਦੀ ਵਰਤੋਂ ਨਹੀਂ ਕੀਤੀ। ਦੱਸ ਦੇਈਏ ਕਿ 21 ਜੁਲਾਈ ਨੂੰ ਜ਼ੀ ਸਟੂਡੀਓਜ਼ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ‘ਗਦਰ-2’ ਦਾ ਦਮਦਾਰ ਮੋਸ਼ਨ ਪੋਸਟਰ ਸਾਂਝਾ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਲਿਖਿਆ, ‘ਆਪਣੇ ਦੇਸ਼ ਅਤੇ ਪਰਿਵਾਰ ਦੀ ਰੱਖਿਆ ਲਈ, ਤਾਰਾ ਸਿੰਘ ਹਰ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਤਿਆਰ ਹਨ। ਗ਼ਦਰ-2 ਆ ਰਿਹਾ ਹੈ। ਇਹ ਆਜ਼ਾਦੀ ਦਿਵਸ! 11 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ ਦੇਖੋ।’ ਇਸ ਸ਼ੇਅਰ ਕੀਤੇ ਪੋਸਟਰ ‘ਚ ਤਾਰਾ ਸਿੰਘ ਅਤੇ ਉਸ ਦੇ ਬੇਟੇ ਚਰਨਜੀਤ ਯਾਨੀ ਐਕਟਰ ਉਤਕਰਸ਼ ਸ਼ਰਮਾ ਨੂੰ ਗੋਲੀਆਂ ਤੋਂ ਬਚਦੇ ਅਤੇ ਇੱਕ ਦੂਜੇ ਦਾ ਹੱਥ ਫੜ ਕੇ ਭੱਜਦੇ ਦਿਖਾਇਆ ਗਿਆ ਹੈ।
ਜੇਕਰ ਗੱਲ ਕਰ ਲਈਏ ਗੀਤ ਦੀ ਜਦੋਂ ‘ਉਡ ਜਾ ਕਾਲੇ ਕਾਵਾ’ ਗੀਤ ਪਹਿਲੀ ਵਾਰ ‘ਗਦਰ: ਏਕ ਪ੍ਰੇਮ ਕਥਾ’ ਨਾਲ ਲਾਂਚ ਕੀਤਾ ਗਿਆ ਸੀ ਤਾਂ ਇਹ ਕੁਝ ਸਮੇਂ ਵਿੱਚ ਇੱਕ ਪਿਆਰ ਦਾ ਗੀਤ ਬਣ ਗਿਆ ਸੀ ਅਤੇ ਅਜੇ ਵੀ ਭਾਰਤੀ ਸਿਨੇਮਾ ਦੇ ਇਤਿਹਾਸ ਵਿੱਚ ਸਭ ਤੋਂ ਮਸ਼ਹੂਰ ਗੀਤਾਂ ਵਿੱਚੋਂ ਇੱਕ ਹੈ। ਅੱਜ ਨਿਰਮਾਤਾਵਾਂ ਨੇ ਅਸਲੀ ਫਿਲਮ ਦੇ ਸੰਗੀਤ ਨੂੰ ਮੁੜ ਬਣਾਉਣ ਦੇ ਵਿਚਾਰ ਨਾਲ ਗਲੋਬਲ ਹਿੱਟ ਦਾ ਰੀਮੇਕ ਲਾਂਚ ਕੀਤਾ ਹੈ। ‘ਉੜ ਜਾ ਕਾਲੇ ਕਾਵਾ’ ਇੱਕ ਸ਼ਾਨਦਾਰ ਗੀਤ ਸੀ, ਜੋ 22 ਸਾਲਾਂ ਬਾਅਦ ਵੀ ਤਾਰਾ ਅਤੇ ਸਕੀਨਾ ਦੀ ਖੂਬਸੂਰਤ ਕੈਮਿਸਟਰੀ ਨੂੰ ਦਰਸਾ ਰਿਹਾ ਹੈ।
ਨਿਰਦੇਸ਼ਕ : ‘ਗਦਰ 2’ ਦਾ ਨਿਰਦੇਸ਼ਨ ਅਨਿਲ ਸ਼ਰਮਾ ਨੇ ਕੀਤਾ ਹੈ, ਜਿਨ੍ਹਾਂ ਨੇ ਸਾਲ 2001 ‘ਚ ਰਿਲੀਜ਼ ਹੋਏ ਪਹਿਲੇ ਭਾਗ ਦਾ ਨਿਰਦੇਸ਼ਨ ਕੀਤਾ ਸੀ। ਸੰਨੀ, ਅਮੀਸ਼ਾ ਅਤੇ ਉਤਕਰਸ਼ ਵਰਗੇ ਮੁੱਖ ਕਲਾਕਾਰ ਫਿਲਮ ਵਿੱਚ ਆਪੋ-ਆਪਣੇ ਰੋਲ ਵਿੱਚ ਵਾਪਸੀ ਕਰ ਰਹੇ ਹਨ।
– ਪ੍ਰਿੰਸ ਗਰਗ