ਫਿਲਮ ‘ਮੁੰਡਾ ਰੌਕਸਟਾਰ’ ਵਿਚ ਪਿਆਰ ਅਤੇ ਇਨਸਾਫ਼ ਦੀ ਲੜਾਈ ਨੂੰ ਦਰਸਾਉਂਦੇ ਨਜ਼ਰ ਆਉਣਗੇ ਯੁਵਰਾਜ ਹੰਸ

ਇੰਡੀਆ ਗੋਲਡ ਫਿਲਮਜ਼ ਨੇ ਸਾਡੇ ਲਈ ਆਪਣੀ ਆਉਣ ਵਾਲੀ ਫਿਲਮ ‘ਮੁੰਡਾ ਰੌਕਸਟਾਰ’ ਲਈ ਇਕ ਅਦਭੁਤ, ਰੋਮਾਂਚਕ ਸੰਗੀਤਮਈ ਟ੍ਰੇਲਰ ਪੇਸ਼ ਕੀਤਾ ਹੈ, ਜੋ ਲੋਹੜੀ ਦੇ ਖਾਸ ਮੌਕੇ ‘ਤੇ 12 ਜਨਵਰੀ 2024 ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ। ਫਿਲਮ ਦੇ ਟ੍ਰੇਲਰ ਲਾਂਚ ਲਈ ਇਕ ਪ੍ਰੈਸ ਕਾਨਫਰੰਸ ਦਾ ਆਯੋਜਨ ਕੀਤਾ ਅਤੇ ਪੰਜਾਬ ਦੀ ਮਾਣਯੋਗ ਸਖ਼ਸ਼ੀਅਤ ਹੰਸ ਰਾਜ ਹੰਸ ਦਾ ਸਵਾਗਤ ਕੀਤਾ ਗਿਆ।
ਸਤਿਆਜੀਤ ਪੁਰੀ ਵਲੋਂ ਨਿਰਦੇਸ਼ਿਤ ‘ਮੁੰਡਾ ਰੌਕਸਟਾਰ’ ਇਕ ਵੱਖਰੀ ਕਹਾਣੀ ਨੂੰ ਪੇਸ਼ ਕਰਨ ਲਈ ਤਿਆਰ ਹੈ ਜਿਸ ਵਿੱਚ ਡਰਾਮਾ, ਪਿਆਰ ਅਤੇ ਸਭ ਤੋਂ ਮਹੱਤਵਪੂਰਨ ਗੱਲ ਇਸਦਾ ਸੰਗੀਤ ਹੈ ਜਿਸ ਦੇ ਜ਼ਰੀਏ ਇਹ ਇਕ ਹੱਕ ਦੀ ਲੜਾਈ ਦੀ ਕਹਾਣੀ ਹੈ। ਟ੍ਰੇਲਰ ਨੇ ਯੁਵਰਾਜ ਹੰਸ, ਆਦਿਤੀ ਆਰਿਆ ਅਤੇ ਮੁਹੰਮਦ ਨਾਜ਼ਿਮ ਨੂੰ ਮੁੱਖ ਭੂਮਿਕਾ ਵਿੱਚ ਦਿਖਾਇਆ ਹੈ, ਜੋ ਦਰਸ਼ਕਾਂ ਦਾ ਮਨੋਰੰਜਨ ਕਰੇਗਾ। ਫਿਲਮ ਵਿੱਚ ਇਸਦੇ ਮੁੱਖ ਪਾਤਰਾਂ ਦੀ ਕਹਾਣੀ, ਉਨ੍ਹਾਂ ਦੀ ਹੱਕ ਦੀ ਲੜਾਈ ਵਿੱਚ ਸੰਘਰਸ਼ ਅਤੇ ਪਿਆਰ ਦੇ ਦੁਆਲੇ ਘੁੰਮਦੀ ਹੈ। ਇਸਦੇ ਨਾਲ ਹੀ ਫਿਲਮ ਦਾ ਸੰਗੀਤ ਇਸਦਾ ਮਹੱਤਵਪੂਰਨ ਤੱਤ ਹੈ, ਜਿਸਨੂੰ ਜਯਦੇਵ ਕੁਮਾਰ ਨੇ ਨਿਰਦੇਸ਼ਿਤ ਕੀਤਾ ਹੈ ਅਤੇ ਗੋਪੀ ਸਿੱਧੂ ਨੇ ਗੀਤ ਲਿਖੇ ਹਨ। ਹੁਣ ਤੱਕ ਦੋ ਗੀਤ ਪਹਿਲਾਂ ਹੀ ਰਿਲੀਜ਼ ਕੀਤੇ ਜਾ ਚੁੱਕੇ ਹਨ ਅਤੇ ਦਰਸ਼ਕਾਂ ਵੱਲੋਂ ਬਹੁਤ ਪਸੰਦ ਕੀਤੇ ਜਾ ਰਹੇ ਹਨ।
ਟ੍ਰੇਲਰ ਨੇ ਮੂਵੀ ਦੀ ਐਕਸਾਈਟਮੈਂਟ ਨੂੰ ਦਰਸ਼ਕਾਂ ਵਿੱਚ ਹੋਰ ਵਧਾ ਦਿੱਤਾ ਹੈ ਅਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਫਿਲਮ ਆਪਣੀ ਭਾਵਨਾਤਮਕ ਕਹਾਣੀ ਕਾਰਨ ਪੰਜਾਬੀ ਸਿਨੇਮਾ ਵਿੱਚ ਬੈਂਚਮਾਰਕ ਨੂੰ ਮੁੜ ਪਰਿਭਾਸ਼ਿਤ ਕਰੇਗੀ। ਫਿਲਮ 12 ਜਨਵਰੀ 2024 ਨੂੰ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋਣ ਲਈ ਤਿਆਰ ਹੈ। ਇਸ ਫਿਲਮ ਨੂੰ ਓਐਮਜੀ ਗਰੁੱਪ ਵੱਲੋਂ ਦੁਨੀਆਂ ਭਰ ਵਿਚ ਡਿਸਟ੍ਰਿਬਿਊਟ ਕੀਤਾ ਜਾਵੇਗਾ।