ਗਾਇਕਾਂ ਤੋਂ ਬਾਅਦ ਲੇਖਕ ਤੇ ਕਵੀ ਵੀ ਕਿਸਾਨ ਸੰਘਰਸ਼ ‘ਚ ਕੁੱਦੇ

ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਝੰਡੇ ਹੇਠ ਕਿਸਾਨ ਅੰਦੋਲਨ ‘ਚ ਨਿੱਤਰੇ ਲੇਖਕ, ਪੰਜਾਬੀ ਲੇਖਕ ਸਭਾ ਚੰਡੀਗੜ੍ਹ ਨੇ ਖੇਤੀ ਕਾਨੂੰਨਾਂ ਵਿਰੁੱਧ ਮਤਾ ਕੀਤਾ ਪਾਸ
ਚੰਡੀਗੜ੍ਹ/ਬਿਊਰੋ ਨਿਊਜ਼
ਪੰਜਾਬ ਦਾ ਹਰ ਵਰਗ ਹੁਣ ਕਿਸਾਨ ਅੰਦੋਲਨ ਵਿਚ ਖੁੱਲ੍ਹ ਕੇ ਨਿੱਤਰ ਪਿਆ ਹੈ। ਗਾਇਕਾਂ, ਕਲਾਕਾਰਾਂ ਤੋਂ ਬਾਅਦ ਹੁਣ ਪੰਜਾਬ ਦੇ ਨਾਮਚਿੰਨ੍ਹ ਲੇਖਕ, ਕਵੀ, ਬੁੱਧੀਜੀਵੀ ਤੇ ਸਾਹਿਤਕਾਰ ਆਦਿ ਵੀ ਕਿਸਾਨ ਸੰਘਰਸ਼ ਵਿਚ ਨਿੱਤਰ ਪਏ ਹਨ। ਜਿੱਥੇ ਕਈ ਲੇਖਕਾਂ, ਕਵੀਆਂ ਨੇ ਕਿਸਾਨ ਧਰਨਿਆਂ ਵਿਚ ਸ਼ਮੂਲੀਅਤ ਕੀਤੀ, ਉਥੇ ਹੀ ਕਈ ਨਾਮਵਰ ਲੇਖਕਾਂ ਨੇ ਕਿਸਾਨ ਸੰਘਰਸ਼ ਦੇ ਸਮਰਥਨ ਦਾ ਐਲਾਨ ਕੀਤਾ। ਜਦੋਂਕਿ ਚੰਡੀਗੜ੍ਹ ਪੰਜਾਬੀ ਲੇਖਕ ਸਭਾ ਵੱਲੋਂ ਖੇਤੀ ਕਾਨੂੰਨਾਂ ਦੇ ਵਿਰੁੱਧ ਤੇ ਕਿਸਾਨ ਸੰਘਰਸ਼ ਦੇ ਹੱਕ ਵਿਚ ਮਤਾ ਵੀ ਪਾਸ ਕੀਤਾ ਗਿਆ। ਇਸੇ ਤਰ੍ਹਾਂ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਬੈਨਰ ਹੇਠ ਸਮੁੱਚੇ ਪੰਜਾਬ ਭਰ ਦੇ ਲੇਖਕ, ਕਿਸਾਨ ਸੰਘਰਸ਼ ਵਿਚ ਨਿੱਤਰ ਆਏ ਹਨ।
ਖੇਤੀ ਕਾਨੂੰਨਾਂ ਖ਼ਿਲਾਫ਼ ਸੰਘਰਸ਼ ਕਰ ਰਹੇ ਕਿਸਾਨਾਂ ਦੇ ਹੱਕੀ ਘੋਲ ਨੂੰ ਕੇਂਦਰੀ ਪੰਜਾਬੀ ਲੇਖਕ ਸਭਾ ਵੱਲੋਂ ਪੰਜਾਬੀ ਲੇਖਕਾਂ, ਬੁੱਧੀਜੀਵੀਆਂ ਅਤੇ ਕਲਾਕਾਰਾਂ ਨੇ ਹਮਾਇਤ ਦੇਣ ਦਾ ਐਲਾਨ ਕੀਤਾ ਹੈ। ਕਿਸਾਨੀ ਸੰਘਰਸ਼ ਦੀ ਹਮਾਇਤ ਲਈ ਡਾ.ਸੁਰਜੀਤ ਪਾਤਰ, ਗੁਰਭਜਨ ਗਿੱਲ, ਲਖਵਿੰਦਰ ਜੌਹਲ, ਦਰਸ਼ਨ ਬੁੱਟਰ, ਸੁਖਦੇਵ ਸਿਰਸਾ, ਗੁਰਬਚਨ ਸਿੰਘ ਭੁੱਲਰ, ਹਰਭਜਨ ਸਿੰਘ ਹੁੰਦਲ, ਪ੍ਰੋ.ਜਗਮੋਹਨ ਸਿੰਘ, ਪ੍ਰੋ. ਹਰੀਸ਼ ਪੁਰੀ, ਡਾ. ਰਵੇਲ ਸਿੰਘ, ਬਲਦੇਵ ਸਿੰਘ ਸੜਕਨਾਮਾ, ਮੋਹਨ ਭੰਡਾਰੀ, ਗੁਲਜ਼ਾਰ ਸਿੰਘ ਸੰਧੂ, ਤੇਜਵੰਤ ਸਿੰਘ ਗਿੱਲ, ਮਿੱਤਰਸੈਨ ਮੀਤ, ਡਾ. ਜਸਵਿੰਦਰ ਸਿੰਘ, ਸੀ.ਮਾਰਕੰਡਾ, ਨਛੱਤਰ (ਦਿੱਲੀ), ਕਿਰਪਾਲ ਕਜ਼ਾਕ, ਮੋਹਨਜੀਤ ਦਿੱਲੀ, ਚੰਦਨ ਨੇਗੀ, ਡਾ. ਵਨੀਤਾ, ਜਸਬੀਰ ਕੇਸਰ, ਮਨਮੋਹਨ ਬਾਵਾ, ਪ੍ਰੋ. ਜਗਮੋਹਣ ਸਿੰਘ ਸਮਰਾਲਾ, ਸੁਰਜੀਤ ਲੀ, ਕੇਵਲ ਧਾਲੀਵਾਲ, ਡਾ.ਪਰਮਿੰਦਰ ਸਿੰਘ, ਗੁਰਦੇਵ ਰੁਪਾਣਾ, ਅਨੂਪ ਵਿਰਕ, ਸੁਰਿੰਦਰ ਕੈਲੇ, ਲਾਭ ਸਿੰਘ ਖੀਵਾ, ਡਾ. ਸਰਬਜੀਤ ਸਿੰਘ, ਪ੍ਰੋ.ਸੁਰਜੀਤ ਜੱਜ, ਜੁਗਿੰਦਰ ਸਿੰਘ ਨਿਰਾਲਾ, ਪਰਮਜੀਤ ਮਾਨ, ਹਰਮੀਤ ਵਿਦਿਆਰਥੀ, ਰਜਨੀਸ਼ ਬਹਾਦਰ ਸਿੰਘ, ਸੁਸ਼ੀਲ ਦੁਸਾਂਝ, ਦੀਪਕ ਸ਼ਰਮਾ ਚਨਾਰਥਲ, ਡਾ.ਕਰਮਜੀਤ ਸਿੰਘ ਹੁਸ਼ਿਆਰਪੁਰ, ਮੱਖਣ ਕੁਹਾੜ, ਸੁਲੱਖਣ ਸਰਹੱਦੀ, ਅਤਰਜੀਤ ਬਠਿੰਡਾ, ਹਰਭਜਨ ਸਿੰਘ ਬਾਜਵਾ, ਬੀਬਾ ਬਲਵੰਤ, ਡਾ.ਸੁਰਜੀਤ ਸਿੰਘ ਪਟਿਆਲਾ, ਡਾ.ਭੀਮਇੰਦਰ ਸਿਘ, ਸੁਰਜੀਤ ਭੱਟੀ, ਡਾ. ਚਰਨਜੀਤ ਸਿੰਘ ਨਾਭਾ, ਕਿਰਪਾਲ ਸਿੰਘ ਜੋਗੀ, ਜੁਗਿੰਦਰ ਕੈਰੋਂ, ਦੀਪਕ ਮਨਮੋਹਨ ਸਿੰਘ, ਡਾ. ਸੁਰਿੰਦਰ ਗਿੱਲ, ਸਿਰੀ ਰਾਮ ਅਰਸ਼, ਰਵਿੰਦਰ ਭੱਠਲ, ਮੁਖਤਿਆਰ ਸਿੰਘ ਖੰਨਾ, ਸ਼ਹਿਰਯਾਰ, ਸੁਮੇਲ ਸਿੰਘ ਸਿੱਧੂ, ਬਲਬੀਰ ਪਰਵਾਨਾ, ਜਸਪਾਲ ਮਾਨਖੇੜਾ, ਖੁਸ਼ਵੰਤ ਬਰਗਾੜੀ, ਪ੍ਰੇਮ ਗੋਰਖੀ, ਜਸਵੀਰ ਮੰਡ, ਕੇ.ਐੱਲ. ਗਰਗ, ਸੁਰਜੀਤ ਬਰਾੜ, ਗੁਰਮੀਤ ਕੱਲਰਮਾਜਰੀ, ਗੁਰਮੀਤ ਕੜਿਆਲਵੀ, ਮਦਨਵੀਰਾ, ਹਰਵਿੰਦਰ ਭੰਡਾਲ, ਕੁਲਵੰਤ ਔਜਲਾ, ਹਰਬੰਸ ਹੀਉਂ, ਅਜਮੇਰ ਸਿੱਧੂ, ਸੰਤ ਹਰਪਾਲ ਸਿੰਘ ਸੇਵਕ, ਰਮੇਸ਼ ਯਾਦਵ, ਸਤਿਨਾਮ ਸਿੰਘ ਜੱਸਲ, ਸੁਵਰਨ ਸਿੰਘ ਵਿਰਕ, ਗੁਰਦੀਪ ਦੇਹਰਾਦੂਨ, ਖ਼ਾਲਿਦ ਹੁਸੈਨ ਜੰਮੂ, ਜਗਮੋਹਨ ਸਿੰਘ ਗਿੱਲ (ਬੰਗਾਲ), ਮੁਹਿੰਦਰ ਦੁਸਾਂਝ, ਮਹਿੰਦਰ ਸਾਥੀ, ਬਲਦੇਵ ਸਿੰਘ ਢੀਂਡਸਾ, ਸੁਰਿੰਦਰ ਰਾਮਪੁਰੀ, ਜਤਿੰਦਰ ਹਾਂਸ, ਜਸਵੀਰ ਰਾਣਾ, ਬਲਵਿੰਦਰ ਗਰੇਵਾਲ, ਹਰਚਰਨ ਹੁਸ਼ਿਆਰਪੁਰ, ਸ਼ਮਸ਼ੇਰ ਮੋਹੀ, ਰਮਨ ਸੰਧੂ, ਜਸਵੀਰ ਝੱਜ, ਤਰਲੋਚਨ ਤਰਨਤਾਰਨ, ਰਤਨ ਸਿੰਘ ਢਿੱਲੋਂ, ਡਾ. ਰਮੇਸ਼ ਕੁਮਾਰ ਯਮੁਨਾਨਗਰ, ਨਿਰਮਲ ਅਰਪਣ, ਦੇਵ ਦਰਦ, ਤਰਲੋਚਨ ਝਾਂਡੇ, ਭਗਵਾਨ ਢਿੱਲੋਂ, ਮੱਖਣ ਮਾਨ, ਭਗਵੰਤ ਰਸੂਲਪੁਰੀ, ਡਾ. ਇਕਬਾਲ ਕੌਰ ਸੌਂਦ, ਅਰਵਿੰਦਰ ਧਾਲੀਵਾਲ, ਮੋਨਿਕਾ ਕੁਮਾਰ, ਸਰਬਜੀਤ ਸੋਹਲ, ਨੀਤੂ ਅਰੋੜਾ, ਤ੍ਰਿਪਤਾ ਕੇ.ਸਿੰਘ, ਡਾ.ਸਰਘੀ, ਅਰਵਿੰਦਰ ਕੌਰ ਕਾਕੜਾ, ਸ਼ਬਦੀਸ਼, ਡਾ.ਸਾਹਿਬ ਸਿੰਘ, ਸੰਜੀਵਨ, ਡਾ.ਅਨੂਪ ਸਿੰਘ, ਜਸਵੰਤ ਹਾਂਸ, ਡਾ. ਜੋਗਾ ਸਿੰਘ, ਕੁਲਦੀਪ ਸਿੰਘ ਬੇਦੀ, ਕਰਮ ਸਿੰਘ ਵਕੀਲ, ਸੁਰਿੰਦਰਪ੍ਰੀਤ ਘਣੀਆਂ, ਵਰਗਿਸ ਸਲਾਮਤ, ਦੀਪ ਦੇਵਿੰਦਰ ਸਿੰਘ, ਧਰਮਿੰਦਰ ਔਲਖ, ਜਗਦੀਪ ਸਿੱਧੂ, ਗੁਰਨਾਮ ਕੰਵਰ, ਬਰਜਿੰਦਰ ਚੌਹਾਨ, ਬਲਵਿੰਦਰ ਸੰਧੂ, ਅਸ਼ਵਨੀ ਬਾਗੜੀਆਂ, ਗੁਲਜ਼ਾਰ ਪੰਧੇਰ, ਮੇਜਰ ਸਿੰਘ ਗਿੱਲ, ਤਰਸੇਮ ਬਰਨਾਲਾ, ਦੇਸ ਰਾਜ ਕਾਲੀ, ਡਾ. ਉਮਿੰਦਰ ਜੌਹਲ, ਡਾ.ਰਾਮ ਮੂਰਤੀ, ਹਰਜਿੰਦਰ ਸਿੰਘ ਅਟਵਾਲ, ਸ਼ੈਲਿੰਦਰਜੀਤ ਸਿੰਘ ਰਾਜਨ, ਡਾ. ਜਸਵੰਤ ਰਾਇ, ਕੰਵਰ ਜਸਮਿੰਦਰਪਾਲ ਸਿੰਘ, ਡਾ.ਗੁਰਮੇਲ ਸਿੰਘ, ਹਰਵਿੰਦਰ ਸਿੰਘ ਸਿਰਸਾ, ਕਮਲ ਦੁਸਾਂਝ, ਡਾ.ਜੈਨਿੰਦਰ ਸਿੰਘ ਚੌਹਾਨ, ਮੂਲ ਚੰਦ ਸ਼ਰਮਾ, ਰੋਜ਼ੀ ਸਿੰਘ, ਡਾ.ਅਮਰਜੀਤ ਸਿੰਘ ਹਰਿਆਣਾ, ਮਹਾਂਬੀਰ ਸਿੰਘ ਗਿੱਲ, ਭੁਪਿੰਦਰ ਸਿੰਘ ਬੇਦੀ, ਬਲਕਾਰ ਸਿੱਧੂ, ਡਾ. ਕਰਨੈਲ ਚੰਦ ਹਰਿਆਣਾ ਆਦਿ ਲੇਖਕਾਂ ਨੇ ਆਪਣੀ ਸਹਿਮਤੀ ਪ੍ਰਗਟਾਈ ਹੈ। ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਪ੍ਰਧਾਨ ਦਰਸ਼ਨ ਬੁੱਟਰ ਅਤੇ ਜਨਰਲ ਸਕੱਤਰ ਸੁਖਦੇਵ ਸਿੰਘ ਸਿਰਸਾ ਨੇ ਕਿਹਾ ਕਿ ਉਹ ਦਲਿਤ ਵਿਦਿਆਰਥੀਆਂ ਦੇ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਨੂੰ ਤੁਰੰਤ ਮੁਹੱਈਆ ਕਰਵਾਉਣ ਲਈ ਵਿਦਿਆਰਥੀਆਂ ਦੇ ਸੰਘਰਸ਼ ਦੀ ਹਮਾਇਤ ਕਰਦੇ ਹਨ। ਕੇਂਦਰੀ ਪੰਜਾਬੀ ਲੇਖਕ ਸਭਾ ਨੇ ਕੇਂਦਰ ਅਤੇ ਪੰਜਾਬ ਸਰਕਾਰ ਨੂੰ ਅਪੀਲ ਕੀਤੀ ਕਿ ਖੇਤੀ ਬਿੱਲਾਂ ਬਾਰੇ ਕਿਸਾਨਾਂ ਦੀ ਮੰਗ ਅਤੇ ਦਲਿਤ ਵਿਦਿਆਰਥੀਆਂ ਦੇ ਵਜ਼ੀਫ਼ੇ ਦੀ ਮੰਗ ਤੁਰੰਤ ਪ੍ਰਵਾਨ ਕੀਤੀ ਜਾਵੇ।