New Delhi : ਰਿਲਾਇੰਸ ਸਮੂਹ ਦਾ ਕੁੱਲ ਬਾਜ਼ਾਰੀ ਮੁੱਲ ਸੋਮਵਾਰ, 2 ਨਵੰਬਰ ਨੂੰ ਵਧ ਕੇ 31.65 ਲੱਖ ਕਰੋੜ ਰੁਪਏ ਹੋ ਗਿਆ। ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰਾਂ ਵਿੱਚ ਜ਼ੋਰਦਾਰ ਤੇਜ਼ੀ ਦੇਖਣ ਨੂੰ ਮਿਲੀ। ਕੰਪਨੀ ਦੇ ਦੂਜੀ ਤਿਮਾਹੀ ਦੇ ਸ਼ਾਨਦਾਰ ਨਤੀਜਿਆਂ ਤੋਂ ਬਾਅਦ ਇਸ ਦੇ ਸ਼ੇਅਰਾਂ ਵਿੱਚ ਲਗਭਗ 8 ਫ਼ੀਸਦੀ ਦਾ ਉਛਾਲ ਆਇਆ। ਇਸ ਨਾਲ ਕੰਪਨੀ ਦਾ ਬਾਜ਼ਾਰੀ ਮੁੱਲ ਵੀ ਲਗਭਗ 17 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ।
ਜੀਓ ਫਾਈਨੈਂਸ਼ੀਅਲ ਦਾ ਬਾਜ਼ਾਰੀ ਮੁੱਲ 1.40 ਲੱਖ ਕਰੋੜ ਰੁਪਏ ਅਤੇ ਜੀਓ ਪਲੇਟਫਾਰਮਜ਼ ਦਾ ਬਾਜ਼ਾਰੀ ਮੁੱਲ 13.28 ਲੱਖ ਕਰੋੜ ਰੁਪਏ ਹੋ ਗਿਆ।
ਰਿਲਾਇੰਸ ਇੰਡਸਟਰੀਜ਼ ਨੇ ਦੂਜੀ ਤਿਮਾਹੀ ਦੌਰਾਨ ਹੁਣ ਤੱਕ ਦਾ ਸਭ ਤੋਂ ਵੱਧ ਮੁਨਾਫ਼ਾ, ਆਮਦਨ ਅਤੇ ਐਬਿਟਡਾ (EBITDA) ਦਰਜ ਕੀਤਾ। ਸੋਮਵਾਰ ਨੂੰ ਕਾਰੋਬਾਰ ਦੀ ਸ਼ੁਰੂਆਤ ਵਿੱਚ ਕੰਪਨੀ ਦੇ ਸ਼ੇਅਰਾਂ ਵਿੱਚ ਲਗਭਗ 8 ਫ਼ੀਸਦੀ ਤੱਕ ਤੇਜ਼ੀ ਆਈ ਅਤੇ ਇਹ 1,252.30 ਰੁਪਏ ਦੇ ਪੱਧਰ ‘ਤੇ ਪਹੁੰਚ ਗਏ।
ਕੰਪਨੀ ਦੇ ਦੂਜੀ ਤਿਮਾਹੀ ਦੇ ਸ਼ਾਨਦਾਰ ਨਤੀਜਿਆਂ ਅਤੇ ਦਲਾਲੀ ਕੰਪਨੀਆਂ ਵੱਲੋਂ ਬਿਹਤਰ ਅਨੁਮਾਨ ਲਗਾਏ ਜਾਣ ਤੋਂ ਬਾਅਦ ਨਿਵੇਸ਼ਕਾਂ ਨੇ ਸ਼ੇਅਰਾਂ ਦੀ ਖ਼ਰੀਦਦਾਰੀ ਕੀਤੀ।
ਰਿਲਾਇੰਸ ਦਾ ਸ਼ੇਅਰ ਨਿਫਟੀ-50 ਸੂਚਕ ਅੰਕ ਵਿੱਚ ਸਭ ਤੋਂ ਵੱਧ ਤੇਜ਼ੀ ਦਰਜ ਕਰਨ ਵਾਲਾ ਸ਼ੇਅਰ ਰਿਹਾ। ਇਸ ਨੇ ਨਿਫਟੀ ਨੂੰ ਉੱਪਰ ਲਿਜਾਣ ਵਿੱਚ ਵੀ ਸਭ ਤੋਂ ਵੱਡਾ ਯੋਗਦਾਨ ਪਾਇਆ।
ਰਿਲਾਇੰਸ ਦੇ ਸ਼ੇਅਰਾਂ ਨੇ ਪਾਈਆਂ ਧਮਾਲਾਂ! ਸਮੂਹ ਦਾ ਬਾਜ਼ਾਰੀ ਮੁੱਲ 31.65 ਲੱਖ ਕਰੋੜ ਰੁਪਏ ਤੱਕ ਪਹੁੰਚਿਆ
