ਭਾਰਤੀ ਮੂਲ ਦੀ ਅਨੀਤਾ ਅਨੰਦ ਅਤੇ ਕਮਲ ਖਹਿਰਾ ਨੂੰ ਮਾਰਕ ਕਾਰਨੀ ਵਜ਼ਾਰਤ ‘ਚ ਬਣਾਇਆ ਗਿਆ ਮੰਤਰੀ

ਓਟਾਵਾ : ਕੈਨੇਡਾ ‘ਚ ਲਿਬਰਲ ਪਾਰਟੀ ਦੇ ਨੇਤਾ ਮਾਰਕ ਕਾਰਨੀ ਨੇ ਪਿਛਲੇ ਦਿਨੀਂ ਦੇਸ਼ ਦੇ ਨਵੇਂ ਪ੍ਰਧਾਨ ਮੰਤਰੀ ਵਜੋਂ ਸਹੁੰ ਚੁੱਕੀ। ਮਾਰਕ ਕਾਰਨੀ ਨੇ 30ਵੇਂ ਕੈਨੇਡੀਅਨ ਮੰਤਰੀ ਮੰਡਲ ਦੇ ਮੈਂਬਰਾਂ ਦੇ ਨਾਲ ਅਹੁਦੇ ਦੀ ਸਹੁੰ ਚੁੱਕੀ ਅਤੇ ਗਵਰਨਰ ਜਨਰਲ ਮੈਰੀ ਸਾਈਮਨ ਨੇ ਸਮਾਰੋਹ ਦੀ ਪ੍ਰਧਾਨਗੀ ਕੀਤੀ, ਜਿਸ ਵਿੱਚ ਕਾਰਨੀ ਨੇ 23 ਕੈਬਨਿਟ ਮੰਤਰੀਆਂ ਦਾ ਖੁਲਾਸਾ ਵੀ ਕੀਤਾ। ਭਾਰਤੀ ਮੂਲ ਦੀਆਂ ਦੋ ਮਹਿਲਾਵਾਂ ਅਨੀਤਾ ਅਨੰਦ ਅਤੇ ਕਮਲ ਖਹਿਰਾ ਨੂੰ ਮੰਤਰੀ ਬਣਾਇਆ ਗਿਆ ਹੈ। ਇਹ ਟਰੂਡੋ ਦੇ ਮੰਤਰੀ ਮੰਡਲ ਨਾਲੋਂ ਬਹੁਤ ਛੋਟੀ ਕੈਬਨਿਟ ਹੈ, ਟਰੂਡੋ ਕੋਲ ਉਨ੍ਹਾਂ ਸਮੇਤ 39 ਮੈਂਬਰ ਸਨ। ਨਵੀਂ ਕੈਬਨਿਟ ਇਸ ਪ੍ਰਕਾਰ ਹੈ : ਮਾਰਕ ਕਾਰਨੀ – ਪ੍ਰਧਾਨ ਮੰਤਰੀ, ਡੋਮਿਨਿਕ ਲੇਬਲੈਂਕ – ਅੰਤਰਰਾਸ਼ਟਰੀ ਵਪਾਰ ਅਤੇ ਅੰਤਰ-ਸਰਕਾਰੀ ਮਾਮਲਿਆਂ ਦੇ ਮੰਤਰੀ ਅਤੇ ਕੈਨੇਡਾ ਲਈ ਕਿੰਗਜ਼ ਪ੍ਰਿਵੀ ਕੌਂਸਲ ਦੇ ਪ੍ਰਧਾਨ, ਮੇਲਾਨੀ ਜੋਲੀ – ਵਿਦੇਸ਼ ਮਾਮਲਿਆਂ ਅਤੇ ਅੰਤਰਰਾਸ਼ਟਰੀ ਵਿਕਾਸ ਮੰਤਰੀ, ਫ੍ਰਾਂਸੋਆ-ਫਿਲਿਪ ਸ਼ੈਂਪੇਨ – ਵਿੱਤ ਮੰਤਰੀ, ਅਨੀਤਾ ਆਨੰਦ – ਨਵੀਨਤਾ, ਵਿਗਿਆਨ ਅਤੇ ਉਦਯੋਗ ਮੰਤਰੀ, ਬਿਲ ਬਲੇਅਰ – ਰਾਸ਼ਟਰੀ ਰੱਖਿਆ ਮੰਤਰੀ, ਪੈਟੀ ਹਾਜਡੂ – ਸਵਦੇਸ਼ੀ ਸੇਵਾਵਾਂ ਮੰਤਰੀ, ਜੋਨਾਥਨ ਵਿਲਕਿਨਸਨ – ਊਰਜਾ ਅਤੇ ਕੁਦਰਤੀ ਸਰੋਤ ਮੰਤਰੀ, ਜਿਨੇਟ ਪੇਟਿਟਪਾਸ ਟੇਲਰ – ਖਜ਼ਾਨਾ ਬੋਰਡ ਦੇ ਪ੍ਰਧਾਨ, ਸਟੀਵਨ ਗਿਲਬੌਲਟ – ਕੈਨੇਡੀਅਨ ਸੱਭਿਆਚਾਰ ਅਤੇ ਪਛਾਣ, ਪਾਰਕਸ ਕੈਨੇਡਾ ਅਤੇ ਕਿਊਬਿਕ ਲੈਫਟੀਨੈਂਟ, ਕ੍ਰਿਸਟੀਆ ਫ੍ਰੀਲੈਂਡ – ਆਵਾਜਾਈ ਅਤੇ ਅੰਦਰੂਨੀ ਵਪਾਰ ਮੰਤਰੀ, ਕਮਲ ਖਹਿਰਾ – ਸਿਹਤ ਮੰਤਰੀ, ਗੈਰੀ ਆਨੰਦਸੰਗਾਰੀ – ਕੈਨੇਡਾ ਦੇ ਨਿਆਂ ਅਤੇ ਅਟਾਰਨੀ ਜਨਰਲ ਮੰਤਰੀ ਅਤੇ ਕ੍ਰਾਊਨ-ਆਦਿਵਾਸੀ ਸਬੰਧਾਂ ਅਤੇ ਉੱਤਰੀ ਮਾਮਲਿਆਂ ਦੇ ਮੰਤਰੀ, ਰੇਚੀ ਵਾਲਡੇਜ਼ – ਮੁੱਖ ਸਰਕਾਰੀ ਵ੍ਹਿਪ, ਸਟੀਵਨ ਮੈਕਕਿਨਨ – ਨੌਕਰੀਆਂ ਅਤੇ ਪਰਿਵਾਰਾਂ ਦੇ ਮੰਤਰੀ, ਡੇਵਿਡ ਜੇ. ਮੈਕਗਿੰਟੀ – ਜਨਤਕ ਸੁਰੱਖਿਆ ਅਤੇ ਐਮਰਜੈਂਸੀ ਤਿਆਰੀ ਮੰਤਰੀ, ਟੈਰੀ ਡੁਗੁਇਡ – ਵਾਤਾਵਰਣ ਅਤੇ ਜਲਵਾਯੂ ਪਰਿਵਰਤਨ ਮੰਤਰੀ, ਨੈਟ ਏਰਸਕਾਈਨ ਸਮਿਥ – ਰਿਹਾਇਸ਼, ਬੁਨਿਆਦੀ ਢਾਂਚਾ ਅਤੇ ਭਾਈਚਾਰਿਆਂ ਮੰਤਰੀ, ਰਾਚੇਲ ਬੇਂਡਯਾਨ – ਇਮੀਗ੍ਰੇਸ਼ਨ, ਸ਼ਰਨਾਰਥੀ ਅਤੇ ਨਾਗਰਿਕਤਾ ਮੰਤਰੀ, ਐਲੀਜ਼ਾਬੇਥ ਬ੍ਰਾਈਅਰ – ਵੈਟਰਨਜ਼ ਮਾਮਲਿਆਂ ਦੀ ਮੰਤਰੀ ਅਤੇ ਕੈਨੇਡਾ ਰੈਵੇਨਿਊ ਏਜੰਸੀ ਲਈ ਜ਼ਿੰਮੇਵਾਰ ਮੰਤਰੀ, ਜੋਐਨ ਥੌਮਸਨ – ਮੱਛੀ ਪਾਲਣ, ਸਮੁੰਦਰ ਅਤੇ ਕੈਨੇਡੀਅਨ ਕੋਸਟ ਗਾਰਡ ਮੰਤਰੀ, ਏਰੀਏਲ ਕਾਇਆਬਾਗਾ – ਹਾਊਸ ਆਫ਼ ਕਾਮਨਜ਼ ਵਿੱਚ ਸਰਕਾਰ ਦੀ ਨੇਤਾ ਅਤੇ ਡੈਮੋਕ੍ਰੇਟਿਕ ਸੰਸਥਾਵਾਂ ਦੀ ਮੰਤਰੀ, ਕੋਡੀ ਬਲੋਇਸ – ਖੇਤੀਬਾੜੀ ਅਤੇ ਖੇਤੀਬਾੜੀ-ਖੁਰਾਕ ਅਤੇ ਪੇਂਡੂ ਆਰਥਿਕ ਵਿਕਾਸ ਮੰਤਰੀ, ਅਲੀ ਅਹਿਸਾਸੀ – ਸਰਕਾਰੀ ਪਰਿਵਰਤਨ, ਜਨਤਕ ਸੇਵਾਵਾਂ ਅਤੇ ਖਰੀਦ ਮੰਤਰੀ।