ਭਾਰਤ ਕੋਲੋਂ ਪੋਲੀਓ ਮਾਰਕਰ ਖਰੀਦੇਗੀ ਇਮਰਾਨ ਖਾਨ ਸਰਕਾਰ

ਚੀਨ ਕੋਲੋਂ ਮੰਗਵਾਏ ਮਾਰਕਰਾਂ ਨੂੰ ਦੱਸਿਆ ਘਟੀਆ
ਇਸਲਾਮਾਬਾਦ/ਬਿਊਰੋ ਨਿਊਜ਼
ਚੀਨ ਦੇ ਪੋਲੀਓ ਮਾਰਕਰਾਂ ਦੀ ਕੁਆਲਿਟੀ ਤੋਂ ਨਾਖੁਸ਼ ਪਾਕਿਸਤਾਨ ਸਰਕਾਰ ਨੇ ਹੁਣ ਇਨ੍ਹਾਂ ਮਾਰਕਰਾਂ ਨੂੰ ਭਾਰਤ ਕੋਲੋਂ ਖਰੀਦਣ ਦਾ ਫੈਸਲਾ ਕੀਤਾ ਹੈ। ਪਾਕਿ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਅਗਵਾਈ ਵਿਚ ਹੋਈ ਮੀਟਿੰਗ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ। ਧਿਆਨ ਰਹੇ ਕਿ ਜੰਮੂ ਕਸ਼ਮੀਰ ਵਿਚੋਂ ਧਾਰਾ 370 ਹਟਣ ਤੋਂ ਬਾਅਦ ਪਾਕਿਸਤਾਨ ਨੇ 5 ਅਗਸਤ ਨੂੰ ਭਾਰਤ ਨਾਲ ਵਪਾਰ ਕਰਨ ‘ਤੇ ਰੋਕ ਲਗਾ ਦਿੱਤੀ ਸੀ ਅਤੇ ਇਕ ਹਫਤੇ ਬਾਅਦ ਦਵਾਈਆਂ ਦੇ ਵਪਾਰ ਤੋਂ ਰੋਕ ਹਟਾ ਦਿੱਤੀ ਗਈ ਸੀ। ਹੁਣ ਚੀਨ ਦੇ ਪੋਲੀਓ ਮਾਰਕਰਾਂ ਦੀ ਘਟੀਆ ਕੁਆਲਟੀ ਨੂੰ ਦੇਖਦਿਆਂ ਇਮਰਾਨ ਸਰਕਾਰ ਨੇ ਇਨ੍ਹਾਂ ਮਾਰਕਰਾਂ ਨੂੰ ਭਾਰਤ ਤੋਂ ਖਰੀਦਣ ਦਾ ਮਨ ਬਣਾਇਆ ਹੈ। ਜ਼ਿਕਰਯੋਗ ਹੈ ਕਿ ਪੋਲੀਓ ਮਾਰਕਰਾਂ ਦੀ ਵਰਤੋਂ ਬੱਚਿਆਂ ਨੂੰ ਦਵਾਈ ਪਿਲਾਉਣ ਤੋਂ ਬਾਅਦ ਉਂਗਲੀ ‘ਤੇ ਨਿਸ਼ਾਨ ਲਗਾਉਣ ਲਈ ਕੀਤਾ ਜਾਂਦੀ ਹੈ।