New Delhi : Ola Electric Mobility ਦੇ ਸ਼ੇਅਰਾਂ ਵਿੱਚ ਮੰਗਲਵਾਰ, 29 ਸਤੰਬਰ ਨੂੰ 4% ਤੋਂ ਵੱਧ ਦੀ ਗਿਰਾਵਟ ਦੇਖਣ ਨੂੰ ਮਿਲੀ। ਇਲੈਕਟ੍ਰਿਕ ਦੋਪਹੀਆ ਵਾਹਨ ਬਣਾਉਣ ਵਾਲੀ ਕੰਪਨੀ ’ਤੇ HSBC ਨੇ ‘Reduce’ ਰੇਟਿੰਗ ਬਰਕਰਾਰ ਰੱਖੀ ਹੈ। ਬ੍ਰੋਕਰੇਜ ਨੇ ਬੈਟਰੀ ਨਿਰਮਾਣ ਅਤੇ ਸਥਾਨਕੀਕਰਨ ਵਿੱਚ ਤਰੱਕੀ ਦੇ ਬਾਵਜੂਦ ਕੰਪਨੀ ਸਾਹਮਣੇ ਬ੍ਰਾਂਡ ਨੂੰ ਮੁੜ ਮਜ਼ਬੂਤ ਕਰਨ ਅਤੇ ਕਾਰੋਬਾਰ ਨੂੰ ਬਿਹਤਰ ਢੰਗ ਨਾਲ ਚਲਾਉਣ ਨਾਲ ਜੁੜੇ ਖਤਰਿਆਂ ਨੂੰ ਮੁੱਖ ਚਿੰਤਾ ਦੱਸਿਆ ਹੈ।
HSBC ਨੇ Ola Electric ਦੇ ਸ਼ੇਅਰ ਲਈ 24 ਰੁਪਏ ਦਾ ਟਾਰਗੇਟ ਮੁੱਲ ਤੈਅ ਕੀਤਾ ਹੈ। ਇਹ ਸੋਮਵਾਰ ਦੇ 37.86 ਰੁਪਏ ਦੇ ਬੰਦ ਭਾਅ ਦੇ ਮੁਕਾਬਲੇ ਲਗਭਗ 37% ਦੀ ਸੰਭਾਵਿਤ ਗਿਰਾਵਟ ਦਰਸਾਉਂਦਾ ਹੈ।
HSBC ਦੇ ਮੁਤਾਬਕ, Ola Electric ਦੀ ਗਿਗਾ ਫੈਕਟਰੀ ਵਿੱਚ ਬੈਟਰੀ ਨਿਰਮਾਣ ਅਤੇ ਸਥਾਨਕੀਕਰਨ ਦੀ ਰਫ਼ਤਾਰ ਵਧ ਰਹੀ ਹੈ। ਬ੍ਰੋਕਰੇਜ ਨੂੰ ਉਮੀਦ ਹੈ ਕਿ ਬੈਟਰੀ ਉਤਪਾਦਨ ਸਮਰੱਥਾ ਦੀ ਵਰਤੋਂ ਵਿੱਚ ਸੁਧਾਰ ਹੋਵੇਗਾ ਅਤੇ ਇਸ ਦਾ ਯੀਲਡ, ਜੋ ਇਸ ਵੇਲੇ ਲਗਭਗ 70% ਹੈ, ਅਗਲੇ 6 ਤੋਂ 9 ਮਹੀਨਿਆਂ ਵਿੱਚ ਵੱਧ ਕੇ ਕਰੀਬ 90% ਹੋ ਸਕਦਾ ਹੈ।
Ola Electric ਦੇ ਸ਼ੇਅਰ 4% ਤੋਂ ਵੱਧ ਡਿੱਗੇ, HSBC ਦੀ ‘Reduce’ ਰੇਟਿੰਗ ਬਰਕਰਾਰ, 37% ਗਿਰਾਵਟ ਦਾ ਅਨੁਮਾਨ
