New Delhi : Xiaomi ਆਪਣੇ ਨਵੇਂ ਫਲੈਗਸ਼ਿਪ ਸਮਾਰਟਫੋਨ Xiaomi 18 Pro ਅਤੇ Xiaomi 18 Pro Max ਨੂੰ 23 ਸਤੰਬਰ 2026 ਨੂੰ ਚੀਨ ਵਿੱਚ ਲਾਂਚ ਕਰਨ ਜਾ ਰਹੀ ਹੈ। ਕੰਪਨੀ ਨੇ ਲਾਂਚ ਤੋਂ ਪਹਿਲਾਂ ਦੋਵੇਂ ਫੋਨਾਂ ਦੇ ਕਈ ਅਹਿਮ ਫੀਚਰਾਂ ਦੀ ਅਧਿਕਾਰਤ ਜਾਣਕਾਰੀ ਸਾਂਝੀ ਕਰ ਦਿੱਤੀ ਹੈ।
ਇਨ੍ਹਾਂ ਫੋਨਾਂ ਵਿੱਚ 2nm ਫਲੈਗਸ਼ਿਪ ਮੋਬਾਈਲ ਪਲੇਟਫਾਰਮ, Leica ਡੁਅਲ 200MP ਕੈਮਰਾ, 0.99mm ਪਤਲੇ ਬੇਜ਼ਲ, ਨਵੀਂ AI-ਅਧਾਰਿਤ ਰੀਅਰ ਸਕ੍ਰੀਨ ਅਤੇ 32% ਹਾਈ-ਸਿਲਿਕਾਨ ਬੈਟਰੀ ਸ਼ਾਮਲ ਹਨ।
ਸਭ ਤੋਂ ਜ਼ਿਆਦਾ ਚਰਚਾ Pro Max ਦੀ 8,500mAh ਬੈਟਰੀ ਨੂੰ ਲੈ ਕੇ ਹੋ ਰਹੀ ਹੈ। Xiaomi ਦੇ ਮੁਤਾਬਕ ਲਾਂਚ ਇਵੈਂਟ 23 ਸਤੰਬਰ ਨੂੰ ਸ਼ਾਮ 7 ਵਜੇ ਚੀਨ ਦੇ ਸਥਾਨਕ ਸਮੇਂ ਅਨੁਸਾਰ ਹੋਵੇਗਾ। ਭਾਰਤੀ ਸਮੇਂ ਦੇ ਹਿਸਾਬ ਨਾਲ ਇਹ ਪ੍ਰੋਗਰਾਮ ਸ਼ਾਮ ਕਰੀਬ 4:30 ਵਜੇ ਸ਼ੁਰੂ ਹੋਵੇਗਾ।
ਫਿਲਹਾਲ ਕੰਪਨੀ ਨੇ Xiaomi 18 Pro ਅਤੇ Xiaomi 18 Pro Max ਨੂੰ ਹੀ ਇਸ ਲਾਂਚ ਦਾ ਹਿੱਸਾ ਬਣਾਇਆ ਹੈ।
Xiaomi 18 Pro ਸੀਰੀਜ਼ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸ ਦੀ ਬੈਟਰੀ ਹੋ ਸਕਦੀ ਹੈ। Xiaomi 18 Pro ਵਿੱਚ 7,000mAh, ਜਦਕਿ Xiaomi 18 Pro Max ਵਿੱਚ 8,500mAh ਦੀ ਬੈਟਰੀ ਦਿੱਤੀ ਜਾਵੇਗੀ।