ਭਾਜਪਾ ਨਾਲ ਨੇੜਤਾ ਵਧਾਉਣ ਲਈ ਕੋਝੀਆਂ ਹਰਕਤਾਂ ਤੇ ਉਤਰਿਆ ਬਿੱਟੂ -ਆਪ
ਚੰਡੀਗੜ੍ਹ l ਇੱਕ ਵਾਰ ਫੇਰ ਪੰਜਾਬ ਨੂੰ ਬਦਨਾਮ ਕਰਨ ਦੀ ਕੋਝੀ ਹਰਕਤ ਕੀਤੀ ਹੈ ਸਾਬਕਾ ਕੇਂਦਰੀ ਮੰਤਰੀ ਅਤੇ ਭਾਜਪਾ ਨੇਤਾ ਰਵਨੀਤ ਸਿੰਘ ਬਿੱਟੂ ਨੇ। ਇਹ ਕਹਿਣਾ ਹੈ ਆਮ ਆਦਮੀ ਪਾਰਟੀ ਦੇ ਇੱਕ ਨੇਤਾ ਦਾ ਜੋ ਆਪਣਾ ਨਾਂਅ ਜ਼ਾਹਿਰ ਨਹੀਂ ਕਰਨਾ ਚਾਹੁੰਦੇ। ਉਹਨਾਂ ਕਿਹਾ ਕਿ ਪਹਿਲਾਂ ਵੀ ਅਜਿਹਾ ਹੀ ਗ਼ਲਤ ਅਤੇ ਨਕਲੀ ਫੋਟੋ ਆਪਣੇ ਐਕਸ ਅਕਾਊਂਟ ਤੇ ਪਾਕੇ ਉਹਨਾਂ ਆਪਣੀ ਬੇਇੱਜਤੀ ਕਰਵਾਈ ਸੀ ਤੇ ਹੁਣ ਫੇਰ ਤੋਂ ਉਸੇ ਅਕਾਊਂਟ ਤੇ ਇੱਕ ਸਿੱਖ ਨੌਜਵਾਨ ਦੀ, ਨਸ਼ੇ ਦੀ ਸੂਰਤ ਵਿਚ ਖੜੇ ਦੀ ਫੋਟੋ ਪਾਕੇ ਬਿੱਟੂ ਨੇ ਭਾਵੇਂ ਆਮ ਆਦਮੀ ਪਾਰਟੀ ਸਰਕਾਰ ਤੇ ਸਵਾਲ ਖੜੇ ਕੀਤੇ ਹਨ ਪ੍ਰੰਤੂ ਇਹ ਵੀਡੀਓ ਹੀ ਨਕਲੀ ਨਿਕਲੀ ਹੈ।
ਕਿਹਾ ਜਾ ਰਿਹਾ ਹੈ ਕਿ ਜਦੋਂ ਤੋਂ ਬਿੱਟੂ ਦੀ ਕੇਂਦਰੀ ਵਜ਼ਾਰਤ ਗਈ ਹੈ ਉਦੋਂ ਤੋਂ ਉਹ ਭਾਜਪਾ ਦੇ ਵੱਡੇ ਨੇਤਾਵਾਂ ਦੀ ਨੇੜਤਾ ਪਾਉਣ ਲਈ ਕੁੱਝ ਨਾ ਕੁੱਝ ਅਜਿਹਾ ਕਰ ਰਿਹਾ ਹੈ ਤਾਂਕਿ ਨੇਤਾਵਾਂ ਦਾ ਧਿਆਨ ਉਸਦੇ ਉੱਤੇ ਕੇਂਦਰਤ ਹੋਵੇ, ਪਰ ਉਹ ਅਕਸਰ ਗ਼ਲਤ ਸਾਬਤ ਹੋ ਜਾਂਦਾ ਹੈ। ਹੁਣ ਜਿਹੜੇ ਵੀਡੀਓ ਦਾ ਸਹਾਰਾ ਲੈਕੇ ਬਿੱਟੂ ਨੇ ਇਹ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਪੰਜਾਬ ਦੇ ਨੌਜਵਾਨ ਤਾਂ ਨਸ਼ੇ ਨਾਲ ਟੱਲੀ ਹੋਏ ਫਿਰਦੇ ਨੇ ਪ੍ਰੰਤੂ ਵੀਡੀਓ ਦੇ ਅੰਤ ਵਿੱਚ ਵੇਖਿਆ ਜਾ ਸਕਦਾ ਹੈ ਕਿ ਉਹ ਨੌਜਵਾਨ ਤਾਂ ਇੱਕਦਮ ਭੱਜਣ ਲੱਗ ਜਾਂਦਾ ਹੈ ਤੇ ਉਹ ਵੀ ਬਹੁਤ ਹੀ ਤੇਜੀ ਨਾਲ। ਜੇਕਰ ਉਹ ਨਸ਼ੇ ਵਿੱਚ ਹੁੰਦਾ ਤਾਂ ਭਲਾ ਐਨੀ ਛੇਤੀ ਦੌੜਦਾ ਕਿਵੇਂ। ਸਵਾਲ ਇਹ ਵੀ ਹੈ ਕਿ ਬਿੱਟੂ ਖੁਦ ਵੀ ਤਾਂ ਇੱਕ ਪੰਜਾਬੀ ਹੈ, ਜੇਕਰ ਉਹ ਪੰਜਾਬ ਦੀ ਬੇਇੱਜਤੀ ਕਰਦਾ ਹੈ ਤਾਂ ਕੀ ਇਹ ਉਸਦੀ ਬੇਇੱਜਤੀ ਨਹੀਂ ?
ਇਸ ਦੌਰਾਨ ਪੰਜਾਬ ਪੁਲਿਸ ਨੇ ਕਿਹਾ ਕਿ ਅਜਿਹੇ ਗੈਰ-ਪ੍ਰਮਾਣਿਤ ਵੀਡੀਓ ਸਾਂਝੇ ਕਰਨ ਨਾਲ ਰਾਜ ਦੀ ਗੁੰਮਰਾਹਕੁੰਨ ਤਸਵੀਰ ਪੇਸ਼ ਕੀਤੀ ਜਾ ਸਕਦੀ ਹੈ, ਖਾਸ ਕਰਕੇ 2027 ਦੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ। ਬਿੱਟੂ ਦੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਪਿਛਲੇ 48 ਘੰਟਿਆਂ ਤੋਂ ਇੱਕ ਵੀਡੀਓ ਘੁੰਮ ਰਿਹਾ ਹੈ। ਇਸ ਵਿੱਚ ਲੁਧਿਆਣਾ ਦੇ ਦੁੱਗਰੀ ਖੇਤਰ ਵਿੱਚ ਇੱਕ ਸਿੱਖ ਨੌਜਵਾਨ ਨੂੰ ਕਥਿਤ ਤੌਰ ‘ਤੇ ਨਸ਼ੇ ਦੀ ਹਾਲਤ ਵਿੱਚ ਜਾਂ “ਪੱਥਰ ਮਾਰੇ” ਵਾਲੀ ਹਾਲਤ ਵਿੱਚ ਦਿਖਾਇਆ ਗਿਆ ਹੈ।
ਇੰਸਟਾਗ੍ਰਾਮ ‘ਤੇ ਵੀਡੀਓ ਸਾਂਝਾ ਕਰਦੇ ਹੋਏ, ਬਿੱਟੂ ਨੇ ਲਿਖਿਆ: “ਭਗਵੰਤ ਮਾਨ ਉਜਾੜਤਾ ਪੰਜਾਬ”, “ਰੰਗਲਾ ਪੰਜਾਬ ਐਕਸਪੋਜ਼ਡ” ਅਤੇ “ਸੇਵ ਪੰਜਾਬ ਯੂਥ”। ਪੋਸਟ ਨੂੰ ਯੂਜ਼ਰਸ ਵੱਲੋਂ ਲਾਈਕਸ ਅਤੇ ਟਿੱਪਣੀਆਂ ਵੀ ਮਿਲੀਆਂ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਨੌਜਵਾਨ ਨੇ ਸੋਸ਼ਲ ਮੀਡੀਆ ਵਿਊਜ਼ ਲਈ ਵੀਡੀਓ ਬਣਾਈ ਸੀ, ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਮਾਡਲ ਟਾਊਨ ਇਲਾਕੇ ਵਿੱਚ ਨੌਜਵਾਨ ਨੂੰ ਟਰੇਸ ਕੀਤਾ ਅਤੇ ਫੜ ਲਿਆ। ਸਹਾਇਕ ਕਮਿਸ਼ਨਰ ਪੁਲਿਸ ਐਸ.ਐਸ. ਚੀਮਾ ਨੇ ਇਸ ਦੌਰਾਨ ਮੀਡੀਆ ਨੂੰ ਦੱਸਿਆ ਕਿ ਨੌਜਵਾਨ ਦੀ ਉਮਰ ਲਗਭਗ 30 ਸਾਲ ਹੈ ਅਤੇ ਉਹ ਪਹਿਲਾਂ ਨਸ਼ੇ ਦਾ ਆਦੀ ਸੀ ਪਰ ਉਸਨੇ ਬਹੁਤ ਸਮਾਂ ਪਹਿਲਾਂ “ਚਿੱਟਾ” ਖਾਣਾ ਬੰਦ ਕਰ ਦਿੱਤਾ ਸੀ।
“ਨੌਜਵਾਨ ਨੇ ਮੰਨਿਆ ਕਿ ਉਸਨੇ ਸੋਸ਼ਲ ਮੀਡੀਆ ‘ਤੇ ਪ੍ਰਸਿੱਧੀ ਹਾਸਲ ਕਰਨ ਲਈ ਆਪਣੇ ਦੋਸਤ ਨਾਲ ਮਿਲ ਕੇ ਵੀਡੀਓ ਬਣਾਈ ਸੀ। ਉਸਨੇ ਵਿਊਜ਼ ਪ੍ਰਾਪਤ ਕਰਨ ਲਈ ਪਹਿਲਾਂ ਵੀ ਟ੍ਰੋਲ ਅਤੇ ਵੀਡੀਓ ਬਣਾਏ ਸਨ। ਜਦੋਂ ਇਹ ਵੀਡੀਓ ਬਣਾਇਆ ਗਿਆ ਸੀ, ਤਾਂ ਉਸਨੇ ਕੋਈ ਨਸ਼ੀਲਾ ਪਦਾਰਥ ਨਹੀਂ ਲਿਆ ਸੀ,” ਏਸੀਪੀ ਚੀਮਾ ਨੇ ਕਿਹਾ। ਪੁਲਿਸ ਨੌਜਵਾਨ ਦੀ ਡਾਕਟਰੀ ਜਾਂਚ ਕਰਵਾ ਰਹੀ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਵੀਡੀਓ ਰਿਕਾਰਡ ਕਰਨ ਵੇਲੇ ਉਸਨੇ ਕੋਈ ਨਸ਼ੀਲਾ ਪਦਾਰਥ ਖਾਧਾ ਸੀ ਜਾਂ ਨਹੀਂ।
ਕੇਂਦਰੀ ਰੇਲਵੇ ਰਾਜ ਮੰਤਰੀ ਬਣਨ ਤੋਂ ਬਾਅਦ ਬਿੱਟੂ ਦੇ ਪੰਜਾਬ ਵਿੱਚ ਰਾਜਨੀਤਿਕ ਦ੍ਰਿਸ਼ਟੀਕੋਣ ਬਾਰੇ ਵੀ ਇਸ ਵਿਵਾਦ ਨੇ ਭਾਜਪਾ ਦੇ ਹਲਕਿਆਂ ਵਿੱਚ ਚਰਚਾ ਛੇੜ ਦਿੱਤੀ ਹੈ। ਇਸ ਤੋਂ ਪਹਿਲਾਂ, ਬਿੱਟੂ ਦੁਆਰਾ ਲੁਧਿਆਣਾ ਦੇ ਇੱਕ ਨੌਜਵਾਨ ਦਾ ਅਜਿਹਾ ਹੀ ਵੀਡੀਓ ਸਾਂਝਾ ਕੀਤਾ ਗਿਆ ਸੀ, ਪਰ ਪੁਲਿਸ ਨੇ ਬਾਅਦ ਵਿੱਚ ਦਾਅਵਾ ਕੀਤਾ ਕਿ ਇਹ ਇੱਕ ਪੁਰਾਣਾ ਵੀਡੀਓ ਸੀ ਅਤੇ ਦਿਖਾਇਆ ਗਿਆ ਵਿਅਕਤੀ ਪਹਿਲਾਂ ਹੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ।
Watch video on Ravneet Bittu’s X Handle. Click the Link below
https://x.com/RavneetBittu/status/2095084442302005421/video/1