ਟੋਰਾਂਟੋ/ਬਿਊਰੋ ਨਿਊਜ਼ : ਪਿਛਲੇ ਦਿਨੀਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਰਿਚਮੰਡ ਹਿੱਲ ਵਿਖੇ ਸਥਿਤ ਯੌਰਕ ਰੀਜਨ ਟ੍ਰਾਂਜ਼ਿਟ ਦੀ ਇੱਕ ਫੈਸਿਲਟੀ ਵਿੱਚ ਇਲੈਕਟ੍ਰਿਕ ਬੱਸ ਦਾ ਦੌਰਾ ਕੀਤਾ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਹੁਣ ਨੈਸ਼ਨਲ ਟ੍ਰਾਂਜ਼ਿਟ ਫੰਡ ਲਈ ਅਰਜ਼ੀਆਂ ਖੁੱਲ੍ਹੀਆਂ ਹਨ ਜਿਸ ਵਿੱਚ ਮੌਜੂਦਾ ਟ੍ਰਾਂਜ਼ਿਟ ਪ੍ਰਣਾਲੀਆਂ ਲਈ ਪੈਸਾ ਉਪਲਬਧ ਹੋਵੇਗਾ ਤਾਂ ਜੋ ਉਹ ਆਪਣਾ ਵਿਸਥਾਰ, ਸੁਧਾਰ ਅਤੇ ਆਧੁਨਿਕੀਕਰਨ ਕਰ ਸਕਣ। $30-ਬਿਲੀਅਨ ਦੇ 10-ਸਾਲ ਦੇ ਕੈਨੇਡਾ ਪਬਲਿਕ ਟ੍ਰਾਂਜ਼ਿਟ ਫੰਡ ‘ਤੇ ਕਈ ਮਹੀਨਿਆਂ ਤੋਂ ਕੰਮ ਚਲ ਰਿਹਾ ਹੈ ਅਤੇ ਹਾਲ ਹੀ ਦੇ ਫੈਡਰਲ ਬਜਟ ਵਿੱਚ ਵੀ ਇਹ ਸ਼ਾਮਲ ਸੀ। ਇਸ ਪੈਸੇ ਨੂੰ ਤਿੰਨ ਸ਼੍ਰੇਣੀਆਂ ਵਿੱਚ ਵੰਡਿਆ ਜਾਵੇਗਾ : ਮੌਜੂਦਾ ਪ੍ਰਣਾਲੀਆਂ ਲਈ ਬੇਸਲਾਈਨ ਫੰਡਿੰਗ, ਕੈਨੇਡਾ ਦੇ ਸਭ ਤੋਂ ਵੱਡੇ ਸ਼ਹਿਰਾਂ ਲਈ ਮੈਟਰੋ ਰੀਜਨ ਸਮਝੌਤਿਆਂ, ਅਤੇ ਪੇਂਡੂ ਭਾਈਚਾਰਿਆਂ, ਮੂਲ ਨਿਵਾਸੀ ਭਾਈਚਾਰਿਆਂ ਅਤੇ ਸਰਗਰਮ ਆਵਾਜਾਈ ਵਰਗੀਆਂ ਖਾਸ ਚੀਜ਼ਾਂ ਲਈ ਫੰਡਿੰਗ।
ਲਿਬਰਲਾਂ ਦਾ ਕਹਿਣਾ ਹੈ ਕਿ ਇਹ ਫੰਡ ਹਾਊਸਿੰਗ ਐਕਸੀਲੇਟਰ ਫੰਡ ਨੂੰ ਵੀ ਕਾਂਪਲੀਮੈਂਟ ਕਰੇਗਾ ਜੋ ਕਿ ਪਬਲਿਕ ਟ੍ਰਾਂਜ਼ਿਟ ਦੇ ਨੇੜੇ ਘਰਾਂ ਦੀ ਉਸਾਰੀ ਨੂੰ ਹੁਲਾਰਾ ਦਿੰਦਾ ਹੈ। ਯੋਜਨਾ ਵਿੱਚ ਨਵੀਂ ਉਸਾਰੀ ਲਈ ਲਾਜ਼ਮੀ ਘੱਟੋ-ਘੱਟ ਪਾਰਕਿੰਗ ਲੋੜਾਂ ਨੂੰ ਖ਼ਤਮ ਕਰਨਾ ਅਤੇ ਆਵਾਜਾਈ ਦੇ ਨੇੜੇ ਉੱਚ-ਘਣਤਾ ਵਾਲੇ ਰਿਹਾਇਸ਼ੀ ਪ੍ਰੋਜੈਕਟਾਂ ਨੂੰ ਮਨਜ਼ੂਰੀ ਦੇਣਾ ਸ਼ਾਮਲ ਹੈ। ਇਸ ਫ਼ੰਡ ਲਈ ਪੈਸਾ ਹੋਰ ਦੋ ਸਾਲਾਂ ਤੱਕ ਪ੍ਰਵਾਹ ਨਹੀਂ ਕਰੇਗਾ ਪਰ ਬੇਸਲਾਈਨ ਫੰਡਿੰਗ ਅਤੇ ਮੈਟਰੋ ਸਮਝੌਤਿਆਂ ਲਈ ਅਰਜ਼ੀਆਂ ਖੋਲ੍ਹੀਆਂ ਗਈਆਂ ਹਨ।
Check Also
ਸਮੇਂ ਤੋਂ ਪਹਿਲਾਂ ਡਿੱਗ ਸਕਦੀ ਹੈ ਟਰੂਡੋ ਸਰਕਾਰ
ਕੰਸਰਵੇਟਿਵ ਲਿਆਉਣਗੇ ਟਰੂਡੋ ਸਰਕਾਰ ਖਿਲਾਫ ਬੇਭਰੋਸਗੀ ਦਾ ਮਤਾ ਸਹਿਯੋਗੀ ਦਲ ਐਨਡੀਪੀ ਨੇ ਸਮਰਥਨ ਲਿਆ ਵਾਪਸ …