ਆਦਮਪੁਰ/ਬਿਊਰੋ ਨਿਊਜ਼ : ਡਾ.ਬੀ.ਆਰ.ਅੰਬੇਦਕਰ 6ਵੇਂ ਵਿਸ਼ਵ ਕੱਪ ਕਬੱਡੀ-2016 ਦੇ ਵੀਰਵਾਰ ਨੂੰ ਖੇਡ ਸਟੇਡੀਅਮ ਆਦਮਪੁਰ ਵਿੱਚ ਹੋਏ ਅਹਿਮ ਮੁਕਾਬਲਿਆਂ ‘ਚ ਪੁਰਸ਼ ਵਰਗ ਵਿੱਚ ਯੂ.ਐਸ.ਏ. ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਨੇ ਜਿੱਤ ਦਰਜ ਕੀਤੀ ਜਦਕਿ ਮਹਿਲਾ ਵਰਗ ਵਿੱਚ ਨਿਊਜ਼ੀਲੈਂਡ ਦੀ ਟੀਮ ਨੇ ਵਿਰੋਧੀ ਟੀਮ ਨੂੰ ਮਾਤ ਦਿੱਤੀ । ਕਬੱਡੀ ਪ੍ਰੇਮੀਆਂ ਦੀ ਭਰਵੀਂ ਹਾਜ਼ਰੀ ਵਿੱਚ ਖੇਡ ਸਟੇਡੀਅਮ ਆਦਮਪੁਰ ਵਿੱਚ ਕਬੱਡੀ ਦੇ ਹੋਏ ਮੁਕਾਬਲਿਆਂ ਦੌਰਾਨ ਯੂ.ਐਸ.ਏ.ਦੇ ਖਿਡਾਰੀਆਂ ਨੇ ਤਨਜ਼ਾਨੀਆਂ ਦੀ ਟੀਮ ਨੂੰ 36 ਦੇ ਮੁਕਾਬਲੇ 55 ਅੰਕਾਂ ਦੇ ਵੱਡੇ ਫਰਕ ਨਾਲ ਮਾਤ ਦਿੱਤੀ। ਇਸੇ ਤਰ੍ਹਾਂ ਅਸਟਰੇਲੀਆ ਦੇ ਹੁਨਰਮੰਦ ਖਿਡਾਰੀਆਂ ਨੇ ਅਰਜਨਟੀਨਾ ਦੇ ਖਿਡਾਰੀਆਂ ਨੂੰ 58-43 ਅੰਕਾਂ ਦੇ ਵੱਡੇ ਫਰਕ ਨਾਲ ਹਰਾ ਦਿੱਤਾ। ਇਸੇ ਤਰ੍ਹਾਂ ਮਹਿਲਾ ਵਰਗ ‘ਚ ਨਿਊਜ਼ੀਲੈਂਡ ਦੀ ਟੀਮ ਨੇ ਸਿਏਰਾ ਲਿਓਨ ਨੂੰ 47-17 ਦੇ ਫਰਕ ਨਾਲ ਮਾਤ ਦਿੱਤੀ।
ਵਿਸ਼ਵ ਕਬੱਡੀ ਕੱਪ : ਯੂ.ਐਸ.ਏ. ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਵੱਲੋਂ ਜਿੱਤਾਂ ਦਰਜ
