ਹੁਣ ਭਾਰਤ ਦਾ ਰੇਲ ਬਜਟ ਵੀ ਹੋਵੇਗਾ ਆਮ ਬਜਟ ਦਾ ਹਿੱਸਾ

92 ਸਾਲ ਪੁਰਾਣੀ ਰਵਾਇਤ ਨੂੰ ਖਤਮ ਕਰਨ ਦੀ ਕੈਬਨਿਟ ਨੇ ਦਿੱਤੀ ਮਨਜੂਰੀ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਭਾਰਤੀ ਰੇਲ ਬਜਟ ਹੁਣ ਆਮ ਬਜਟ ਨਾਲ ਹੀ ਪੇਸ਼ ਹੋਵੇਗਾ। ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਅੱਜ ਹੋਈ ਕੇਂਦਰੀ ਕੈਬਨਿਟ ਦੀ ਬੈਠਕ ਵਿਚ ਰੇਲ ਬਜਟ ਨੂੰ ਆਮ ਬਜਟ ਵਿਚ ਹੀ ਮਰਜ਼ ਕਰਨ ਦੀ ਮਨਜੂਰੀ ਦੇ ਦਿੱਤੀ ਗਈ। ਇਸ ਮਨਜੂਰੀ ਦੇ ਨਾਲ ਹੀ ਸਰਕਾਰ ਨੇ 92 ਸਾਲ ਪੁਰਾਣੀ ਰਵਾਇਤ ਨੂੰ ਖਤਮ ਕਰਨ ਦਾ ਫੈਸਲਾ ਲੈ ਲਿਆ। ਜ਼ਿਕਰਯੋਗ ਹੈ ਕਿ ਰੇਲਵੇ ਬਜਟ ਦੇ ਆਮ ਬਜਟ ਵਿਚ ਹੀ ਮਰਜ਼ ਹੋਣ ਨਾਲ ਹੁਣ ਇਕੋ ਦਿਨ ਬਜਟ ਪੇਸ਼ ਹੋਇਆ ਕਰੇਗਾ, ਜਿਸ ਨਾਲ ਉਮੀਦ ਹੈ ਕਿ ਘਾਟੇ ਵਿਚੋਂ ਲੰਘ ਰਿਹਾ ਭਾਰਤੀ ਰੇਲਵੇ ਵਿਭਾਗ 10 ਹਜ਼ਾਰ ਕਰੋੜ ਰੁਪਏ ਬਚਾ ਸਕਦਾ ਹੈ।