ਹਰਿਆਣਾ ਦੇ ਮੰਤਰੀ ਨੇ ਰਾਹੁਲ ਗਾਂਧੀ ਨੂੰ ਦੱਸਿਆ ਨਿਪਾਹ ਵਾਇਰਸ

ਕਿਹਾ, ਜੋ ਵੀ ਪਾਰਟੀ ਉਸਦੇ ਸੰਪਰਕ ‘ਚ ਆਵੇਗੀ ਉਹ ਖਤਮ ਹੋ ਜਾਵੇਗੀ
ਅੰਬਾਲਾ/ਬਿਊਰੋ ਨਿਊਜ਼
ਹਰਿਆਣਾ ਦੇ ਸਿਹਤ ਮੰਤਰੀ ਨੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਨਿਪਾਹ ਵਾਇਰਸ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਰਾਹੁਲ ਗਾਂਧੀ ਨਿਪਾਹ ਵਾਇਰਸ ਦੀ ਤਰ੍ਹਾਂ ਹੈ, ਜੋ ਵੀ ਪਾਰਟੀਆਂ ਇਕੱਠੀਆਂ ਹੋ ਕੇ ਰਾਹੁਲ ਗਾਂਧੀ ਦੇ ਸੰਪਰਕ ਵਿਚ ਆਉਣਗੀਆਂ, ਉਹ ਖਤਮ ਹੋ ਜਾਣਗੀਆਂ। ਕਿਉਂਕਿ ਨਿਪਾਹ ਵਾਇਰਸ ਏਨੀ ਖਤਰਨਾਕ ਬਿਮਾਰੀ ਹੈ, ਜਿਸਦਾ ਕੋਈ ਇਲਾਜ ਨਹੀਂ ਹੈ।
ਅਨਿਲ ਵਿੱਜ ਨੇ ਹਰਿਆਣਾ ਵਿਚ ਨਿਪਾਹ ਵਾਇਰਸ ਨੂੰ ਲੈ ਕੇ ਵੀ ਸਿਹਤ ਵਿਭਾਗ ਨੂੰ ਸੁਚੇਤ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਵਾਇਰਸ ਦਾ ਕੋਈ ਐਂਟੀ ਵਾਇਰਸ ਨਹੀਂ ਬਣਿਆ, ਇਸ ਲਈ ਸੁਚੇਤ ਰਹਿਣਾ ਹੀ ਸਾਵਧਾਨੀ ਹੈ। ਜ਼ਿਕਰਯੋਗ ਕਿ ਅਨਿਲ ਵਿੱਜ ਵਿਵਾਦਤ ਬਿਆਨ ਦਿੰਦੇ ਰਹਿੰਦੇ ਹਨ। ਪਿਛਲੇ ਦਿਨੀਂ ਉਨ੍ਹਾਂ ਤਿੰਨ ਤਲਾਕ ਦੇ ਮਾਮਲੇ ਸਬੰਧੀ ਕਾਂਗਰਸ ਨੂੰ ਦੋ ਮੂੰਹਾਂ ਸੱਪ ਕਿਹਾ ਸੀ।