New Delhi : ਸਤੰਬਰ ਮਹੀਨੇ ਵਿੱਚ ਗੱਡੀਆਂ ਦੀ ਵਿਕਰੀ ਦੇ ਅੰਕੜੇ ਸਾਹਮਣੇ ਆਉਣ ਤੋਂ ਬਾਅਦ ਆਟੋ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਦਬਾਅ ਦੇਖਣ ਨੂੰ ਮਿਲਿਆ। ਬਜਾਜ ਆਟੋ ਦਾ ਸ਼ੇਅਰ ਕਰੀਬ 9 ਫ਼ੀਸਦੀ ਟੁੱਟ ਗਿਆ। ਮਹਿੰਦਰਾ ਐਂਡ ਮਹਿੰਦਰਾ, ਹੀਰੋ ਮੋਟੋਕਾਰਪ, ਮਾਰੁਤੀ ਸੁਜ਼ੂਕੀ ਅਤੇ ਟੀਵੀਐਸ ਮੋਟਰ ਦੇ ਸ਼ੇਅਰ ਵੀ ਗਿਰਾਵਟ ਵਿੱਚ ਕਾਰੋਬਾਰ ਕਰਦੇ ਨਜ਼ਰ ਆਏ।
ਹੁਣ ਸਵਾਲ ਇਹ ਹੈ ਕਿ ਜਦੋਂ ਕੁਝ ਕੰਪਨੀਆਂ ਦੀ ਵਿਕਰੀ ਵਿੱਚ ਵਾਧਾ ਹੋਇਆ ਹੈ ਤਾਂ ਉਨ੍ਹਾਂ ਦੇ ਸ਼ੇਅਰਾਂ ਵਿੱਚ ਗਿਰਾਵਟ ਕਿਉਂ ਆ ਰਹੀ ਹੈ? ਇਸ ਦਾ ਜਵਾਬ ਸਮਝਣ ਲਈ ਸਿਰਫ਼ ਵਿਕਰੀ ਵਧਣ ਜਾਂ ਘਟਣ ਦੇ ਅੰਕੜਿਆਂ ਨੂੰ ਦੇਖਣਾ ਕਾਫ਼ੀ ਨਹੀਂ ਹੈ। ਇਹ ਵੀ ਦੇਖਣਾ ਪੈਂਦਾ ਹੈ ਕਿ ਬਾਜ਼ਾਰ ਨੂੰ ਵਿਕਰੀ ਵਿੱਚ ਕਿੰਨੇ ਵਾਧੇ ਦੀ ਉਮੀਦ ਸੀ ਅਤੇ ਅਸਲ ਅੰਕੜਾ ਉਨ੍ਹਾਂ ਉਮੀਦਾਂ ਦੇ ਮੁਕਾਬਲੇ ਕਿਹੋ ਜਿਹਾ ਰਿਹਾ।
ਬਜਾਜ ਆਟੋ ਦਾ ਸ਼ੇਅਰ ਕਰੀਬ 9 ਫ਼ੀਸਦੀ ਟੁੱਟ ਗਿਆ ਹੈ। ਮਹਿੰਦਰਾ ਐਂਡ ਮਹਿੰਦਰਾ ਦਾ ਸ਼ੇਅਰ 72 ਰੁਪਏ, ਯਾਨੀ 2.44 ਫ਼ੀਸਦੀ ਦੀ ਗਿਰਾਵਟ ਨਾਲ 2,878 ਰੁਪਏ ‘ਤੇ ਕਾਰੋਬਾਰ ਕਰ ਰਿਹਾ ਸੀ। ਹੀਰੋ ਮੋਟੋਕਾਰਪ ਦਾ ਸ਼ੇਅਰ 109 ਰੁਪਏ, ਯਾਨੀ 2.08 ਫ਼ੀਸਦੀ ਡਿੱਗ ਕੇ 5,132 ਰੁਪਏ ‘ਤੇ ਦਿਖਾਈ ਦੇ ਰਿਹਾ ਸੀ। ਮਾਰੁਤੀ ਸੁਜ਼ੂਕੀ ਦੇ ਸ਼ੇਅਰ ਵਿੱਚ 212 ਰੁਪਏ, ਯਾਨੀ 1.77 ਫ਼ੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਅਤੇ ਇਸ ਦਾ ਭਾਅ 11,755 ਰੁਪਏ ਸੀ।
ਆਟੋ ਸ਼ੇਅਰਾਂ ਵਿੱਚ ਤੇਜ਼ ਗਿਰਾਵਟ, ਬਜਾਜ ਆਟੋ 9% ਟੁੱਟਿਆ, ਟਾਟਾ ਮੋਟਰਜ਼ ਪੀਵੀ ਵੀ ਹੇਠਾਂ
