ਸਰਕਾਰ ਨੇ ਚੁੱਕੇ ਸਖ਼ਤ ਕਦਮ, ਤਹਿਰੀਕ-ਏ-ਹੁਰੀਅਤ ਅਤੇ ਮੁਸਲਿਮ ਲੀਗ ਦੀ ਜਾਇਦਾਦ ਜ਼ਬਤ ਕਰਨ ਦੇ ਨਿਰਦੇਸ਼
ਜੰਮੂ ਕਸ਼ਮੀਰ / ਬਿਊਰੋ ਨੀਊਜ਼
ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਮੁਸਲਿਮ ਲੀਗ (ਮਸਰਤ ਆਲਮ ਧੜੇ) ‘ਤੇ ਗੈਰਕਾਨੂੰਨੀ ਗਤੀਵਿਧੀਆਂ ਰੋਕੂ ਕਾਨੂੰਨ-1967 (ਯੂਏਪੀਏ) ਤਹਿਤ 27 ਦਸੰਬਰ ਨੂੰ ਅਤੇ 31 ਦਸੰਬਰ, 2023 ਨੂੰ ਇਸੇ ਕਾਨੂੰਨ ਤਹਿਤ ਤਹਿਰੀਕ-ਏ-ਹੁਰੀਅਤ ‘ਤੇ ਪਾਬੰਦੀ ਲਗਾਉਣ ਵਾਲੇ ਦੋ ਨੋਟੀਫਿਕੇਸ਼ਨ ਜਾਰੀ ਕੀਤੇ ਸਨ।
ਕੇਂਦਰ ਸਰਕਾਰ ਨੇ ਜੰਮੂ-ਕਸ਼ਮੀਰ ਪ੍ਰਸ਼ਾਸਨ ਨੂੰ ਪਾਕਿਸਤਾਨ ਪੱਖੀ ਵੱਖਵਾਦੀ ਸੰਗਠਨਾਂ ਤਹਿਰੀਕ-ਏ-ਹੁਰੀਅਤ ਅਤੇ ਮੁਸਲਿਮ ਲੀਗ (ਜੰਮੂ-ਕਸ਼ਮੀਰ) ਦੀਆਂ ਸਾਰੀਆਂ ਜਾਇਦਾਦਾਂ ਜ਼ਬਤ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਬੈਂਕ ਖਾਤੇ ਅਤੇ ਵਿੱਤੀ ਲੈਣ-ਦੇਣ ਨੂੰ ਵੀ ਫ੍ਰੀਜ਼ ਕਰ ਦਿੱਤਾ ਜਾਵੇਗਾ। ਸਰਕਾਰ ਨੇ ਹਾਲ ਹੀ ਵਿੱਚ ਦੋਵਾਂ ਜਥੇਬੰਦੀਆਂ ’ਤੇ ਪਾਬੰਦੀ ਲਾ ਦਿੱਤੀ ਸੀ।
ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਮੁਸਲਿਮ ਲੀਗ (ਮਸਰਤ ਆਲਮ ਧੜੇ) ‘ਤੇ ਗੈਰਕਾਨੂੰਨੀ ਗਤੀਵਿਧੀਆਂ ਰੋਕੂ ਕਾਨੂੰਨ-1967 (ਯੂਏਪੀਏ) ਤਹਿਤ 27 ਦਸੰਬਰ ਨੂੰ ਅਤੇ 31 ਦਸੰਬਰ, 2023 ਨੂੰ ਇਸੇ ਕਾਨੂੰਨ ਤਹਿਤ ਤਹਿਰੀਕ-ਏ-ਹੁਰੀਅਤ ‘ਤੇ ਪਾਬੰਦੀ ਲਗਾਉਣ ਲਈ ਦੋ ਨੋਟੀਫਿਕੇਸ਼ਨ ਜਾਰੀ ਕੀਤੇ ਸਨ।
ਯੂਏਪੀਏ ਤਹਿਤ ਜਾਇਦਾਦ ਜ਼ਬਤ ਕੀਤੀ ਜਾਵੇਗੀ
ਵੀਰਵਾਰ ਨੂੰ ਜਾਰੀ ਨੋਟੀਫਿਕੇਸ਼ਨ ਦੇ ਅਨੁਸਾਰ, ਰਾਜ ਸਰਕਾਰ ਯੂਏਪੀਏ ਦੀਆਂ ਧਾਰਾਵਾਂ ਦੇ ਤਹਿਤ ਜਾਇਦਾਦ ਨੂੰ ਜ਼ਬਤ ਕਰਨ ਦਾ ਕੰਮ ਕਰੇਗੀ। UAPA ਦਾ ਸੈਕਸ਼ਨ 7 ਗੈਰ-ਕਾਨੂੰਨੀ ਸੰਗਠਨ ਦੁਆਰਾ ਫੰਡਾਂ ਦੀ ਵਰਤੋਂ ਨੂੰ ਸੀਮਤ ਕਰਨ ਨਾਲ ਸੰਬੰਧਿਤ ਹੈ ਅਤੇ ਸੈਕਸ਼ਨ 8 ਗੈਰ-ਕਾਨੂੰਨੀ ਸੰਗਠਨ ਦੁਆਰਾ ਵਰਤੇ ਗਏ ਸਥਾਨਾਂ ਨੂੰ ਸੂਚਿਤ ਕਰਨ ਨਾਲ ਸੰਬੰਧਿਤ ਹੈ।
ਮਸਰਤ ਆਲਮ ਭੱਟ ਜੇਲ੍ਹ ਵਿੱਚ ਹੈ
ਗ੍ਰਹਿ ਮੰਤਰਾਲੇ ਨੇ ਜੰਮੂ-ਕਸ਼ਮੀਰ ‘ਚ ਭਾਰਤ ਵਿਰੋਧੀ ਪ੍ਰਚਾਰ ਕਰਨ ਲਈ ਤਹਿਰੀਕ-ਏ-ਹੁਰੀਅਤ ‘ਤੇ ਪੰਜ ਸਾਲ ਲਈ ਪਾਬੰਦੀ ਲਗਾ ਦਿੱਤੀ ਸੀ। ਇਸ ਸੰਗਠਨ ਦੀ ਸਥਾਪਨਾ ਗਿਲਾਨੀ ਨੇ ਕੀਤੀ ਸੀ ਅਤੇ ਮਸਰਤ ਆਲਮ ਭੱਟ ਉਸ ਦੇ ਉੱਤਰਾਧਿਕਾਰੀ ਬਣੇ ਸਨ। ਭੱਟ ਆਪਣੇ ਭਾਰਤ ਵਿਰੋਧੀ ਰੁਖ ਅਤੇ ਪਾਕਿਸਤਾਨ ਪੱਖਪਾਤ ਲਈ ਵੀ ਜਾਣਿਆ ਜਾਂਦਾ ਹੈ ਅਤੇ ਇਸ ਸਮੇਂ ਜੇਲ੍ਹ ਵਿੱਚ ਹੈ।