ਦੋ ਜਹਾਜ਼ ਪਹਿਲਾਂ ਵੀ ਐਲਪੀਜੀ ਲੈ ਕੇ ਪਹੁੰਚੇ ਸਨ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਭਾਰਤੀ ਝੰਡੇ ਵਾਲਾ ਤੇਲ ਟੈਂਕਰ ‘ਜਗ ਲਾਡਲੀ’ ਗੁਜਰਾਤ ਦੇ ਮੁੰਦਰਾ ਸਥਿਤ ਅਡਾਨੀ ਪੋਰਟਸ ’ਤੇ ਪਹੁੰਚ ਗਿਆ ਹੈ। ਇਹ ਯੂਏਈ ਦੇ ਫੂਜੈਰਾਹ ਬੰਦਰਗਾਹ ਤੋਂ ਹੋਰਮੁਜ਼ ਸਟਰੇਟ ਪਾਰ ਕਰਦੇ ਹੋਏ ਆਇਆ ਹੈ। ਇਸ ’ਤੇ 80,886 ਮੀਟਰਿਕ ਟਨ ਕੱਚਾ ਤੇਲ ਲੱਦਿਆ ਹੋਇਆ ਹੈ। ਦੱਸਣਯੋਗ ਹੈ ਕਿ ਭਾਰਤ ਵਿਚ ਹਰ ਰੋਜ਼ ਕਰੀਬ 90 ਕਰੋੜ ਲੀਟਰ ਤੇਲ ਦੀ ਖਪਤ ਹੁੰਦੀ ਹੈ। ਇਸ ਤੋਂ ਪਹਿਲਾਂ ਲੰਘੇ ਕੱਲ੍ਹ ਮੰਗਲਵਾਰ ਨੂੰ ਭਾਰਤ ਦਾ ‘ਨੰਦਾ ਦੇਵੀ ਜਹਾਜ਼’ ਗੁਜਰਾਤ ਦੇ ਵਡੀਨਾਰ ਪੋਰਟ ’ਤੇ ਪਹੁੰਚਿਆ ਸੀ। ਇਸ ਜਹਾਜ਼ ਵਿਚ ਕਰੀਬ 46,500 ਮੀਟਰਿਕ ਟਨ ਐਲ.ਪੀ.ਜੀ. ਲਿਆਂਦੀ ਗਈ ਸੀ। ਇਸ ਤੋਂ ਪਹਿਲਾਂ ਵੀ ਭਾਰਤੀ ਜਹਾਜ਼ ਸ਼ਿਵਾਲਿਕ ਲੰਘੇ ਸੋਮਵਾਰ ਨੂੰ ਐਲਪੀਜੀ ਲੈ ਕੇ ਮੁੰਦਰਾ ਪੋਰਟ ਪਹੁੰਚਿਆ ਸੀ। ਇਸ ਜਹਾਜ਼ ’ਤੇ ਕਰੀਬ 46 ਹਜ਼ਾਰ ਮੀਟਰਿਕ ਟਨ ਐਲਪੀਜੀ ਸੀ, ਜੋ ਕਰੀਬ 32.4 ਲੱਖ ਘਰੇਲੂ ਗੈਸ ਸਿਲੰਡਰਾਂ ਦੇ ਬਰਾਬਰ ਹੈ।
ਤੇਲ ਲੈ ਕੇ ਭਾਰਤ ਪਹੁੰਚਿਆ ‘ਜਗ ਲਾਡਲੀ’ ਜਹਾਜ਼
