ਭਾਰਤ ਦੇਵੇਗਾ ਪਾਕਿਸਤਾਨ ਨੂੰ ਕਰੋਨਾ ਵੈਕਸੀਨ ਦੀਆਂ 16 ਮਿਲੀਅਨ ਖੁਰਾਕਾਂ

ਇਸਲਾਮਾਬਾਦ/ਬਿਊਰੋ ਨਿਊਜ਼ : ਕੌਮੀ ਸਿਹਤ ਸੇਵਾਵਾਂ ਦੇ ਸਕੱਤਰ ਅਮੀਰ ਅਸਰਫ ਖੁਆਜਾ ਨੇ ਦੱਸਿਆ ਕਿ ਪਾਕਿਸਤਾਨ ਨੂੰ ਭਾਰਤ ਵਿਚ ਬਣੀਆਂ ਕੋਰੋਨਾ ਵੈਕਸੀਨ ਦੀਆਂ 16 ਮਿਲੀਅਨ ਖੁਰਾਕਾਂ ਮਿਲਣ ਵਾਲੀਆਂ ਹਨ। ਉਹ ਪੀ ਏ ਸੀ ਦੀ ਬੈਠਕ ਵਿਚ ਕੋਰੋਨਾ ਟੀਕਾਕਰਨ ਬਾਰੇ ਜਾਣਕਾਰੀ ਦੇ ਰਹੇ ਸਨ। ਖੁਆਜਾ ਨੇ ਕਮੇਟੀ ਨੂੰ ਦੱਸਿਆ ਕਿ ਹੁਣ ਤੱਕ 27.5 ਮਿਲੀਅਨ ਲੋਕਾਂ ਨੁੰ ਕੋਰੋਨਾ ਵੈਕਸੀਨ ਦਿੱਤੀ ਗਈ ਹੈ ਜਿਹਨਾਂ ਵਿਚ ਫਰੰਟ ਲਾਈਨ ਹੈਲਥ ਵਰਕਰ ਤੇ ਸੀਨੀਅਰ ਸਿਟੀਜਨ ਸਾਮਲ ਹਨ। ਉਹਨਾਂ ਦੱਸਿਆਕਿ ਵੈਕਸੀਨ ਗਠਜੋੜ ਗਾਵੀ ਯਾਨੀ ਜੀ ਏ ਵੀ ਆਈ ਨਾਲ ਹੋਏ ਸਮਝੌਤੇ ਮੁਤਾਬਕ 45 ਮਿਲੀਅਨ ਖੁਰਾਕਾਂ ਮਿਲਣਗੀਆਂ। ਗਾਵੀ ਅਸਲ ਵਿਚ ਵਿਕਾਸਸੀਲ ਦੇਸ਼ਾਂ ਵਿਚ ਟੀਕੇ ਉਪਲਬਧ ਕਰਵਾਉਣ ਵਿਚ ਮਦਦ ਕਰਨ ਵਾਲੀ ਪ੍ਰਾਈਵੇਟ ਪਬਲਿਕ ਸੰਸਥਾ ਹੈ। ਪਾਕਿਸਤਾਨ ਨੇ ਸਤੰਬਰ 2020 ਵਿਚ ਇਸ ਸੰਸਥਾ ਨਾਲ ਸਮਝੌਤਾ ਕੀਤਾ ਸੀ। ਪਾਕਿਸਤਾਨ ਨੂੰ ਮਾਰਚ ਦੇ ਅੱਧ ਤੱਕ 16 ਮਿਲੀਅਨ ਖੁਰਾਕਾਂ ਮਿਲ ਜਾਣਗੀਆਂ।