ਭਾਰਤ ਵਿਚ ਹੁਣ ਤੱਕ ਕਰੋਨਾ ਵਾਇਰਸ ਦੇ 56 ਮਾਮਲਿਆਂ ਦੀ ਪੁਸ਼ਟੀ

ਹਵਾਈ ਫੌਜ ਦਾ ਜਹਾਜ਼ ਇਰਾਨ ਤੋਂ 58 ਯਾਤਰੀਆਂ ਨੂੰ ਲੈ ਕੇ ਗਾਜ਼ੀਆਬਾਦ ਪਹੁੰਚਿਆ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਕੇਰਲਾ ਵਿਚ ਅੱਜ 6 ਅਤੇ ਕਰਨਾਟਕ ਵਿਚ ਕਰੋਨਾ ਵਾਇਰਸ ਦੇ 3 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ ਹੁਣ ਤੱਕ ਭਾਰਤ ਵਿਚ 56 ਮਾਮਲਿਆਂ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਉਧਰ ਦੂਜੇ ਪਾਸੇ ਹਵਾਈ ਫੌਜ ਦਾ ਜਹਾਜ਼ ਅੱਜ ਸਵੇਰੇ ਇਰਾਨ ਤੋਂ 58 ਭਾਰਤੀ ਨਾਗਰਿਕਾਂ ਨੂੰ ਲੈ ਕੇ ਗਾਜ਼ੀਆਬਾਦ ਪਹੁੰਚ ਗਿਆ। ਇਹ ਜਹਾਜ਼ ਲੰਘੇ ਕੱਲ੍ਹ ਇਰਾਨ ਲਈ ਰਵਾਨਾ ਕੀਤਾ ਗਿਆ ਸੀ। ਇਰਾਨ ਤੋਂ ਲਿਆਂਦੇ ਗਏ ਸਾਰੇ ਭਾਰਤੀ ਨਾਗਰਿਕ ਧਾਰਮਿਕ ਯਾਤਰਾ ‘ਤੇ ਗਏ ਸਨ ਅਤੇ ਇਨ੍ਹਾਂ ਸਾਰਿਆਂ ਨੂੰ 14 ਦਿਨਾਂ ਲਈ ਨਿਗਰਾਨੀ ਵਿਚ ਰੱਖਿਆ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਦਿੱਲੀ ਵਿਚ 3 ਅਤੇ ਅੰਮ੍ਰਿਤਸਰ ਵਿਚ ਵੀ 2 ਕਰੋਨਾ ਵਾਇਰਸ ਦੇ ਮਾਮਲੇ ਸਾਹਮਣੇ ਆਏ ਹਨ।