ਹਰਿਆਣਾ ਦੀ ਮਸ਼ਹੂਰ ਗਾਇਕਾ ਹਰਸ਼ਿਤਾ ਦਾ ਹੋਇਆ ਕਤਲ

ਹਰਸ਼ਿਤਾ ਦੀ ਭੈਣ ਲਤਾ ਨੇ ਆਪਣੇ ਪਤੀ ‘ਤੇ ਲਾਇਆ ਕਤਲ ਦਾ ਇਲਜ਼ਾਮ
ਪਾਣੀਪਤ : ਹਰਿਆਣਵੀ ਗਾਇਕਾ ਹਰਸ਼ਿਤਾ ਦਹੀਆ ਦਾ ਲੰਘੇ ਕੱਲ੍ਹ ਪਾਣੀਪਤ ਜ਼ਿਲ੍ਹੇ ‘ਚ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਹਰਸ਼ਿਤਾ ਦਾ ਜਿਸ ਸਮੇਂ ਕਤਲ ਹੋਇਆ ਉਸ ਸਮੇਂ ਉਹ ਪ੍ਰੋਗਰਾਮ ਖਤਮ ਕਰਕੇ ਜਾ ਰਹੀ ਸੀ। ਹਰਸ਼ਿਤਾ ਹਰਿਆਣਾ ਦੀ ਮਸ਼ਹੂਰ ਗਾਇਕਾ ਤੇ ਡਾਂਸਰ ਸੀ। ਉਹ ਪ੍ਰੋਗਰਾਮ ਤੋਂ ਬਾਅਦ ਆਪਣੇ ਸਾਥੀਆਂ ਨਾਲ ਕਾਰ ਵਿੱਚ ਸਵਾਰ ਹੋ ਕੇ ਵਾਪਿਸ ਜਾ ਰਹੀ ਸੀ ਕਿ ਅਣਪਛਾਤੇ ਹਮਲਾਵਰਾਂ ਨੇ ਉਸ ‘ਤੇ ਗੋਲੀਆਂ ਚਲਾ ਦਿੱਤੀਆਂ। ਇਸੇ ਦੌਰਾਨ ਹਰਸ਼ਿਤਾ ਦੇ ਕਤਲ ਕੇਸ ‘ਚ ਨਵਾਂ ਮੋੜ ਆ ਰਿਹਾ ਹੈ। ਅੱਜ ਹਰਸ਼ਿਤਾ ਦੀ ਭੈਣ ਲਤਾ ਨੇ ਆਪਣੇ ਪਤੀ ‘ਤੇ ਹੱਤਿਆ ਦਾ ਇਲਾਜ਼ਮ ਲਗਾਇਆ ਹੈ। ਲਤਾ ਅਨੁਸਾਰ ਉਸਦੀ ਮਾਂ ਦੀ ਹੱਤਿਆ ਵਿਚ ਵੀ ਉਸਦਾ ਪਤੀ ਹੀ ਦੋਸ਼ੀ ਹੈ ਅਤੇ ਹਰਸ਼ਿਤਾ ਇਸ ਕੇਸ ਵਿਚ ਗਵਾਹ ਸੀ।