New Delhi : ਲਗਜ਼ਰੀ ਕਾਰ ਨਿਰਮਾਤਾ ਕੰਪਨੀ ਮਰਸਡੀਜ਼-ਬੈਂਜ਼ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਨਵੀਂ ਪਰਫਾਰਮੈਂਸ ਸੈਡਾਨ ਲਾਂਚ ਕਰ ਦਿੱਤੀ ਹੈ। ਕੰਪਨੀ ਨੇ Mercedes-AMG E 53 Hybrid ਨੂੰ ਪੇਸ਼ ਕੀਤਾ ਹੈ, ਜਿਸ ਨਾਲ E 53 ਨੇਮਪਲੇਟ ਦੀ ਭਾਰਤ ਵਿੱਚ ਵਾਪਸੀ ਹੋਈ ਹੈ।
ਪਲੱਗ-ਇਨ ਹਾਈਬ੍ਰਿਡ ਤਕਨਾਲੋਜੀ ‘ਤੇ ਆਧਾਰਿਤ ਇਹ ਕਾਰ ਪੈਟਰੋਲ ਅਤੇ ਬਿਜਲੀ ਦੋਵਾਂ ਨਾਲ ਚੱਲਦੀ ਹੈ ਅਤੇ ਇਸ ਨੂੰ ਇੱਕ ਪਰਫਾਰਮੈਂਸ ਐਗਜ਼ਿਕਿਊਟਿਵ ਸੈਡਾਨ ਵਜੋਂ ਪੇਸ਼ ਕੀਤਾ ਗਿਆ ਹੈ।
ਇਹ ਕਾਰ ਵਿਸ਼ਵ ਬਾਜ਼ਾਰ ਵਿੱਚ ਦੋ ਸਾਲ ਪਹਿਲਾਂ ਹੀ ਲਾਂਚ ਹੋ ਚੁੱਕੀ ਸੀ ਅਤੇ ਹੁਣ ਭਾਰਤੀ ਗਾਹਕਾਂ ਲਈ ਵੀ ਉਪਲਬਧ ਹੈ।
ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਮਾਡਲ ਉਨ੍ਹਾਂ ਗਾਹਕਾਂ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ, ਜੋ ਇੱਕੋ ਕਾਰ ਵਿੱਚ ਲਗਜ਼ਰੀ ਸੈਡਾਨ ਵਾਲਾ ਆਰਾਮ ਅਤੇ ਸਪੋਰਟਸ ਕਾਰ ਵਰਗੀ ਸ਼ਾਨਦਾਰ ਪਰਫਾਰਮੈਂਸ ਚਾਹੁੰਦੇ ਹਨ।
ਕੰਪਨੀ ਨੇ ਇਸ ਕਾਰ ਨੂੰ ਸਟੈਂਡਰਡ E-Class ਅਤੇ ਹਾਈ-ਪਰਫਾਰਮੈਂਸ AMG ਮਾਡਲਾਂ ਦੇ ਦਰਮਿਆਨ ਪੋਜ਼ੀਸ਼ਨ ਕੀਤਾ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਕਾਰ ਰੋਜ਼ਾਨਾ ਦੀ ਵਰਤੋਂ ਅਤੇ ਸ਼ਾਨਦਾਰ ਪਰਫਾਰਮੈਂਸ ਦੋਵਾਂ ਵਿੱਚ ਸੰਤੁਲਨ ਪ੍ਰਦਾਨ ਕਰਦੀ ਹੈ।
ਇਸ ਸੈਡਾਨ ਵਿੱਚ 3.0-ਲੀਟਰ ਇਨ-ਲਾਈਨ ਸਿਕਸ ਟਰਬੋ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜੋ 9-ਸਪੀਡ ਆਟੋਮੈਟਿਕ ਗੀਅਰਬਾਕਸ ਨਾਲ ਆਉਂਦਾ ਹੈ।
ਪਾਵਰ ਨੂੰ ਚਾਰਾਂ ਪਹੀਆਂ ਤੱਕ ਪਹੁੰਚਾਉਣ ਲਈ ਇਸ ਵਿੱਚ 4MATIC+ ਆਲ-ਵੀਲ ਡਰਾਈਵ ਸਿਸਟਮ ਦਿੱਤਾ ਗਿਆ ਹੈ।
ਪਲੱਗ-ਇਨ ਹਾਈਬ੍ਰਿਡ ਸੈੱਟਅੱਪ ਤਹਿਤ ਇਸ ਵਿੱਚ ਇੱਕ ਇਲੈਕਟ੍ਰਿਕ ਮੋਟਰ ਵੀ ਦਿੱਤੀ ਗਈ ਹੈ, ਜਿਸ ਨੂੰ 21.2kWh ਬੈਟਰੀ ਪੈਕ ਤੋਂ ਪਾਵਰ ਮਿਲਦੀ ਹੈ।