ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਜਿਓ ਫਾਇਨੈਨਸ਼ੀਅਲ ਅਤੇ ਬਲੈਕਰਾਕ ਦੀ ਭਾਗੀਦਾਰੀ ਵਾਲੀ ਕੰਪਨੀ ਜਿਓ-ਬਲੈਕਰਾਕ ਐਸੈੱਟ ਮੈਨੇਜਮੈਂਟ ਨੇ ਨਿਵੇਸ਼ਕਾਂ ਲਈ ਇੱਕ ਨਵੀਂ ਸੁਵਿਧਾ ਸ਼ੁਰੂ ਕੀਤੀ ਹੈ। ਕੰਪਨੀ ਨੇ ਆਪਣੇ ਜਿਓ-ਬਲੈਕਰਾਕ ਓਵਰਨਾਈਟ ਫੰਡ ਨੂੰ ਜਿਓ ਪੇਮੈਂਟਸ ਬੈਂਕ ਦੇ ‘ਸੇਵਿੰਗਜ਼ ਪਰੋ’ ਫੀਚਰ ਨਾਲ ਜੋੜ ਦਿੱਤਾ ਹੈ। ਇਹ ਸਹੂਲਤ ਜਿਓ-ਫਾਇਨੈਂਸ ਐਪ ’ਤੇ ਉਪਲਬਧ ਹੋਵੇਗੀ ਅਤੇ ਇਸ ਦਾ ਮਕਸਦ ਲੋਕਾਂ ਲਈ ਨਿਵੇਸ਼ ਨੂੰ ਪਹਿਲਾਂ ਨਾਲੋਂ ਹੋਰ ਆਸਾਨ ਬਣਾਉਣਾ ਹੈ। ਹੁਣ ਜਿਓ ਪੇਮੈਂਟਸ ਬੈਂਕ ਦੇ ਗਾਹਕ ਆਪਣੇ ਬਚਤ ਖਾਤੇ ਵਿੱਚ ਪਿਆ ਵਾਧੂ ਪੈਸਾ ਆਸਾਨੀ ਨਾਲ ਓਵਰਨਾਈਟ ਮਿਊਚੁਅਲ ਫੰਡ ਵਿੱਚ ਨਿਵੇਸ਼ ਕਰ ਸਕਣਗੇ। ਇਸ ਸਬੰਧੀ ਪੂਰੀ ਪ੍ਰਕਿਰਿਆ ਡਿਜ਼ੀਟਲ ਹੋਵੇਗੀ, ਜਿਸਦਾ ਅਰਥ ਹੈ ਕਿ ਨਿਵੇਸ਼ ਕਰਨ ਲਈ ਕਿਸੇ ਬੈਂਕ ਜਾਂ ਦਫਤਰ ਜਾਣ ਦੀ ਲੋੜ ਨਹੀਂ ਪਵੇਗੀ। ਗਾਹਕ ਘਰ ਬੈਠੇ ਹੀ ਐਪ ਰਾਹੀਂ ਆਪਣਾ ਨਿਵੇਸ਼ ਕਰ ਸਕਣਗੇ।
ਜਿਓ ਪੇਮੈਂਟਸ ਬੈਂਕ ਯੂਜ਼ਰਾਂ ਲਈ ਖੁਸ਼ਖਬਰੀ – ਬਚਤ ਖਾਤੇ ਦਾ ਵਾਧੂ ਪੈਸਾ ਹੁਣ ਆਸਾਨੀ ਨਾਲ ਕਰ ਸਕੋਗੇ ਨਿਵੇਸ਼
