ਭਾਰਤ ਦਾ ਕਮਰਸ਼ੀਅਲ ਜਹਾਜ਼ ਸੋਮਾਲੀਆ ‘ਚ ਹਾਈਜੈਕ

11 ਕਰੂ ਮੈਂਬਰ ਵੀ ਬਣਾਏ ਬੰਧਕ
ਮੋਗਾਦਿਸ਼ੂ/ਬਿਊਰੋ ਨਿਊਜ਼
ਸੋਮਾਲੀਆ ਦੇ ਡਾਕੂਆਂ ਵੱਲੋਂ ਭਾਰਤ ਦੇ ਇੱਕ ਕਮਰਸ਼ੀਅਲ ਜਹਾਜ਼ ਨੂੰ ਹਾਈਜੈਕ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਜਹਾਜ਼ ਸੋਮਾਲੀਆ ਕੋਸਟ ‘ਤੇ ਸ਼ਨੀਵਾਰ ਨੂੰ ਕਬਜ਼ੇ ਵਿੱਚ ਲਿਆ ਗਿਆ।
ਸੋਮਾਲੀਆ ਵਿੱਚ ਐਂਟੀ ਪਾਇਰੇਸੀ ਏਜੰਸੀ ਦੇ ਸਾਬਕਾ ਡਾਇਰੈਕਟਰ ਐਬਦਰਿਜ਼ਾਕ ਮੁਹੰਮਦ ਦੀਰਿਰ ਨੇ ਦੱਸਿਆ ਕਿ ਕਮਰਸ਼ੀਅਲ ਭਾਰਤੀ ਜਹਾਜ਼ ਨੂੰ ਹਾਈਜੈਕ ਕਰ ਲਿਆ ਗਿਆ ਹੈ। ਇਸ ਨੂੰ ਸਮੁੰਦਰ ਵਿੱਚੋਂ ਕਿਨਾਰੇ ‘ਤੇ ਲਿਜਾਇਆ ਜਾ ਰਿਹਾ ਹੈ। ਇਹ ਘਟਨਾ 1 ਅਪ੍ਰੈਲ ਦੀ ਦੱਸੀ ਜਾ ਰਹੀ ਹੈ। ਭਾਰਤੀ ਜਹਾਜ਼ ‘ਤੇ ਸਵਾਰ ਕਰੂ ਦੇ 11 ਮੈਂਬਰਾਂ ਨੂੰ ਵੀ ਬੰਧਕ ਬਣਾ ਲਿਆ ਗਿਆ ਹੈ। ਜਾਣਕਾਰੀ ਮੁਤਾਬਕ ਸਾਰੇ ਕਰੂ ਮੈਂਬਰ ਮਹਾਰਾਸ਼ਟਰ ਦੇ ਰਹਿਣ ਵਾਲੇ ਹਨ। ਜ਼ਿਕਰਯੋਗ ਹੈ ਕਿ ਪਿਛਲੇ ਮਹੀਨੇ ਇੱਕ ਤੇਲ ਟੈਂਕ ਨੂੰ ਵੀ ਹਾਈਜੈਕ ਕੀਤਾ ਗਿਆ ਸੀ।