ਉਨਟਾਰੀਓ ਚੋਣਾਂ 2025 : ਅਮਰੀਕੀ ਸ਼ਰਾਬ ‘ਤੇ ਪਾਬੰਦੀ ਦਾ ਫੈਸਲਾ ਠੀਕ, ਪਰ ਲੋਕ ਨੌਕਰੀਆਂ ਬਾਰੇ ਵੀ ਚਿੰਤਤ : ਕਰੌਂਬੀ

ਉਨਟਾਰੀਓ : ਉਨਟਾਰੀਓ ਲਿਬਰਲ ਲੀਡਰ ਬੋਨੀ ਕਰੌਂਬੀ ਨੇ ਕਿਹਾ ਹੈ ਕਿ ਪ੍ਰੋਗਰੈਸਿਵ ਕੰਸਰਵੇਟਿਵ ਆਗੂ ਡੱਗ ਫੋਰਡ ਕੋਲ ਚੋਣਾਂ ਲਈ ਕੋਈ ਯੋਜਨਾ ਨਹੀਂ ਹੈ ਕਿਉਂਕਿ ਕੈਨੇਡਾ ਸੰਯੁਕਤ ਰਾਜ ਅਮਰੀਕਾ ਨਾਲ ਵਪਾਰ ਯੁੱਧ ਲਈ ਤਿਆਰ ਹੋ ਰਿਹਾ ਹੈ। ਕਰੌਂਬੀ ਨੇ ਕਿਹਾ ਕਿ ਉਹ ਫੋਰਡ ਦੇ ਐਲ.ਸੀ.ਬੀ.ਓ. ਸ਼ੈਲਫਾਂ ਤੋਂ ਅਮਰੀਕੀ ਉਤਪਾਦਾਂ ਨੂੰ ਹਟਾਉਣ ਦੇ ਫੈਸਲੇ ਦਾ ਸਮਰਥਨ ਕਰਦੇ ਹਨ, ਕਿਉਂਕਿ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਕੈਨੇਡੀਅਨ ਸਮਾਨ ‘ਤੇ 25 ਪ੍ਰਤੀਸ਼ਤ ਟੈਰਿਫ ਲਗਾਉਣ ਦਾ ਵਾਅਦਾ ਲਾਗੂ ਹੋਣ ਵਾਲਾ ਹੈ।
ਉਨ੍ਹਾਂ ਕਿਹਾ ਕਿ ਫੋਰਡ ਐਲ.ਸੀ.ਬੀ.ਓ. ਦੀਆਂ ਸ਼ੈਲਫਾਂ ਤੋਂ ਅਮਰੀਕੀ ਬ੍ਰਾਂਡਾਂ ਨੂੰ ਹਟਾਉਣ ਜਾ ਰਹੇ ਹਨ। ਇਹ ਫੈਸਲਾ ਠੀਕ ਹੈ ਪਰ ਬਾਕੀ ਯੋਜਨਾ ਕਿੱਥੇ ਹੈ? ਸਾਡੇ ਉਦਯੋਗਾਂ ਲਈ ਉਤਸ਼ਾਹ ਕਿੱਥੇ ਹੈ? ਲੋਕ ਡਰਦੇ ਹਨ, ਗੁੱਸੇ ਵਿੱਚ ਹਨ। ਉਹ ਅੱਜ ਕਿਰਾਏ ਦਾ ਭੁਗਤਾਨ ਕਰਨ ਅਤੇ ਆਪਣੇ ਭੋਜਨ ਬਾਰੇ ਚਿੰਤਤ ਹਨ ਅਤੇ ਹੁਣ ਉਹ ਆਪਣੀ ਨੌਕਰੀ ਬਾਰੇ ਵੀ ਚਿੰਤਤ ਹਨ। ਲਿਬਰਲ ਨੇਤਾ ਨੇ ਕਿਹਾ ਕਿ ਫੋਰਡ ਨੇ ਉਨਟਾਰੀਓ ਦੀ ਆਰਥਿਕਤਾ ਨੂੰ ਵਿਭਿੰਨ ਬਣਾਉਣ ਲਈ ਕੁਝ ਨਹੀਂ ਕੀਤਾ। ਉਨ੍ਹਾਂ ਆਰੋਪ ਲਾਇਆ ਕਿ ਉਨ੍ਹਾਂ ਨੇ 27 ਫਰਵਰੀ ਨੂੰ ਹੋਣ ਵਾਲੀਆਂ ਚੋਣਾਂ ਨੂੰ ਸ਼ੁਰੂ ਕਰਕੇ ਅਤੇ ਆਪਣੀ ਮੁੜ ਚੋਣ ਮੁਹਿੰਮ ‘ਤੇ ਧਿਆਨ ਕੇਂਦਰਿਤ ਕਰਕੇ ਸੂਬੇ ਨੂੰ ਇੱਕ ਵੱਡੇ ਸੰਕਟ ਵਿਚ ਛੱਡ ਦਿੱਤਾ ਹੈ।