ਲਾਸ ਏਂਜਲਸ : ਜਾਂਬਾਜ਼ ਸਕਾਈ ਡਾਈਵਰ ਲਯੂਕ ਨੇ ਏਕਿੰਸ ਨੇ ਪੈਰਾਸੂਟ ਤੋਂ ਬਿਨਾ 25 ਹਜ਼ਾਰ ਫੁੱਟ ਦੀ ਉਚਾਈ ਤੋਂ ਛਾਲ ਮਾਰ ਕੇ ਨਵਾਂ ਇਤਿਹਾਸ ਬਣਾ ਦਿੱਤਾ ਹੈ। ਇਸ ਤਰ੍ਹਾਂ ਕਰਨ ਵਾਲੇ ਉਹ ਪਹਿਲੇ ਸਕਾਈ ਡਾਈਵਰ ਬਣ ਗਏ ਹਨ। ਦੱਖਣੀ ਕੈਲੇਫੋਰਨੀਆ ਵਿਚ ਪੱਛਮੀ ਲਾਸ ਏਂਜਲਸ ਦੇ ਸਿਮੀ ਵੈਲੀ ਵਿਚ 42 ਸਾਲਾ ਲਯੂਕ ਨੇ ਇਹ ਕਾਰਨਾਮਾ ਕਰਕੇ ਦੱਸਿਆ। ਉਸ ਨੇ ਸ਼ਨੀਵਾਰ ਨੂੰ ਇਕ ਛੋਟੇ ਜਹਾਜ਼ ਤੋਂ 25 ਹਜ਼ਾਰ ਫੁੱਟ ਦੀ ਉਚਾਈ ਤੋਂ ਛਾਲ ਮਾਰ ਦਿੱਤੀ। ਉਹ ਅਸਮਾਨ ‘ਚੋਂ ਸੌ ਗੁਣਾ ਸੌ ਫੁੱਟ ਦੇ ਜਾਲ ‘ਤੇ ਡਿੱਗੇ। ਇਸ ਦਲੇਰੀ ਭਰੇ ਕਾਰਨਾਮੇ ਦਾ ਪ੍ਰਸਾਰਨ ਫਾਕਸ ਨਿਊਜ਼ ‘ਤੇ ਕੀਤਾ ਗਿਆ। ਹੁਣ ਤੱਕ 18 ਹਜ਼ਾਰ ਜੰਪ ਲਗਾ ਚੁੱਕੇ ਲਯੂਕ ਨੇ ਇਤਿਹਾਸ ਬਣਾਉਣ ਤੋਂ ਬਾਅਦ ਆਪਣੀ ਪਤਨੀ ਨੂੰ ਗਲੇ ਲਾਇਆ। ਉਸ ਨੇ ਕਿਹਾ ਕਿ ਮੈਂ ਇਕ ਤਰ੍ਹਾਂ ਉਡ ਰਿਹਾ ਸੀ। ਇਸ ਬਾਰੇ ਦੱਸਿਆ ਨਹੀਂ ਜਾ ਸਕਦਾ। ਲਯੂਕ ਦੇ ਬੁਲਾਰੇ ਜਸਟਿਨ ਏਕਲਿਨ ਨੇ ਕਿਹਾ ਕਿ 26 ਸਾਲ ਤੋਂ ਛਾਲ ਮਾਰ ਰਹੇ ਲਯੂਕ ਦਾ ਕਰੀਅਰ ਨਵੀਆਂ ਉਚਾਈਆਂ ‘ਤੇ ਪੁੱਜ ਗਿਆ ਹੈ। ਇਹ ਬਿਨਾ ਪੈਰਾਸ਼ੂਟ ਤੋਂ ਸਭ ਤੋਂ ਲੰਮੀ ਛਾਲ ਮਾਰਨ ਦਾ ਰਿਕਾਰਡ ਹੋਵੇਗਾ। ਫਾਕਸ ਨਿਊਜ਼ ਨੇ ਕਿਹਾ ਕਿ ਲਯੂਕ ਨਾਲ ਤਿੰਨ ਪੈਰਾਸ਼ੂਟਰਾਂ ਨੇ ਵੀ ਛਾਲ ਮਾਰੀ ਸੀ। ਸਾਰਿਆਂ ਨੇ ਆਕਸੀਜਨ ਮਾਕਸ ਲਾਏ ਹੋਏ ਸਨ। ਛਾਲ ਮਾਰਨ ਤੋਂ ਬਾਅਦ ਲਯੂਕ ਇਕੱਲੇ ਹੀ ਜਾਲ ‘ਤੇ ਆ ਡਿੱਗੇ।
Check Also
ਐਸਟ੍ਰਾਜੇਨੇਕਾ ਦੁਨੀਆ ਭਰ ’ਚੋਂ ਆਪਣੀ ਕਰੋਨਾ ਵੈਕਸੀਨ ਵਾਪਸ ਲਵੇਗੀ
ਇਸੇ ਫਾਰਮੂਲੇ ਨਾਲ ਭਾਰਤ ਵਿਚ ਬਣੀ ਸੀ ਕੋਵੀਸ਼ੀਲਡ ਨਵੀਂ ਦਿੱਲੀ/ਬਿਊਰੋ ਨਿਊਜ਼ ਬਿ੍ਰਟੇਨ ਦੀ ਫਾਰਮਾ ਕੰਪਨੀ …