Breaking News
Home / ਭਾਰਤ / ਡੇਰਾ ਸਿਰਸਾ ਦੀ ਨਾਮ ਚਰਚਾ ਤੋਂ ਰਾਜਨੀਤਕ ਦਲਾਂ ਨੇ ਬਣਾਈ ਦੂਰੀ

ਡੇਰਾ ਸਿਰਸਾ ਦੀ ਨਾਮ ਚਰਚਾ ਤੋਂ ਰਾਜਨੀਤਕ ਦਲਾਂ ਨੇ ਬਣਾਈ ਦੂਰੀ

ਕਾਂਗਰਸ ਦੇ ਉਮੀਦਵਾਰ ਅਸ਼ੋਕ ਤੰਵਰ ਪਹੁੰਚੇ, ਡੇਰੇ ਨੇ ਨਹੀਂ ਦਿੱਤਾ ਕੋਈ ਸਿਆਸੀ ਸੰਦੇਸ਼
ਸਿਰਸਾ/ਬਿਊਰੋ ਨਿਊਜ਼ : ਡੇਰਾ ਸੱਚਾ ਸੌਦਾ ਦੇ ਸਥਾਪਨਾ ਦਿਵਸ ਨੂੰ ਇੰਸਾਂ ਦਿਵਸ ਦੇ ਰੂਪ ਵਿਚ ਮਨਾਇਆ ਗਿਆ। ਇੱਥੇ ਰਾਮ ਰਹੀਮ ਦੀ ਮਾਂ ਨਸੀਬ ਕੌਰ, ਬੇਟੇ ਜਸਮੀਤ ਦੀ ਮੌਜੂਦਗੀ ਵਿਚ ਨਾਮ ਚਰਚਾ ਹੋਈ, ਜਿਸ ਵਿਚ ਹਰਿਆਣਾ, ਪੰਜਾਬ ਅਤੇ ਰਾਜਸਥਾਨ ਤੋਂ ਵੱਡੀ ਗਿਣਤੀ ਵਿਚ ਸਮਰਥਕ ਪਹੁੰਚੇ।
ਸੋਮਵਾਰ ਨੂੰ ਹੋਏ ਪ੍ਰੋਗਰਾਮ ਸਿਆਸੀ ਪਾਰਟੀਆਂ ਨਿਗ੍ਹਾ ਟਿਕਾਈ ਬੈਠੀਆਂ ਸਨ, ਉੋਨ੍ਹਾਂ ਨੂੰ ਉਮੀਦ ਸੀ ਕਿ ਡੇਰੇ ਵਲੋਂ ਸਤਸੰਗ ਵਿਚ ਵੱਡਾ ਰਾਜਨੀਤਕ ਫੈਸਲਾ ਲਿਆ ਜਾਵੇਗਾ, ਪਰ ਕੋਈ ਫੈਸਲਾ ਨਾ ਹੋਣ ਤੋਂ ਸ਼ਰਧਾਲੂ ਵੀ ਹੈਰਾਨੀ ‘ਚ ਨਜ਼ਰ ਆਏ। ਭਾਜਪਾ, ਇਨੈਲੋ ਅਤੇ ਬਸਪਾ ਆਦਿ ਨੇ ਸਮਾਗਮ ਤੋਂ ਦੂਰੀ ਬਣਾਈ ਰੱਖੀ, ਜਦਕਿ ਸਿਰਸਾ ਤੋਂ ਕਾਂਗਰਸ ਦੇ ਉਮੀਦਵਾਰ ਅਸ਼ੋਕ ਤੰਵਰ ਕਰੀਬ 2.30 ਵਜੇ ਪਹੁੰਚੇ ਅਤੇ ਨਾਮ ਚਰਚਾ ਵਿਚ ਸ਼ਾਮਲ ਹੋਏ। ਜ਼ਿਕਰਯੋਗ ਹੈ ਕਿ ਡੇਰਾ ਸੱਚਾ ਸੌਦਾ ਚੋਣਾਂ ਦੌਰਾਨ ਕਾਫੀ ਅਹਿਮੀਅਤ ਰੱਖਦਾ ਹੈ।
ਇਸਦੇ ਚੱਲਦਿਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਹੀ ਡੇਰੇ ਨੇ ਗਤੀਵਿਧੀਆਂ ਤੇਜ਼ ਕਰ ਦਿੱਤੀਆਂ ਸਨ। ਸੂਤਰਾਂ ਦਾ ਕਹਿਣਾ ਹੈ ਕਿ ਡੇਰੇ ਦੇ ਰਾਜਨੀਤਕ ਵਿੰਗ ਨੇ ਬਲਾਕ ਪੱਧਰ ‘ਤੇ ਨਾਮ ਚਰਚਾ ਘਰਾਂ ਦੇ ਮਾਧਿਅਮ ਤੋਂ ਇਕਜੁਟ ਰਹਿਣ ਦਾ ਸੰਦੇਸ਼ ਦਿੱਤਾ ਸੀ। ਰਾਮ ਰਹੀਮ ਦੇ ਜੇਲ੍ਹ ਜਾਣ ਤੋਂ ਬਾਅਦ ਡੇਰੇ ਵਿਚ ਇਹ ਦੂਜਾ ਸਮਾਗਮ ਸੀ। ਇਸ ਤੋਂ ਪਹਿਲਾਂ 25 ਜਨਵਰੀ 2019 ਨੂੰ ਰਾਮ ਰਹੀਮ ਦੇ ਗੁਰੂ ਸ਼ਾਹ ਸਤਿਨਾਮ ਦਾ ਜਨਮ ਮਨਾਇਆ ਗਿਆ ਸੀ।
ਤੰਵਰ ਬੋਲੇ, ਧਨ ਧਨ ਸਤਿਗੁਰੂ ਤੇਰਾ ਹੀ ਆਸਰਾ
ਡੇਰੇ ਦੀ ਨਾਮ ਚਰਚਾ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਕਾਂਗਰਸ ਦੇ ਉਮੀਦਵਾਰ ਅਸ਼ੋਕ ਤੰਵਰ ਇੱਥੇ ਕਰੀਬ 20 ਮਿੰਟ ਬੈਠੇ ਰਹੇ। ਇਸ ਤੋਂ ਬਾਅਦ ਡੇਰੇ ਦੇ ਅਖਬਾਰ ‘ਸੱਚ ਕਹੂੰ’ ਦੇ ਦਫਤਰ ਗਏ, ਉਥੇ ਉਨ੍ਹਾਂ ਬੰਦ ਕਮਰੇ ਵਿਚ ਇੰਟਰਵਿਊ ਦਿੱਤਾ। ਡੇਰੇ ਤੋਂ ਬਾਹਰ ਨਿਕਲਣ ਸਮੇਂ ਮੀਡਆ ਨੇ ਉਸ ਨਾਲ ਗੱਲ ਕਰਨੀ ਚਾਹੀ ਤਾਂ ਉਨ੍ਹਾਂ ਕੋਈ ਗੱਲ ਨਹੀਂ ਕੀਤੀ ਅਤੇ ‘ਧਨ ਧਨ ਸਤਿਗੁਰੂ ਤੇਰਾ ਹੀ ਆਸਰਾ’ ਦਾ ਨਾਅਰਾ ਲਗਾ ਕੇ ਗੱਡੀ ਵਿਚ ਬੈਠ ਕੇ ਚਲੇ ਗਏ।

Check Also

ਮੁਹਾਲੀ ‘ਚ ਆਈਪੀਐੱਲ ਮੈਚ ਨਾ ਕਰਾਉਣ ਤੋਂ ਕੈਪਟਨ ਅਮਰਿੰਦਰ ਨੇ ਪ੍ਰਗਟਾਈ ਹੈਰਾਨੀ

ਕਿਹਾ – ਕ੍ਰਿਕਟ ਬੋਰਡ ਆਪਣੇ ਫ਼ੈਸਲੇ ‘ਤੇ ਮੁੜ ਵਿਚਾਰ ਕਰੇ ਨਵੀਂ ਦਿੱਲੀ/ਬਿਊਰੋ ਨਿਊਜ਼ ਪੰਜਾਬ ਦੇ …