ਪੀਲ ਪੁਲਿਸ ਨੇ ਲਾਇਆ ਫੂਡ ਡੋਨੇਸ਼ਨ ਕੈਂਪ

ਬਰੈਂਪਟਨ : ਪੀਲ ਪੁਲਿਸ ਜਿਥੇ ਸਮਾਜ ਵਿੱਚ ਸ਼ਾਂਤੀ ਬਣਾਈ ਰੱਖਣ ਲਈ ਕੰਮ ਕਰਦੀ ਹੈ ਉਥੇ ਹੀ ਇਸ ਵਲੋਂ ਸਮਾਜ ਭਲਾਈ ਦੇ ਕੰਮ ਵੀ ਲਗਾਤਾਰ ਜਾਰੀ ਹਨ। ਇਸੇ ਤਹਿਤ ਪੀਲ ਪੁਲਿਸ ਵਲੋਂ ਬਰੈਂਪਟਨ ਵਿਖੇ ਇੱਕ ਫੂਡ ਡੋਨੇਸ਼ਨ ਕੈਂਪ ਦਾ ਆਯੋਜਨ ਕੀਤਾ ਗਿਆ।ਇਲਾਕੇ ਦੇ ਲੋਕਾਂ ਵਲੋਂ ਦਿਲ ਖੋਲ ਕੇ ਲੋੜਵੰਦ ਲੋਕਾਂ ਲਈ ਖਾਣ-ਪੀਣ ਦੀਆਂ ਵਸਤਾਂ ਦਾਨ ਕੀਤੀਆਂ ਗਈਆਂ ।ਕੈਨੇਡਾ ਵਰਗੇ ਦੇਸ਼ ਵਿੱਚ ਵੀ ਕੂਝ ਲੋਕ ਖਾਣੇ ਤੋਂ ਮੁਹਤਾਜ ਹਨ ਪਰ ਉਨ੍ਹਾਂ ਦੀ ਮੱਦਦ ਲਈ ਇੱਕਲੀਆਂ ਸਮਾਜ ਸੇਵਕ ਸੰਸਥਾਵਾਂ ਹੀ ਨਹੀਂ ਅੱਗੇ ਆਉਂਦੀਆਂ ਸਗੋਂ ਸਰਕਾਰ ਅਤੇ ਪੁਲਿਸ ਵਰਗੇ ਮਹਿਕਮੇ ਵੀ ਆਪਣੀ ਸਮਰਥਾ ਅਨੁਸਾਰ ਯੋਗਦਾਨ ਪਾਉਂਦੇ ਹਨ। ਇਸੇ ਤਰ੍ਹਾਂ ਦਾ ਹੀ ਇੱਕ ਨਜ਼ਾਰਾ ਬਰੈਂਪਟਨ ਵਿਖੇ ਦੇਖਣ ਨੂੰ ਮਿਲਿਆ ਜਿਥੇ ਪੀਲ ਪੁਲਿਸ ਅਤੇ ਸਾਂਈ ਧਾਮ ਵਲੋਂ ਲੋੜਵੰਦ ਲੋਕਾਂ ਲਈ ਫੂਡ ਡੋਨੇਸ਼ਨ ਕੈਂਪ ਲਗਾਇਆ ਗਿਆ ਸੀ।ਜਿਸ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕਾਂ ਵਲੋਂ ਫੂਡ ਆਇਟਮਜ਼ ਦਾਨ ਵਿੱਚ ਦਿੱਤੀਆਂ ਗਈਆਂ । ਲੋਕ ਵੱਧ ਤੋਂ ਵੱਧ ਇਸ ਕੈਂਪ ਰਾਹੀਂ ਲੋੜਵੰਦ ਲੋਕਾਂ ਤੱਕ ਖਾਣਾ ਪਹੁੰਚਾ ਰਹੇ ਸਨ। ਇਸ ਕੈਂਪ ਵਿੱਚ ਇੱਕਠਾ ਕੀਤਾ ਗਿਆ ਫੂਡ ਸ਼ਹਿਰ ਦੀਆਂ ਫੂਡ ਬੈਂਕ ਸੰਸਥਾਵਾਂ ਰਾਹੀਂ ਲੋੜਵੰਦ ਲੋਕਾਂ ਵਿੱਚ ਵੰਡਿਆ ਜਾਵੇਗਾ ।