New Delhi : ਯੈੱਸ ਬੈਂਕ ਦੇ ਸ਼ੇਅਰ ਰੱਖਣ ਵਾਲੇ ਨਿਵੇਸ਼ਕਾਂ ਲਈ 17 ਅਕਤੂਬਰ ਦੀ ਤਾਰੀਖ ਅਹਿਮ ਹੈ। ਬੈਂਕ ਨੇ ਦੱਸਿਆ ਹੈ ਕਿ ਇਸ ਦਿਨ ਮੁੰਬਈ ਵਿੱਚ ਬੋਰਡ ਮੀਟਿੰਗ ਹੋਵੇਗੀ, ਜਿਸ ਵਿੱਚ ਜੁਲਾਈ-ਸਤੰਬਰ ਤਿਮਾਹੀ ਅਤੇ ਸਤੰਬਰ ਤੱਕ ਦੀ ਛਿਮਾਹੀ ਦੇ ਵਿੱਤੀ ਨਤੀਜਿਆਂ ’ਤੇ ਵਿਚਾਰ ਕੀਤਾ ਜਾਵੇਗਾ। ਹਾਲ ਹੀ ਵਿੱਚ ਜਾਰੀ ਹੋਏ ਬਿਜ਼ਨਸ ਅਪਡੇਟ ਮੁਤਾਬਕ ਬੈਂਕ ਦੇ ਕਰਜ਼ਿਆਂ ਅਤੇ ਗਾਹਕਾਂ ਦੀ ਜਮ੍ਹਾਂ ਰਕਮ ਵਿੱਚ ਵਾਧਾ ਹੋਇਆ ਹੈ। ਹਾਲਾਂਕਿ, ਘੱਟ ਲਾਗਤ ਵਾਲੀਆਂ ਜਮ੍ਹਾਂ ਰਕਮਾਂ ਦਾ ਹਿੱਸਾ ਘਟਿਆ ਹੈ। ਇਸ ਲਈ ਸਵਾਲ ਇਹ ਹੈ ਕਿ ਕਾਰੋਬਾਰ ਵਿੱਚ ਹੋਇਆ ਇਹ ਵਾਧਾ ਬੈਂਕ ਦੀ ਕਮਾਈ ਵਿੱਚ ਕਿੰਨੀ ਮਦਦ ਕਰੇਗਾ? 5 ਅਕਤੂਬਰ ਨੂੰ ਕੀਤੀ ਗਈ ਐਕਸਚੇਂਜ ਫਾਈਲਿੰਗ ਮੁਤਾਬਕ, ਬੋਰਡ ਸ਼ਨੀਵਾਰ, 17 ਅਕਤੂਬਰ 2026 ਨੂੰ ਬੈਂਕ ਦੇ ਅਣ- ਆਡਿਟ ਕੀਤੇ ਸਟੈਂਡਅਲੋਨ ਅਤੇ ਕਨਸੋਲਿਡੇਟਿਡ ਵਿੱਤੀ ਨਤੀਜਿਆਂ ’ਤੇ ਵਿਚਾਰ ਕਰੇਗਾ ਅਤੇ ਉਨ੍ਹਾਂ ਨੂੰ ਮਨਜ਼ੂਰੀ ਦੇਵੇਗਾ।
ਸਟੈਂਡਅਲੋਨ ਨਤੀਜਿਆਂ ਵਿੱਚ ਸਿਰਫ਼ ਬੈਂਕ ਦੀ ਆਪਣੀ ਵਿੱਤੀ ਸਥਿਤੀ ਦਿਖਾਈ ਜਾਂਦੀ ਹੈ, ਜਦਕਿ ਕਨਸੋਲਿਡੇਟਿਡ ਨਤੀਜਿਆਂ ਵਿੱਚ ਬੈਂਕ ਦੀਆਂ ਸਹਾਇਕ ਕੰਪਨੀਆਂ ਨੂੰ ਵੀ ਸ਼ਾਮਲ ਕੀਤਾ ਜਾਂਦਾ ਹੈ। ਅਣ- ਆਡਿਟ ਕੀਤੇ ਨਤੀਜਿਆਂ ਦਾ ਮਤਲਬ ਹੈ ਕਿ ਇਨ੍ਹਾਂ ਵਿੱਤੀ ਅੰਕੜਿਆਂ ਦੀ ਪੂਰੀ ਆਡਿਟ ਪ੍ਰਕਿਰਿਆ ਹਾਲੇ ਪੂਰੀ ਨਹੀਂ ਹੋਈ ਹੈ।
ਯੈੱਸ ਬੈਂਕ ਦੇ ਸ਼ੇਅਰ ਖਰੀਦਣ ਵਾਲਿਆਂ ਲਈ 17 ਅਕਤੂਬਰ ਅਹਿਮ
