New Delhi : HDFC ਬੈਂਕ ਦੇ ਬੋਰਡ ਆਫ਼ ਡਾਇਰੈਕਟਰਜ਼ ਨੇ ਅਨੂਪ ਬਾਗਚੀ ਨੂੰ ਬੈਂਕ ਦੇ ਐਡੀਸ਼ਨਲ ਡਾਇਰੈਕਟਰ ਵਜੋਂ ਨਿਯੁਕਤ ਕਰਨ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਬੋਰਡ ਦੀ ਇਹ ਮਨਜ਼ੂਰੀ 1 ਅਕਤੂਬਰ 2026 ਨੂੰ ਹੋਈ ਮੀਟਿੰਗ ਵਿੱਚ ਗਵਰਨੈਂਸ, ਨੋਮੀਨੇਸ਼ਨ ਐਂਡ ਰਿਮਿਊਨਰੇਸ਼ਨ ਕਮੇਟੀ ਦੀ ਸਿਫਾਰਸ਼ ਦੇ ਆਧਾਰ ‘ਤੇ ਦਿੱਤੀ ਗਈ।
ਬੋਰਡ ਨੇ ਅਨੂਪ ਬਾਗਚੀ ਦੀ ਨਿਯੁਕਤੀ ਨਾਲ ਸਬੰਧਤ ਦੋ ਅਹਿਮ ਫੈਸਲਿਆਂ ਨੂੰ ਮਨਜ਼ੂਰੀ ਦਿੱਤੀ ਹੈ। ਬਾਗਚੀ ਅਗਲੇ ਤਿੰਨ ਸਾਲਾਂ ਲਈ ਇਹ ਅਹੁਦਾ ਸੰਭਾਲਣਗੇ। ਮੌਜੂਦਾ MD ਅਤੇ CEO ਸ਼ਸ਼ੀਧਰ ਜਗਦੀਸ਼ਨ ਦਾ ਕਾਰਜਕਾਲ 26 ਅਕਤੂਬਰ ਨੂੰ ਖਤਮ ਹੋਣ ਤੋਂ ਬਾਅਦ, 27 ਅਕਤੂਬਰ ਤੋਂ ਅਨੂਪ ਬਾਗਚੀ ਬੈਂਕ ਦੇ MD ਅਤੇ CEO ਦਾ ਅਹੁਦਾ ਸੰਭਾਲਣਗੇ। ਸ਼ਸ਼ੀਧਰ ਜਗਦੀਸ਼ਨ ਨੇ ਅਗਲੇ ਕਾਰਜਕਾਲ ਲਈ ਦੁਬਾਰਾ ਨਿਯੁਕਤੀ ਦੀ ਮੰਗ ਨਹੀਂ ਕੀਤੀ।