New Delhi : ਜਾਵਾ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਨਵੀਂ 42 ਆਲ ਸਟਾਰਜ਼ ਮੋਟਰਸਾਈਕਲ ਲਾਂਚ ਕਰ ਦਿੱਤੀ ਹੈ। ਇਸ ਦੀ ਕੀਮਤ ਕਰੀਬ 1.85 ਲੱਖ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ, ਜਦਕਿ ਟਾਪ ਵੇਰੀਐਂਟ ਦੀ ਕੀਮਤ ਕਰੀਬ 1.90 ਲੱਖ ਰੁਪਏ (ਐਕਸ-ਸ਼ੋਰੂਮ) ਤੱਕ ਜਾਂਦੀ ਹੈ। ਕੀਮਤ ਚੁਣੇ ਗਏ ਰੰਗ ਦੇ ਆਧਾਰ ‘ਤੇ ਵੱਖ-ਵੱਖ ਹੋਵੇਗੀ।
ਇਸ ਦੌਰਾਨ ਨਵੀਂ ਬਾਈਕ ਦੀ ਬੁਕਿੰਗ ਸ਼ੁਰੂ ਹੋ ਚੁੱਕੀ ਹੈ। ਗਾਹਕਾਂ ਨੂੰ ਇਸ ਦੀ ਡਿਲੀਵਰੀ 14 ਸਤੰਬਰ 2026 ਤੋਂ ਮਿਲਣੀ ਸ਼ੁਰੂ ਹੋਵੇਗੀ। ਇਸ ਤੋਂ ਪਹਿਲਾਂ ਕੰਪਨੀ ਭਾਰਤ ਵਿੱਚ 42 ਐੱਫਜੇ ਆਲ ਸਟਾਰਜ਼ ਅਤੇ 42 ਬੌਬਰ ਆਲ ਸਟਾਰਜ਼ ਤੋਂ ਵੀ ਪਰਦਾ ਚੁੱਕ ਚੁੱਕੀ ਹੈ।
ਜਾਵਾ ਦਾ ਕਹਿਣਾ ਹੈ ਕਿ ਨਵੀਂ 42 ਆਲ ਸਟਾਰਜ਼ ਵਿੱਚ 60 ਤੋਂ ਵੱਧ ਬਦਲਾਅ ਕੀਤੇ ਗਏ ਹਨ। ਇਨ੍ਹਾਂ ਵਿੱਚ ਬਾਈਕ ਦੇ ਡਿਜ਼ਾਈਨ ਦੇ ਨਾਲ-ਨਾਲ ਟਾਇਰਾਂ, ਵ੍ਹੀਲਾਂ ਅਤੇ ਇੰਸਟਰੂਮੈਂਟ ਕਲੱਸਟਰ ਵਿੱਚ ਵੀ ਬਦਲਾਅ ਸ਼ਾਮਲ ਹਨ। ਬਾਈਕ ਦੇ ਪਿਛਲੇ ਹਿੱਸੇ ਨੂੰ ਨਵਾਂ ਡਿਜ਼ਾਈਨ ਦਿੱਤਾ ਗਿਆ ਹੈ ਅਤੇ ਇਸ ਵਿੱਚ ਪਹਿਲਾਂ ਨਾਲੋਂ ਚੌੜਾ ਰੀਅਰ ਮਡਗਾਰਡ ਮਿਲਦਾ ਹੈ। ਨਵੇਂ ਸਾਈਡ ਬਾਡੀ ਪੈਨਲ ਅਤੇ ਟਵਿਨ ਅਪਸਵੇਪਟ ਐਗਜ਼ੌਸਟ ਇਸ ਨੂੰ ਹੋਰ ਸਪੋਰਟੀ ਲੁੱਕ ਦਿੰਦੇ ਹਨ।
ਜਾਵਾ 42 ਆਲ ਸਟਾਰਜ਼ ਨੇ ਮਾਰੀ ਐਂਟਰੀ, ਨਵੇਂ ਡਿਜ਼ਾਈਨ ਨਾਲ ਮਿਲਣਗੇ 60 ਤੋਂ ਵੱਧ ਅਪਡੇਟਸ
